«Жаңа әліпби – жаңғырудың қайнары!»

«Жаңа әліпби – жаңғырудың қайнары!»

Елбасымыз Н.Ә. Назарбаевтың рухани жаңғыру бағдарламасы Қазақстан мемлекетін 30 елдің қатарына енудің жарқын жобасы екені бүкіл халыққа әйгілі. Сол жарқын жобаның игі қадамы – латын әліпбиіне көшу. Латын әліпбиі арқылы Қазақстан мемлекеті тың жаңалықтары мен ғылыми жобаларын әлемдік деңгейде паш ете алады. Қазіргі таңда әлем жаңалықтары, ресми құжаттар осы жазу бойынша қабылдануда. Латын әліпбиі ұлттық сананың жаңғыруы. Қазақстан мемлекетінің болашағы, ел мүддесі. Ұлттық тіліміз қазақ тілінің төл табиғатын, асыл қазынасын сақтауға мол мүмкіндік беретіні еш күмәнсіз. Елбасының бұл игі бастамасын қолдауда жалпы халықтық диктант алынып, халықтың мүмкіншілігін қарастыруда. Осы игі бастамаға қолдау көрсету мақсатында Арасан ауылдық округінің әкімшілік қызметкерлері, ұстаздар, мектеп директоры, кіші қызметкерлер, шағын орталық қызметкерлері, ауылдық емхананың бас мамандары, қызметкерлері, ауыл тұрғындары береке бірлікте жалпыхалықтық диктантқа қатысып, латынша жазумен диктант жазып, өз белсенділіктерін жоғары деңгейде көрсете білді. Жоғарыда аталған мекемелердің қызметкерлері бұл шараға жүз пайыз қатысты. Диктант соңында Арасан ауылының тұрғындары өз көзқарастарын білдіріп, латын әліпбиінің рухани жаңғырудың басты қадамы екенін айтып өтті.

Р.Ж.Ақсубаева

Б. Сырттанов атындағы орта мектеп

«Нұр Отан» бастауыш партиясының мүшесі