×
Сертификат тегін алу үшін
Материал тегін жариялау
ҚР БАҚ(СМИ) тіркеу №9512

Ең үздік ашық сабақ байқауы басталды
Алтын күз байқауы басталды
Сұрақтарды 8(771)-234-55-99 (Ватсап) осы номерге жазуға болады

Жаңа жыл мерекесіне арналған "Күлше қыз" ертегісі

Автор:Ажибаева Гульнара Сагадатовна
Бағыты: Мектеп әкімшілігі
Бөлімі: Ойындар, Сценарийлер
Сыныбы: Барлық сыныптар
Жарияланған уақыты: 2019-03-06

50-ден астам пәндер бойынша материалдарды тегін жүктеп, сабақ барысында қолдануға болады

Материал туралы қысқаша түсінік

Мұғалімдер мен оқушыларға арналған

Жаңа жылдық мерекеге арналған
Күлше қыз ертегісі

1-жүргізуші:
Жаңа жылдың таңы неткен арайлы,
Ақмамыққа бөлеп алды маңдайды.
Жаңа жылмен құттықтаймын деген үн,
Қанаттана кең алқапқа тарайды.
2-жүргізуші:
Армысыздар халайық!
Бармысыздар халайық!
Жаңа жылды жұп жазбай,
Бірге қарсы алайық.
1-жүргізуші:
Жаңа жыл – жаңа қадам, жаңа бақыт,
Болашақ сыйлайтындай жаңа бақыт.
Доңыз жылы кеп қалды ортамызға,
Жақсылықпен жалғансын жаңа уақыт.
2-жүргізуші:
Жаңы жылда жаңа бақыт тыныштық,
Жаса, жаса достық бірліқ туыстық.
Құттықтайық жаңа жылды өнермен,
Қуаныштың әр минуты тым ыстық.
1-жүргізуші:
Құрметті қонақтар, достар сіздерді жаңа жыл мерекесімен құттықтаймыз!
Олай болса 7-сынып оқушыларының тамаша бір биін қабыл алыңыздар.
5-сынып оқушыларының Кел,достар! әнін қабыл алыңыздар.
Бүгінгі мерекелік кешімізде қойылатын Күлше қыз ертегісін тамашалаңыздар.
2-жүргізуші: Ерте, ерте, ертеде бір зәулім сарайда Әкесі мен қызы тұрыпты. Күндердің бір күнінде Әкесі екі қызы бар әйелге үйленіпті. Екі қыздың Виталина мен Люсинданың мінезі анасының мінезі сияқты қатыгез, ешкімді көре алмайтын, қызғаншақ болыпты. Өгей анасы өз қыздарын еркелетіп, қатты жақсы көретін. Ал, өгей қызын келгенінен ұнатпағандықтан оны үйдің қара жұмысына салып маза бермепті. Жұмыстан кейін де байғұс қыз үй шаруасынан басын көтермепті. Осылайша өгей әпкелері оны – КҮЛШЕ ҚЫЗ деп атап кетіпті.
(Әуен ойнап тұрады, өгей шешесі қолында желдеткіші, Күлшеқыз еңбектеніп үй жұмысын жасап жүреді, әуен тоқтатылады.)
Өгей шешесі: Күлшеқыз біз бүгін хан сарайына жаңа жылдық балл кешіне барамыз. Айтқан тапсырмаларымды орындадың ба.
Күлшеқыз: Иә, шешей, барлығын орындап қойдым.
Виталина: Ал сен бізге көйлек тігіп қойдың ба?
Күлше қыз: Иә, Әпкетай
Люсинда: Менің мерекелік көйлегіме келістіріп бас киім тіктің бе?
Күлше қыз: Иә, Әпкетай / бас киім береді /.
Люсинда: Қандай талғамың төмен еді. Мен бұл бас киімді кимеймін, маған түк ұнаған жоқ.
Виталина: Маған берші.
Люсинда: Жоқ бермеймін
Өгей шешесі: Қыздарым менің ренжіспеңдер
Күлше қыз: Шешетай, маған жаңа жылдық баллға баруға рұсат етесіз бе? Менің де көргім келеді
/ үшеуі ішектері қатып күледі /
Өгей шешесі: Неге бармасқа, баллға баруға дайындала бер...
Күлтеқыз: Рахмет сізге Шешетай /өгей шешесінің қолынан сүйеді / Онда мен анамның әдемі көйлегін киіп барамын. /анасының көйлегін алып шығады /
