Жаңа жыл сценарий

Қаласы: «Жезқазған» қаласы

Мектебі: «Өркен мамандандырылған мектеп-интернаты»КММ

Мұғалімі: Ержанова Динара Мукажановна

«Қош келдің, Жаңа жыл! » атты кеш.

Мақсаты: оқушыларға мерекелік көңіл күй тудыру, шыршаның қалай әдемі де сәнді безендірілгеніне балалардың, Аяз атаның, ақшақардың, карнавалдық киімдеріне назар аударту, көңілді ойындар ойнату, достық қарым-қатынас ояту, аудиторияға мерекелік көңіл күй жасау.

Қатысушылар: 2 жүргізуші, Аяз Ата, ақшақар, клоун, жаңа доңыз жылы, ескі ит жылы, Алдар Көсе,Маша жыне Миша аю.

Сценарий барысы: музыка ойнап тұрады.

Би «Джингл Белс» ортада 5 сынып оқушылары

Фанфары

1 Жүргізуші: Тезірек, тездетіп мында жиналыңдар,

Басталады Жаңа жылдық карнавал.

Маска да бар, би де бар, асығыңдар,

Шырша жанында қонақтарды қарсы алындар.

2 жүргізуші:

Аяз ата шақырғанның бірі дағы қалмайды,

Басталады, басталады

Жаңа жылдық карнавал!

Карнавалдың иелерін қарсы алайық!

(қол шапалақтау, оқушылар екі-екіден залға кіреді)

1 Жүргізуші:
Барлық жандар бір білікке қосқан үн,
Бақытты боп бастады жыл дастанын.
Қуанышпен келді той деп жаңа жыл,
Құтты болсын жаңа бақыт достарым.
2 Жүргізуші:
Армысыздар құрметті ата-аналар, оқушылар, ұстаздар, қонақтар! Жаңа жыл мерекесіне арналған «Қош келдің, Жаңа жыл» атты кешімізді бастауға рұқсат етіңіздер.

1 Жүргізуші:
Сәлеметсіздер ме, балалар! Сендер бүгін сәнді киініп, әдемі болып кетіпсіңдер. Мына жерде сүйікті ертегілеріміздердің кейіпкерлері, джунглидің барлық аңдары да жетіпті. Ал бүгін балалар қандай мереке?

- Жаңа жыл!! (оқушылар жарыса айқайлап)

2 Жүргізуші:
Құтты болсын жаңа жыл, барша халық,
Қуанышқа, шаттыққа тамсанайық.
Бірімізге шынайы тілек тілеп,
Бар әлемге бақытпен жар салайық!
1 Жүргізуші:
Жаңа күнде ән қылып,
Тек жүрмеңіз сән құрып.
Көңілдердей қартаймай,
Шырша тұрар мәңгілік.

2.Жүргізуші:

-Балалар, мына тұрған немене?

Балалар: «Сыйлық», т.б

(жәшік ішінен клоундар шығады)

1.Клоун:Балалар, бұл жерде не болып жатыр?

Балалар: Жаңа жыл

2. Клоун: Бізде тойлайықшы.

Балалар: Келіңдер тойласаңдар тойлаңдар. Шырша бәрімізге ортақ.

3. Тойлауға бола ма?

4. Түрлі ойындар ойнайықшы.

Ортада 6 «б» сыныбының клоундары би,ойындар ойнатады.

Сахна сыртында Маша и медведь фон музыкасы

(бір сәтте Маша алдына ит пен доңызды салып алып тырқыратып қуып келеді). Ит пен доңыз тілдері салақтап, оқушыларды айнала жүгіріп жүреді.

1.Клоун:

Маша, не болды? Неге мына ит пен доңызды қуып келесің?

Маша:

Мына екеуі менің туған күніммен құттықтамады. (аузы бұртиып)

2. Клоун:

Маша, ренжімеші, өкпелемеші, мінекей, мына кәмпитті ала қойшы.

(клоун үлкен чупа-чупс береді)

3. Клоун:

-достар, Машаның туған күнін қалай ұмыт қалдырғанбыз. Машаға арнап сый-сияпатын көрейік.

6 «А» сыныбының попурриін ұсынамыз.

Алдар Көсе музыкасы естіледі.

Кенет алыстан домбыраның дауысы шығады.

(Алыстан Алдар Көсе әндетіп келеді)

Алдар көсе:

-Мен, Алдармын,Алдармын

Қаланы аралап барғанмын

Балаларды күлдіртіп,

Әндетіп ән салғанмын

Балалар, не тойлап жатырсыздар!

1.Клоун: Бүгін Маша сары қызымыздың туған күні екен.

2.Клоун:Сары қыздың көңілін көтерудеміз

Алдар Көсе:

-Әй, достар мен де Маша үшін сый-сияпат көрсетейін.

Ортада 7 «б» сыныбының КТК ойыншылары

Музыка естіледі.

Қорбаңдаған аю теріс жағымен сахнаға шығады.

Аю:

-Ой,ой мына жерде не боп жатыр, мен Машамды көрмедіңдер ме?

1.Клоун: Маша міне, осы маңайда жүрген.

