Жаңа жылда- жаңа жыр

Зал мерекеге сай безендірілген. Ортада әсем шырша. Балаларға жаңа жыл ертеңгілігін қызықты өткізу үшін, ғажайып сәттер мен кейіпкерлер енгізілді.

2- жүргізуші, Ханзада мен Ханшайым бірінші болып залға кіреді.

1-жүргізуші- Ханзада (Мейірбек)

2-жүргізуші- Ханшайым (Аружан)

1- жүргізуші:

Құрметті ата-аналар,бүлдіршіндер балабақша ұжымы.Сіздерді жаңа жыл мерекесімен шын жүректен құттықтаймыз! Бүгін «Көгершін» тобында өткелі отырған «Жаңа жылда жаңа жыр» атты ертеңгілігіне қош келдіңіздер!

2- жүргізуші:

Бүгін келді жарқырап ,

«Көгершін» тобы тағы да.

Би билейді, ән салады,

Жасыл шырша жанында!-деп «Көгершін» тобын қарсы алыңыздар!

1- жүргізуші:

Сәлем бізден баршаға

Құттықтаймыз жар сала.

Бүгін –бізде Жаңа жыл

Қош келіпсіз шыршаға !-деп балалардың орындауында хор,«Келді міне жаңа жыл».

2- жүргізуші:

Қолды соғып аянбай,

Құр отырма қонақтар.

Көрсетер сонда өнерді,

Өнерлі біздің балғындар!-деп балаларымыздың тақпақтарына кезек берейік!

Әбілқайыр :

Жаңа жылды қарсы алып,

Жасаймыз той жылда біз.

Жарқын-жарқын ін салып

Жалғасады жылға жыл.

Міне тағы келіп тұр,

Жаңа бір жыл балалар

Жадыратып жер үстін

Төрімізге сол шықсын.

Ерсұлтан :

Кел балалар шырша дайын,

Қол ұстасып ән салайық.

Жаңа жылдың жарқын айын

Ән мен билеп қарсы алайық.

Ясмин:

Аспан жерге төгеді,

Ақ күмісін уыстап.

Жаңа жылда келеді

Бізге қарай жылыстап

Берсін біздей балғынды,

Көңілденсін ол енді.

Шырқатайық ән- жырды,

Шырқатайық өлеңді.

Әліхан :

Жасыл желек жамылған,

Асыл моншақ тағылған.

Міне сұлу шыршамыз,

Көптен күтіп сағынған.

Кел жас достар,келіңдер,

Жаңа жылды көріңдер!

Алуа :

Тілеймін мен бар әлемге,

Дос көп болсын жанашыр.

Ата –әже, ата-әже

Құтты болсын Жаңа жыл!

Жаңа бақыт,жаңа жыр

Әке-шеше,әке-шеше

Құтты болсын Жаңа жыл!

Бексұлтан :

Өткен жылға ризамыз,

Өсе түсті бойымыз,

Өсе түсті ойымыз.

Шырқатады ойымыз

Жақсы жаңа жыл келді

Асқар таумен тұлғалас

Біз осылай жылды енді

Қарсы алайық бәріміз.

Алан:

Кел Жаңа жыл,Жаңа жыл,

Қарсы аламыз біз сені.

Ақ көңілмен,ақ пейілмен

Баршамыздың төрінде.

Дінмұхаммед:

Жаңа жыл,Жаңа жыл,

Сені күтіп елеңдеп.

Өзіңменен ілесіп,

Аязата келер деп,

Келді міне Жаңа жыл!

Тартуларын арқалап.

Алимхан:

Сақалы аппақ күмістей

Тістері аппақ күріштей.

Қызыл ала шапаны,

Сағындым Аязатаны.

Оралама ол енді,

Айтар едік өлеңді,

Жылдамырақ келсе екен

Бізге ойыншық берсе екен!

1- жүргізуші:

Жаңа жылда көңілді,

Шырқалады әніміз.

Ата-аналар сіздерді,

Құттықтаймыз бәріміз!- деп кезекті қыздарымызды «Испан» биіне берейік.

2- жүргізуші:

-Балалар,біздің мерекемізге кімдер жетіспей тұр?

Балалар: -Аязата мен Ақшақар!

1-жүргізуші: -Қане олай болса барлығымыз бірге Аязата мен Ақшақарды ортамызға шақырайық!

Барлығы бірге шақырады.

Аязата мен Ақшақар кіріп амандасады, шыршаны жағады.

Аязата : - Ақшақар-ау біздің Жаңа жылымыз қайда?

Ақшақар: -Иә келе жатқан, бірақ ол жаңа бірдеме іздеп жүргендей көрінді!

Әуен қойылып ортаға Жаңа жыл Тауық билеп кіреді. Жанында балапаны ( Алуа) бар. Балапаны ортаға шығып « Балапан» биін орындап береді.

Жаңа жыл амандасады .

Тауық : -Маған кім көмектесе алады?

Ақшақар: -Не болды, айтсаң көмектесеміз әрине!

Тауық: - Мен балапанымның біреуісінен адасып қалдым. Соны тауып беруге көмектесіңіздерші!

Ақшақар : -Мен білем сізге қалай көмектесу керектігін! Ата, сиқыршыны шақырып берсеңіз қалай болады?

Аязата: -Шақырып берейін қарағым!

Сиқыршы келеді. Өз сиқырларын көрсетіп, балапанды тауып береді.

Тауық балапанының табылғанына қуанып,рақметін айтады.

Сиқыршы қош айтысып ғайып болады.