1-жүргізуші: Осылайша Күлшеқыз үй шаруасымен айналысып жүргенде, Люсинда мен Виталина оның анасының көйлегін жыртып тастайды. Олардың ойлаған бар айлалары – Күлшеқыздың жаңа жылдық балл кешіне барғанын қаламады.
Өгей шешесі: Күлше қыз сен жаңа жылдық баллға барғам келеді деп едің ғой. Ең алдымен үйді, қораны, сарайды жинап ретте, бақшадағы жеміс-жибектерді суғар, 5қап күріп пен 5 қап қарақұмық тазалап қой және пештің күлін алып, отын дайындап қой. Сонда ғана жаңа жылдық баллға бара аласың.
Күлтеқыз: Шешетай бұл шаруалармен мен жаңа жылдық баллға үлгермеймін ғой.
Өгей шешесі: Ал сен жылдамдат, жылдамдат.
Жүріңдер менің сүйікті қыздарым.
8-сынып қыздарының биін қабыл алыңыздар.
Тұрсын Айшаның орындауындаға Жаңа жыл әнін қабылдаңыздар.
2-жүргізуші: Осылайша Өгей шешесі екі қызын ертіп алып, жаңа жылдық баллға кетіп қалады. Күлшеқыз болса үйде қалып, қатты өкпелеп жылайды. Күлшеқыз жаңа жылдық баллға қатты барғысы келеді, бірақ киерге киімі болмайды. Оның бар киімі үстіндегі жыртық көйлегі еді. Күлшеқыз осылайша жылап күріш пен қарақұмық аршып отырғанда кенет Кіндік шеше келеді.
Кіндікшеше: Күлшеқыз мен сенің жаңа жылдық баллға қатты барғың келетінін білемін.
Сен осы мерекегі баруға әбден лайықсың, содықтан да мен саған көмектесемін. Сен тек жылай көрме, мен саған барлық көмегімді жасаймын.
Күлшеқыз: Менің киіп барар көйлегім де жоқ, мен қалай бармақпын. Анамның көйлегін де әпкелерім жыртып тастады.
Кіндік шеше:Мен сенің мына жыртық көйлегіңді сүйсініп қарайтындай әдемі етіп шығарамын, ал аяқ кебісіңді де ерекше қылып жасаймын. Сен тек уайымға салынба.
1-жүргізуші: Осылайша Кіндік шешесі Күлшеқыздың көйлегі мен аяқ кебісін өзгерту үшін бар күшін салып сиқырлайды.
6-сынып қыздарының көңілді биін тамашалаңыздар.
9-сынып қыздарының Жаңа жыл әнін қабыл алыңыздар.
Әуен ойнап тұрады. Күлше қыз жаңа жылдық баллға кіреді. Барлығы билеп, жақсы көңіл күйде жүреді. Әуен тоқтайды. Ханзада Виталина мен Люсиндаға барып..
Ханзада: Мына сұлу қыз кім екен?
Өгейшеше: Біз оны білмейміз, танымаймыз.
Ханзада Күлше қыздың жанына келіп...
Ханзада: Бейтаныс жан, сізді биге шақыруға рұқсат етіңіз.
Барлығы вальс билейді.
Ханзада: Сұлу қыз есіміңізді білсем болады ма?
Күлшеқыз: Ия, Ханзада менің есімім............
Сағаттың дауысы естіледі, Күлшеқыз қашып кетеді де аяғындағы кебісінің біреуін жоғалтып алады.
2-жүргізуші: Осылайша Күлшеқыздың уақыты келгендіктен үйіне тұра жүгіреді және аяғындағы кебісінің сыңарын жоғалтып алады. Ханзада болса Күлшеқызды бір көргеннен ұнатып қалады. Күлшеқыздың аяқ кебісінің сыңарын тауып алған Ханзада....
Ханзада: Мына аяқ кебісі кімнің аяғына тура келетін болса, мен сол қызға үйленемін. Менің қолбасшыларым ося аяқ кебісінің иесін табуларыңда сендерге бұйырамын.
1-жүргізуші: Осылайша ол өзінің қолбасшыларына аяқ кебісінің иесін тауып әкелуді бұйырады.
Ән: Жаңа жыл кереметі 6-сынып оқушысы Бекенова Әлия
Қолбасшылар: Тыңдаңыздар, тыңдаңыздар!
Ханзададан бұйрық келді!
Кімде кімнің аяғы мына аяқ кебісіне тура келетін болса, сол қыз Ханзаданың Ханшайымы атанады. Асығыңыздар....
