№29 «Нұрсая» бөбекжай-бақшасы

«Жәндіктер»

/саралау әдісі бойынша ойын іс-әрекеті/

Ересек №5 «Балбұлақ» тобы

Тәрбиеші: Ізбасова О.Қ

2022-2023 оқу жылы

Тақырыбы: «Жәндіктер» саралау әдісі

Мақсаты: Жәндіктер туралы түсініктерін кеңейту. Жәндіктер әлеміне қызығушылықтарын ояту. Табиғатқа сүйіспеншілікпен қарауға тәрбиелеу. Сөздік қорларын, саусақ маторикасын дамыту.

Балалар топта шеңбер жасап отырып, жәндіктермен ойнап отыр.

Тәрбиеші: Балалар, сендер немен ойнап отырсыңдар? Қолдарыңда не бар? Кімде қандай жәндік бар?

Балалардың жауаптары.

Тәрбиеші: Балалар, сендер осы жәндіктер туралы ойын ойнағыларың келе ме?

Балалар, ойын ойнау үшін алдымен 3 топқа бөлініп алуымыз қажет.

Топқа бөліну үшін осы 1,2,3 сандарының астынан өзіміздің суретімізді жарықшамның көмегімен іздеп, тауып аламыз және сол санның қатарына барып тұрамыз.

Ойын: «Сәйкестендір»

Ойынның шарты: Балалар суретте көрсетілген жәндіктерді көлеңкесімен сәйкетендіру қажет.

Ойын: «Гүлдің астында жасырынған жәндік?!»

Ойынның шарты: Ортаға жәндіктердің суреті бар карточкаларды қоямыз. Балалардың қолдарына гүлдерді таратып, гүлдерге жарықшам жағу арқылы қандай жәндік екенін анықтайды және үстел үстіндегі жәндіктердің ішінен жасырынған жәндікті тауып, қояды.

Ойын: «Артығын тап»

Ойынның шарты: Балалардың алдына суреттер беріледі. Балалар сол суреттегі жәндіктердің ішінен артығын тауып, ол жәндіктің не үшін артық екенін айтады.

Анықтама

15.02.2023ж. күні ересек №5 «Балбұлақ» тобының «Жәндіктер» атты саралау әдісі бойынша ойын іс-әрекеті өтті.

Қатысқан бала саны: 19

Балалар топта шеңбер болып отырып, жәндіктермен ойнап отырды. Тәрбиеші балалардан немен ойнап отырғандарын сұрап, жәндіктерге байланысты сұрақ қойды. Балалар толықтай жауап берді. Балаларды топқа бөлу үшін ортаға шақырып, алдарына 1,2,3 сандарының карточкаларын қойды. Балалар жарықшам арқылы сол сандардың артынан өздерінің суреттерін тауып, өздеріне түскен сандар бойынша орындарына барды.

Әр топқа әртүрлі тапсырмалар берілді. Әр топтың балалары өздеріне берілген тапсырманы тиянақты орындап, қойылған сұрақтарға жауап бере білді. Балалар мен тәрбиеші арасындағы ойын іс-әрекеті өте жақсы деңгейде өтті.Балалар жақсы көңіл-күйде болды.