Аю:

-Машаға сыйлығым бар еді.

Клоун:

-Маааша,Маашшшааа

(дауыстап бәрі шақырады)

Аю:

-Менің де сыйымды қабыл ал.

Ортада

6 «А» сынып оқушыларының орындауында «Би»

Сахна сыртынан «Жаңа жыл» әні естіледі

-Аяз ата:

-Хоу, хоу балалар, достар! Мен жер жүзін шарлап келемін. Мына «Өркен»

мектебіне де ат басын тіредім! Керемет той тойлап жатқан жайларың бар екен!

1.Клоун:

Тамаша, тамаша

Шыршамыз тұр жараса!

Басында әсем жұлдызы,

Көз тоймайды қараса.

2.Клоун.Жасыл желек жамылған,

Асыл моншақ тағылған.

Міне сұлу шыршамыз

Көптен күтіп сағынған

Кел балалар келіңдер

Тамашаны көріңдер

Ортада:

5 «А» сынып оқушысының орындауында ән

5 «б» сынып оқушыларының орындауында ән мен қойылым

7 «А» сыныбының сый-сияпаты

Маша: (бақырып жылайды)

Ит маған сыйлық бермеді ,ол тойдан кетсін. Бәрі маған сыйлық берді (а-а-а жылайды) ит бермеді.

Ит: достым менің қазір беретін сыйлығым жоқ! Бір жыл бойы «Өркен» мектебінің гүлденуіне талай жұмыстар жүргіздім.Маша сенде Өркенде оқисың гой, сен де олимпиададан талай орындар алдың, сол саған берген сыйым гой.

Маша:

(бақырып жылайды)

-Маған доңыздың сыйы ғана ұнады, сол қалсын, ит кетсін. А-А-А

Аяз Ата:

Маша, сен төбетіме олай деме! Сенің еркелігің бар , бірақ «ит-жеті қазынаның бірі», төбетжан да былтырғы жылға жаман болмады.

Аяз Ата:

Ал, достар бүгін Машаның туған күні гой. Биылғы жылға «Доңызды» жаңа жыл етіп сайласақ сайлайық.

Аяз Ата:

Төбетім –ау,сен де жаман болмадың, елге, қызмет еттің! Мына қасындағы доңыз биылғы жылғы міндеттерді мойынына алып ұлан-асыр жұмыс жүргізсің!

Ит:

Аяз Ата менің де ренішім жоқ, достым доңыз болса болсын!!!

Ит: Ескі жылмен қоштасайық

Келер жылда бір болайық,

Доңыз достым, табыстаймын

Жаңа жылды, кел жырлайық!

Поезд дауысы:

Бәрі: сау болыңыз!

(Бәрі итпен қоштасады)

Доңыз:

(басына 2019 жыл деген коронаны киіп келеді)

Доңыз: Кел,Жаңа Жыл!Төрлет-төрлет жеріме,

Құт-береке боп келгейсің еліме

Үміт артып армандарға аяулы

Шаттығына бөлегейсің!

Ортада 7 А«биі»

Сахна сыртынан телефон шырылы естіледі: (Зин-зин)

(қалтасынан «Айфон» телефонын алып шығады)

Аяз Ата:

-Достар, мені көрші облысқа шақырып жатыр. Менің барар жерім бар.

Ал, достарым Жаңа жыл» құт береке әкелсін! Доңыз достым мына еліңе, халқына қызмет ет!

1 Жүргізуші:
Келді жылым бақытым,
Кемелденді уақытым.
Сәлем саған аяз ата, жаңа жыл,
Жаңа бақыт, жаңа думан, жаңа жыр

бізді дей отырып Аяз атамен бірге «Жаңа жыл » әнін хороводпен салайық

Аяз Ата: Ал, қонақтарым достарым мен кеттім.Қош сау болыңыздар, келесі келгенше сау-сәламатта болыңыздар!

2 Жүргізуші:Аяз ата, келесі кездескенше аман сау болыңыз. Біз сізді асыға күтеміз.
(Аяз ата, ақша қар кетеді. )
1 Жүргізуші: Құрметті достар! Қадірлі ұстаздар!бірлесіп,достасып өткізген мереке қашанда қуанышты өтеді.Достық,бірлік бәрінде де жеңеді.Аспанымызды бұлт торламасын,аспанымыздағы күніміз сөнбесін!
2 Жүргізуші: Ата-аналар, қонақтар!Жаңа жылға арналған мерекеміз аяқталды.Көріп тамашалағандарыңызға рахмет.Келе жатқан Жаңа- жылдарыңыз құтты болсын!
1 Жүргізуші: Жаңа жыл! Осы жыл барлық отбасыларымызға жаңа нұр,жаңа шуақ, бақыт пен шаттық әкелсін. Еңбектеріңіз жемісті болсын. Табысқа кенеліп,мешіндей көңілді болайық.Жылы жүздеріңізден нұр кетпесін
2 Жүргізуші: Жаңа жыл құтты болсын!Жаңа жыл баршамызға берекелі, мерекелі жыл болсын. Келесі кездескенше сау – саламатта болыңыздар!

Бірге:Жаңа жыл құтты болсын!!!