"Жаңа Жыл-2024" ертеңгілік сценарий

Сценарий тақырыбы: Құтты болсын Жаңа жыл

Сценарий мақсаты: балаларда мерекелік көңіл күй тудыру; шыршаның қалай әдемі де сәнді безендірілгеніне, балалардың: Аяз атаның, Ақшақардың, Жалмауыз кемпірдің карнавалдық киімдеріне назар аударту; көңілді ойындар ойнату, достық қарым-қатынасын ояту, бірлескен ойындар ойнату, аудиторияға мерекелік көңіл күй жасау.

Қатысушылар: жүргізуші, Аяз ата, Ақшақар, Жалмауыз кемпір,Ұлу, клоун, бастауыш сынып оқушылары.

Түрі: карнавал

Құтты болсын Жаңа жыл қазақша сценарий

Сценарий барысы:

Музыка ойнап тұрады.

Жүргізуші:

(жүргізушінің дауысы тыс жерден шығады)

Тезірек, тездетіп мында жиналыңдар,
Басталады Жаңа жылдық карнавал,
Маска да бар, би де бар, асығыңдар,
Шырша жанында қонақтарды қарсы алыңдар.
Аяз ата шақырғанның бірі дағы қалмайды,
Басталады, басталады, жаңажылдық карнавал!
Карнавалдың иелерін қарсы алайық! МУЗЫКА

(қол шапалақтау, оқушылар екі-екіден залға кіреді)

Жүргізуші: Армысыздар, аяулы ұстаздар, ата-аналар! Сәлеметсіздер ме, балалар. Сендер бүгін, сәнді киініп, әдемі болып келіпсіңдер. Мына жерде Джунглидің барлық аңдары, сүйікті ертегілеріміздің кейіпкерлері де жетіпті. Ал, бүгін балалар, қандай мереке?

Балалар: Жаңа жыл!

Жүргізуші: Балалар, ортамыздағы әсем не?

Балалар: Шырша!

Жүргізуші: Шыршамыз қандай әдемі! Ойыншықтары неткен көп!
Жүргізуші: Балалар, бүгін біз жаңа жылды қарсы алуға жиналдық. Келіңдер, сән құрап тұрып, қол ұстасып жүріп ән салайық.

Ән Аппақ-аппақ, жапалақтап… ШЫРША АЙНАЛЫП ӘН САЛУ

Жүргізуші: Жарайсыңдар, (шыршаның жанына жақындап келіп)

Бәрекелді, қараңдар балалар, шыршаның астында бірдеңе тұр! Сыйлықтар! Сыйлық алу қандай тамаша, келіңдер, балалар, сыйлықты ашып көрейік. МУЗЫКА

(көңілді музыка ойнайды, қорапты ашады, оның ішінен клоун атып шығады)

Клоун: Амансыңдар ма, балалар! Иә, бұл менмін. Мені ораудан алып шыққандарың қандай жақсы болды! Ол жерде тар, әрі қап-қараңғы. Ал, мұнда сондай тамаша екен! Мен де сендермен жаңа жылды қарсы алайыншы, сендермен бірге қызықты ойындар ойнайыншы!

КЛОУННЫҢ ОЙЫНЫ «ҚАР КӨШКІНІ»

Жүргізуші: Балалар, бізде шыршамыз бар, әдемі киінген балаларымыз бар,
Ата-аналарымыз, көрермендеріміз де бар екен, енді, біздің жаңажылдық мерекемізге кім жетіспейді?

Балалар: Аяз ата, Ақшақар.

Жүргізуші: кәне, онда Аяз атаны шақырайық. Бар дауыспен айқайлайық.

Балалар: Аяз ата, Аяз ата (деп 2 рет айтқанда, есік ашылады да, сыпырғышына мінген Жалмауыз кемпір жүгіріп кіреді.)

ЖАЛМАУЫЗ КЕМПІР КЕЛЕДІ

Жалмауыз кемпір: Ойбай түрлерін қара! Неге тамақтарыңды жыртып жатырсыңдар?!

Жүргізуші: Ал, сен неге амандаспайсың? Әдепті адам алдымен амандасып
алады дегенді білмейсің бе?

Жалмауыз кемпір: Білсем бұйырмасын!

Жүргізуші: Мұны тіпті мына бүлдіршіндеріміз біледі. Ал, сен сияқты үлкен әйел адамға ескертудің өзі ұят. Сен не, мектепте оқымадың ба?

Жалмауыз кемпір: Оқыған жоқпын! Маған бір танысым – Орман перісі — мектепте сондай қызықты болады, бір барып көрсең, көрсең ғой деп қоймай еді, ал, бардым. Онда кешке дейін тақпақ-әндер, көбейту кестесін жаттатады, ал мұғалімдері бұрамалы ойыншық сияқты: Қанша? Неше? Қайда? Ойланыңдар, ойланыңдар дейді де жатады, не одан басқа сөз жоқ па? Еще 45 минут партада қадалып отыру керек. Бүйткен мектебі құрысын! ЖАЛМАУЫЗ КЕМПІР КҮЛЕДІ

Жүргізуші: Балалар, Жалмауыз кемпір шын айтып тұр ма? Мектепте көңілсіз бе? Айтыңдаршы мектепке не үшін барады?

Балалар қолдарын көтеріп:

• сауат ашу үшін

• жазу

• сызу

• санау

• кітап оқуды үйрену үшін

• сурет салу үшін

Жүргізуші: Дұрыс айтасыңдар, балалар. (Жалмауыз кемпірге қарап)
Түсіндің бе? Сен өзі қайдан шықтың? Біз Аяз атаны шақырып едік қой?!

Жалмауыз кемпір: Ал, мені мерекеге неге шақырмайсыңдар? Аяз ата сендерге бәрібір келмейді, өйткені мен ормандағы жол көрсететін белгіні алып тастадым, енді ол жол таба алмайды ха-ха-ха (деп секіреді) Ж.К.КҮЛЕДІ

Жүргізуші: неге олай еттің? Аяз ата, Ақшақарсыз қандай жаңа жыл келмек?

Жалмауыз кемпір: ә, бәлем, солай ма екен! Әйтпесе мектеп… оқу… жазу… Енді, сендерді мен оқытамын! Қазір денешынықтыру сабағы болады. Бүгінгі сабақта, біз бет-аузымызды қисаңдатып үйренеміз.

(көңілді музыкамен «Айна» ойыны ойналады. Ойын ойналып болған соң)

Енді тест аламын, кім сараң екенін анықтаймын (іші ақшаға толған, жіпке байланған әмиянды лақтырып қалады, мәз болып, тырнақтарын қағады)

Жүргізуші: Тоқта, тоқта!

Жалмауыз кемпір: Жарайды, жарайды.

Балаларға қарап: балалар шырша әдемі болып жану керек қой иә?

Балалар: Иә!

Жалмауыз кемпір: Онда, кәне жағып жіберейік! (қолына сіріңкесін алып, жаға бастайды)

Жүргізуші: Жоқ! Жоқ! Мына Жалмауыз кемпірден құтыла алмадық қой!
(осы кезде боранның гуілдеген дыбысы естіледі. Жалмауыз кемпір тоңа бастайды да, біреулердің киімдерінің астына кіріп, ата-аналарға тығылып, соңында шыршаның астына тығыла бастайды) МУЗЫКА БОРАН И АЯЗ АТА КІРЕДІ

Алыстан Аяз атаның дауысы естіледі.

Жүргізуші: Аяз ата, Ақшақар келе жатыр ғой деймін, шақырайық, қол соғайық, болған қиындықтарды ұмытайық!

Балалар: Аяз ата, Ақшақар!

Аяз ата:

Сәлематсыңдар ма, балалар!
Күнтізбеде қалыпты
Жалғыз ғана бір парақ.
Дайындалдым жыл бойы,
Жолға шығар келді уақ!
Шақырымды жүздеген
Басып өту мен үшін
Жаңа жылдың түнінде
Жасыл шырша түбінде
Кездессем деп сендермен,
Таратсам екен сыйлықтар,
Одан асқан не сый бар.
Қуаныш сыйлау балаға
Одан зор бақыт бола ма!
Сендерді көргеніме сондай бақыттымын!

Аяз ата: Балалар, мына шыршамыз көңілсіз тұрған сияқты ғой. Кәне, сиқырлы сөздерімізбен оның шамдарын жарқыратайық!

Қуант, бізді таңырқат
Шамдарыңды жарқырат! (3 рет айту керек)

Балалар:

Қуант, бізді таңырқат
Шамдарыңды жарқырат! (қолдарын шапалақтатады)

Шырша жарқырайды

Аяз ата: балалар, менің қарша қызым қайда жүр екен, кім тауып береді екен маған?

ДАЯРЛЫҚ, 1-СЫНЫП, ҚОНАҚ БАЛАЛАР

Аяз ата: бәрекелді, бәрекелді. Менің Ақшақарым қазір келіп қалар, мынандай тақпақтан кейін кідірмес. Клоун балам, кәмпит берейік екеуміз тақпақ айтқан балаларға (кәмпиттерін береді)

Жүргізуші: Аяз ата, мен де, жұмбақтап жіберсем қайтеді?

Ертегідей орманнан
Көктей өтіп келеді.
Сұңғақ бойлы бір сұлу
Табыңдаршы, аты кім?

Балалар: Ақшақар!

(музыкамен Ақшақар келеді)

Ақшақар: Сәлематсыңдар ма, балалар! Орманды көктей өтіп жеттім-ау сендерге! Қандай әдемі, неткен сұлу шырша!

Мен білемін бір ойын:
Үйретейін сендерге
Мен бастаймын, ал, сендер
Аяқтаңдар ойынды.
Хормен жауап айтыңдар!
Қарға мүлгіп дала тұр,
Келе жатыр….

Балалар: Жаңа жыл!

Ақшақар:

Қызыл мұрын, ақ мұртты
Білсең атын тез ата,
Келеді бізге ….

Балалар: Аяз ата!

Ақшақар:

Шырша бүгін кәделі!
Сендер әрі ……

Балалар: Әдемі!

Ақшақар:

Көңілсіз бір бала жоқ,
Ойын-күлкі таралсын
Құтты болсын …..

Балалар: Жаңа жыл!

2,3,4-ТАҚПАҚ

1,2-БИ

Аяз ата: бәрекелді, үлкен сый кәмпитімізден балаларымызға да беріп қояйық.
Ал, енді балалар, мына шыршаға арналған, маған, келген Жаңа жылға, Ақшақарға арналған өнерлерің болса, аямаңдар!

ДАЯРЛЫҚ БИ

Жүргізуші: біздің балалардың өнерлері көп, әрі қарай тамашалай берейік.

3-4- ӘН

ФЛЕШМОБ

Жүргізуші: Кәне, балалар, бәріміз «Шырша» әнін жақсылап айтып жіберейік, Аяз атамызбен Ақшақарымызбен, Клоун бәріміз!

ОРМАНДА ШЫРША ТУЫПТЫ ӘНІ

Аяз ата: Мінекей, балалар, сендермен қоштасатын да кез келді.

Ақшақар: сендерді қимай тұрмыз, барлығың да көңілді, әдемі бала екенсіңдер.

Аяз ата:

Жаңа жылда, балалар,
Тек қуаныш көріңдер.
Ауырмаңдар ешқашан,
Мықты болу өзіңнен.

Ақшақар:

Жаңа жылда, балалар,
Тек жақсылық көріңдер.
Жылау, ауру, жамандық
Қастарыңда болмасын
Сау болыңдар, балалар