Тауық :- Рақмет барлықтарыңа! Менің балапаным сендерге «Ақшақар» әнін орындап берсін!

1- жүргізуші:

Жаңа жылға жаттап келген балаларымыздың кезекті тақпақтарына берейік.

С.Кәусар:

Ақ қар жапты даланы,

Қар жамылды айнала.

Жарқырайды шамдары,

Шырша келді ортаға.

Айлин :

Жасыл шырша орманнан

Бізге арнап келіпті.

Ойыншығын балалар,

Шыршаға әсем келіпті.

Мансұр :

Қош келдің, қарсы алдық Жаңа жыл!

Өзіңді сағына, сағына

Бақытты жылдарың жаңа бір

Күндері басталды тағы бір!

Әлімжан :

Тауда туып,тауда өскен,

Шырша келді ортаға.

Бәріміз бір дауыспен,

Дейміз енді шыршаға,

Әдемілеп біз ілген,

Ойыншықтар тізілген,

Қандай жақсы шыршамыз,

Ән шырқайық баршамыз.

С. Зере :

Аппақ бүгін қыр далам,

Ақ дастархан жапқандай,

Халық біткен қарбалаң.

Қонақ күтіп жатқандай,

Көңілде көп қуаныш.

Әр көңілде жақсылық,

Кетер жылға мың алғыс

Әкелген көп жақсылық.

Арайлым :

Аппақ тонға оранып,

Базарлықты мол алып.

Келді алыс сапардан,

Аязата оралып.

Абай :

Жылдың әнін бастайын,

Аязата кеп қалды.

Майысады жас қайың,

Көтере алмай көп қарды.

Аяла :

Жаңа жылда тойда біз,

Көрсетейік өнер біз.

Тақпақ айтсақ,ән салсақ,

Риза болар ескі жыл.

Келді тағы жаңа жыл.

Қуантумен біздерді.

Құтты болсын қуаныш,

Құттықтаймыз сіздерді!

2- жүргізуші:

Келесі кезек, балалардың латын биі «Көңілді би»

1- жүргізуші:

Хор, «Шырша жыры!»

2- жүргізуші:

Қолды соғып аянбай,

Құр отырма қонақтар.

Көрсетер сонда өнерді,

Өнерлі біздің балғындар!-деп балаларымыздың тақпақтарына кезек берейік!

Азат:

Ақша қарға малынып,

Аппақ тонын жамылып.

Сақалы мен мұртына

Күміс моншақ тағылып,

Аязата келеді балаларды сағынтып.

Әмір :

Өлең де әзір,ән де әзір,

Ойын да әзір,бәрі әзір.

Кел Жаңа жыл біздерге

Кел Жаңа жыл! Жаңа жыл!

Дәулет:

Жаңа жылда барлық үйге,

Аязата келеді.

Жаңа жылда балаларға

Сыйлық әкеп береді.

А. Зере :

Жасыл желек жамылған,

Асыл моншақ тағылған.

Міне сұлу шыршамыз,

Көптен күтіп сағынған.

Кел балалар,келіңдер,

Тамашаны көріңдер!

М.Кәусар :

Жаңа жылға сәніміз,

Біздің айтар әніміз.

Келдің бе, аман алыстан,

Сәлем, Аязатамыз!

Бауыржан :

Қуанатын шақ болсын,

Достарымыз ақ болсын.

Бізге келген Жаңа жыл,

Құт береке, бақ болсын!

Руслан :

Ақ таяғын таянып,

Таңмен бірге оянып.

Аязата келіп тұр,

Ақ күпіге оранып.

1- жүргізуші:Әліхан ұлдарыңыз сіздерге «Қазақ жастары» өлеңін ұсынады! Қабыл алыңыздар!

2- жүргізуші:

Ұлдарыызды көңілді «Чунга-чанга» биімен ортаға шақырамыз!

1- жүргізуші:

Хор «Жаңа жыл!» қабыл алыңыздар!

2- жүргізуші:

-Кел ,төрлет,Жаңа жылым, құтты жылым!

Өзіңді бүкіл елім күтті бүгін,

Қарсы алдық,сені еселі еңбекпенен

Жарқырап, әне алдымнан шықты күнім!

1- жүргізуші:

Жаңа жылым шаттығым,

Арайланып атты күн.

Тілейікші елімізге сәтті күн!- деп,құрметті қонақтар,ата-аналар бүгінгі мерекеміз аяқталды. Құттықтау сөз кезегі балабақша меңгерушісі Роза Майданқызына берілсін

Келісемін: Бекітемін:

Әдіскер Абжанова Ж № 166 б/б меңгерушісі Ималова Р.М

«Жаңа жылда жаңа жыр»

М.д «Көгершін» тобы

Тәрбиеші: Нұрбаева Б

Тәрбиеші: Асанова Г

Ән жетекші: Дәулетбаева Қ

Би жетекші: Әсіл Г

2016 ж

1 -Хор

2-Тақпақтар

3-«Испан» биі

4-Алуа мен Кәусарды шығару киіндіру

5-Аязата мен Ақшақар кіреді

6-Тауық бірге балапандары мен кіреді

Екі жүргізушіні шығарып киіндіру.

7-Сиқыршы кіреді,шығады

8-Балапандарды шығару,киіндіру

9-Тақпақтар

10-латын биі

11-Хор

12-Тақпақтар

13- Әліхан әні «Қазақ жастары»

14-би «Чунга-чанга»

15- Хор

16-Аяқтау сөз