Өгей шешесі: Виталина, Люсинда барыңдар тез, аяқтарыңа өлшеп көріңдер...Жылдамдатсаңшы...
Бір-бірін итермелеп екеуі асыға жүгіреді.
Люсинда: Мен бірінші
Виталина: Жоқ, мен бірінші
Ө.Ш: Қыздарым менің ренжіспеңдер, таласпаңдар. Асықпай аяғыңа өлшеп көр, сен оны аяғыңа сидыруға міндеттісің.
Виталина орындыққа отырып, өлшеп көреді.
Виталина: Жоқ, келмейді маған
Ө.Ш: Не қылған епсіз едің, Люсинда сен киіп көрші
Люсинда да өлшеп көреді
Ө.Ш: Жөндеп кисеңші, мүмкін келіп қалар. Жөндеп ки дедім саған....
Люсинда: Жоқ, келер емес.
Қолбасшы: Үйлеріңізде тағы басқа ханшайым жоқ па? Бұл аяқ кебісі сіздердің аяқтарыңызға келмесе, демек оның иесі басқа адам.
Виталина: Бар. Бірақ ол бұл аяқ кебісіне лайық емес.
Қолбасшы: Бұл бұйрық барлық ханшайымдар өлшеп көрсін деп берілді. Сондықтан шақыруларыңызды сұраймын.
Осы кезде күлше қыз келеді.
Күлшеқыз орындыққа отырып, аяғына кебісті кие бастайды. Аяқ кебісі Күлшеқыздың аяға бірден келеді. Сол кезде Күлшеқыз аяқ кебісінің екінші сыңарын алып шығады. Сол кезде Өгей шешесі мен әпкелері де Күлшеқыздан кешірім сұрайды. Барлығы қуанып би билейді.
2-жүргізуші: Осылайша аяқ кебісінің иесі Күлшеқыз болып табылады. Ал, Өгей шешесі мен әпкелері Күлшеқыздан кешірім сұрап, жасаған қылықтары үшін өкінетіндерін айтады. Ханзада болса өз Ханшайымын Хан сарайына алып кетіп, мерекені әрі қарай жалғастырады.
10-сынып оқушыларының тамаша бір биін қабыл алыңыздар.
Аққу арман әнімен ортаға Зекен Ақниет пен Кіріс Аяланы шақырамыз.
11-сынып қыздарының флеш-моб биімен ортаға шақырамыз.
Жаңа жылдық көңіл-күй әнімен ортаға Айтанова Гүлдананы шақырайық.
Ендігі кезекті көңілді тапқырлар клубына береміз. Өзіміз ғой командасын қол соғып қошеметпен қарсы алайық.
10-сынып қыздарының Жаңа жыл әнін тамашалайық.
1-жүргізуші:
Аппақ бүгін, қыр далам,
Ақ дастарқан жапқандай.
Халық біткен қарбалап,
Қонақ күтіп жатқандай.
Көңілде көп қуаныш,
Әр көңілде – жақсылық.
Кетер жылға мың алғыс,
Әкелген көп жақсылық.
2-жүргізуші:
Жаңа жыл, жаңа бақыт, әкелсін далама құт.
Өнерлерің көп болсын,елде уайым жоқ болсын.
Тілектерің ақ болсын, бастарыңа бақ қонсын.
Келер жылы келерміз, өнер тағы көрерміз.
Жақсылыққа толыңдар, тек биікке қоныңдар.
Келесі жылы көргенше, амандықта болыңдар.
1-жүргізуші:
Осымен біздің бүгінгі Жаңа жылдық мерекелік кешіміз өз мәресіне жетті.
2-жүргізуші:
Жаңа жыл тек отбасыларыңызға бақыт әкелсін, биылғы жыл тек табысты жыл болсын демекпін.
Бірге: Жаңа жыл құтты болсын
Бекітемін
Директордың тәрбие
ісі жөніндегі орынбасары
______Уакасова М.А
желтоқсан 2018ж




Жаңа жылдық мерекеге арналған
Күлше қыз ертегісі
5-11 сынып оқушылары




Мектеп тәлімгері: Ажибаева Г.С.



2018-2019 оқу жылы

50-ден астам пәндер бойынша материалдарды тегін жүктеп, сабақ барысында қолдануға болады

Сертификатты жеке кабинеттегі жетістіктерім бөлімінен жүктеп алуға болады

Материалды сайттан тегін жүктеу

Материал ұнаса парақшаңызға сақтап қойыңыз!

Өз пікіріңізді қалдыру үшін тіркелу қажет.

Олимпиада бітуіне қалды: