Жаңа жыл мерекесіне арналған ертеңгілік.

Тақырыбы: «Жасыл шырша жанында»

Мақсаты:Балаларды жаңа жылмен, оның ерекшеліктерімен таныстыру,мерекеге көңіл- күй туғызу.Шырша әсемдігін,қыс қызығын сезіну,әсер алу қабілеттерін жетілдіру.Ән орындау,би билеу,тақпақ айту арқылы балалардың сөйлеу тілін дамыту.Жақсылыққа, достыққа, бір-біріне бауырмалдық көрсете білуге тәрбиелеу.

Көрнекі құралдар: Ойыншықтар ілінген шырша,орындық,музыка орталығы,ұлпақарлар таяқшасы, сәбіздер.

Аяз ата рөлінде:Талант

Ақшақар рөлінде: Айман

Қоян:Назым.К

Сиқыршы:Жанар

Қой:Ақмарал

Жылқы:Гүләйім, Жұлдыз.

Зал іші жаңа жыл ертеңгілігіне арнайы безендірілген.Ортада ойыншықтар ілінген жасыл шырша.Жаңа жыл мерекесіне арналған ертеңгілікке балалар дайын. Балалар қатармен келіп орындарына отырады.

Тәрбиеші:

Құрметті ата-аналар келіп отырған қонақтар және әріптестер сіздерді келе жатқан Жаңа жыл мерекесімен құттықтаймыз,жанұяларыңызға бақыт тілейміз,аспанымыз ашық болып,еліміз көркейе берсін.Жаңа жыл жаңа бақыт,жаңа нұр төгіп,тек қана жақсылықтар алып келсін.

Жаңа жылдың таңы неткен арайлы

Ақ мамыққа бөлеп алды маңайды

Жаңа жылмен құттықтаймын деген үн

Әр қанаттан кең алқапқа тарайды.

Тақпақ.

Қарақат.

Тілеймін мен бар адамға

Жаңа бақыт жаңа жыр

Ата,әке,ана,әже.

Құтты болсын жаңа жыл.

Ән: Мысығым

Тақпақ.

Аяла.

Сақалының ұзын-ай

Саудыраған мұзын-ай

Жарқыраған оттары

Жаңа-жылдың қызығай.

Тақпақ.

Айдана.Елеубаева

Жаңадан тақпақ

Аламыз жаттап

Жаңа жыл келді

Жаңа жыл аппақ.

Тәрбиеші: Балалар, шыршамыздың шамдары жанбай тұр. Осы шыршаның шамдарын қалай жақсам екен а?

Сол кезде есік тоқылдап,ішке күлегеш кіреді.Күлегеш сіздің көмегіңіз керек болып тұр.

Бізге көмектесесізбе?

Қандай көмегім керек?

Шыршамыздың шамы жанбай тұр.

Сиқырлы таяғымен абра,кадабра,суф. 2-3 рет айтады.

Шамдар жарқырап жанады.

Залға жүгіре басып қоян кіреді.Шыршаға қарап таң қалады.Бүкіл далаға қызылды,жасылды болып әдемі сәулелерін шашып тұрған бұл не екен?

Ол сұраққа сиқыршы жауап береді..

Енді сіздерге алғыс ретінде бүлдіршіндер ән айтып берсін.

Балалардың өнерін тамашалаңыз.

3.Ән: Бала-бала балақан.

Өте ақылды,жақсы балалар екенсіңдер.

Мен басқа балабақшаға да баруым керек,көмегім керек болса шақырыңдар,мен тез жетіп келемін деп, күлегеш шығып кетеді.

Сау болыңдар!.

Сау болыңыз,сізге көп рахмет.

Сендер Аяз атаны күтіп тұрсыңдарма?Мен ол кісінің аяғының дауысын естіп тұрмын.Қаттырақ дауыстарыңды шығарып,шақырыңдар.Ол кісі қартайған,құлағы естімей қалады.

Балалар: Аяз Ата!

Тәрбиеші: Балалар, Аяз Атаны шақырайық!

Балалар: Аяз Ата (3 рет)

Аяз ата! 3 рет

Аяз Ата келеді.

Аяз ата: Амансың ба ұлдарым,

Амансыз ба қыздарым!

Қандай жарқын жүздерің,

Қандай әсем билерің.

Аяз Ата сендерге

Шаршап келді алыстан.

Тәрбиеші: Аяз Ата, ақша қыз сендерді көптен күттік. Аяз Ата сіздерді сағындық. Қош келдіңіздер!

Мына шырша қандай әдемі,балалар қандай сүйкімді.

Тақпақ

Айдана .Ерболқызы

Жаңа жылды қарсы алдық

Мініп алып күймеге

Менде бүгін ән салдым

Араластым биге де

Тақпақ

Кербез

Торғай,торғай тоқылдақ

Жерден тары шоқып,ап

Бөтекесі бүлтиып

Шиқ-шиқ етіп отырмақ.

Тақпақ

Санжар.

Тамаша,тамаша

Шыршамыз тұр жараса немесе « Жазда апамның аулына»

Тақпақ.

Айым.

Аяз ата келіп тұр

Бізге сәлем беріп тұр

Тақпақ айтқан балаға

Кәмиттерін беріп тұр.

Ақбота

Қала нұр,дала нұр

Құтты болсын жаңа-жыл.

Аяз ата: Қандай әсем жырларың!

Ақшақар: Шаршағаным да басылып қалды,енді сіңілдеріммен би билейін.

Би: қыздар тобының орындауында «ақшақарлар биі»

Орындаушылар:Ақбота,Кербез,Қарақат,Аружан,Айдана,Айару,Аяла.

Ақшақар сөзі: ақшақар сіңілдерім келіңдер, ортаға шығыңдар би билейік.

1.Қолдарын жоғары көтередіде шыршаны айналады

2.Қолды кезек-кезек алдыға,артқа созады.

3.Айналып билеу.

4.Алақанды бірге қарды үрлейміз.

Тақпақ.

Көркем

Шырша тойы көңілді

Билеп барлық бала жүр.

Аружан.

Аяз ата келеді

Тамашаны көреді

Риза болып қуанып

Бізге сыйлық береді.

Би «қояндар биі»

Менде қоян бауырларыммен би билеп берейін.

Орындайтындар:

Бекнұр,Санжар,Әмір,Наиль

1.Секіріп ортаға шығадыда бір қатарға тұрады.

2.Бір орында тұрып секіріп,айналып қолдарын жылытады.

3.Отыра қалып шөп іздейді.

4.Орындарынан тұрады, сәбізді жеген қылып көрсетеді.

5.Орындарында секіріп қолмен құлақ жасау.

6.Жүгіріп айналып келіп бір қатарға тұрып бастарын изеу.

Ән: Әй-әй ата

1.Таң ата келді ата,

Ақ тоқаш берді ата

Әй-ата,әй ата

Әй-әй ата,әй ата

2. Күн бата келді ата,

Ойыншықтар берді ата

Әй-ата,әй ата

Әй-әй ата,әй ата!

Күтпеген сәт.

Ортаға жылқы шығады.

Тәрбиеші:

Балалар биыл жылқы жылы болды,жылқы жылында сендер бір жасқа өстіңдер.Жылқы жылы бізге құтты,берекелі жыл болды,енді жылқы жылына сау бол айтып шығарып салайық.

Жылқы:

Мен енді кезегімді қойға беремін.

Қойдың сөзі.

Келер жыл мен боламын.

Ойын ойнау.

«Қар жинау»

Ойынды ойнататындар: Ақшақар мен Қоян.

Ақшақар: Аяз ата, балалар өз өнерлерін көрсетті, ал сіз ештеңе ұмытқан жоқсызба?

Аяз Ата: Дұрыс айтасың, қызым, қазір бәрін ұйымдастырамыз.Менің сиқырлы шанам қайда екен. (Сыртта қалып қойыпты) Шананы күлегешпен қоян алып келеді.

Ал, балалар, міне сендерге дайындаған сыйлықтарым,қабыл алыңдар!

Тәрбиеші:Балалар,Аяз Атаға өнерімізді көрсеттік,сыйлықтарын алдық,енді рахмет айтып шығарып салайық.

Балалар: Қош болыңыз Аяз Ата. Келесі жылы кездескенше біз сізді сағына күтеміз.

Тәрбиеші: Сөз кезегі бала-бақша меңгерушісі Ш.Б.Булгакбаеваға беріледі.

Осымен жаңа жылдық ертеңгілігіміз аяқталды. Көріп тамашалағандарыңызға рахмет!

Ата-аналар құттықтаулары.