Бүгінгі күні ерекше білім беру қажеттіліктері бар балалармен жұмыс жасау қоғамның маңызды мәселелерінің бірі болып отыр. Ерекше білім беру қажеттіліктері бар балаларды қолдау, қоғамға қосуда байқаулардың, сайыстар мен шаралардың көмегі зор. Осы орайда әдістемелік құралға негіз болған «Жылы жүрек – ізгі тілек» байқауы. Бұл байқау балалардың шығармашылық қабілеттерін дамытуға мүмкіндік беретін ерекше форматта ұйымдастырылған. Байқау нәтижесінде қатысушылардың тек өнер көрсету арқылы ғана емес, өздерінің жеке тұлғалық қасиеттерін ашып көрсете алатындығын да нақтылаған. Сонымен қатар байқаудың сайыс қана болып қоймай, баланың әлеуметтік дағдыларын қалыптастыратын түзету жұмысы болғандығын көрсеткен. Ал осы байқау жыл сайын бір рет өткізілсе, жыл бойы оқу кезеңінде көптеген сайыстар да өткізіліп отырады. Яғни балалар байқауға дейінде шығармашылық-дамытушылық бағыттағы шараларға қатыстырылады. Төменде жаңа жыл қарсаңында өткізуге болатын сайыс жүрісін ұсынамыз.

Тақырыбы: «Жаңа жылдық ертегі» сайысы

Мақсаты: Жаңа жылдық тақырып бойынша ойын тапсырмалар арқылы балалардың шығармашылық, когнитивті, және моторлық дағдыларын дамытып, мерекелік көңіл-күй қалыптастыру.

Сайыстың өткізілу орны мен уақыты хабарланады. Сайыс тапсырмаларын толық орындағанда 5 ұпай (орындау деңгейіне қарай 4,3 ұпайлары ) беріледі.

1 тапсырма "Жаңа жылдық пазл"

• Мақсаты: Тапсырма балалардың ойлау қабілетін дамытады.

• Тапсырма: Жаңа жылдық суреттердің бірнеше бөліктері (пазл түрінде) беріледі. Балалар бұл бөліктерді дұрыс жинап, толық сурет жасауы керек. Шыққан суретті атайды.

2 тапсырма "Шыршаны безендіру"

 Мақсаты: Балалардың қол моторикасын дамыту және өзбетінше жасауға ынталандыру.

 Тапсырма: Балаларға қағаздан жасалған шырша беріледі, және олар оны әр түрлі әшекейлермен безендіруі керек. Әшекейлерді түрлі түстермен, пішіндермен таңдап, шығармашылықпен орналастыру керек.

3 тапсырма "Түстерді таңдау"

• Мақсаты: Балаларды түстерді дұрыс қолдануға және ұқыпты бояуға үйрету.

• Тапсырма: Балаларға жаңа жылдық ертегі тақырыбына сәйкес үлкен көлемдегі суреттер беріледі.

Қорытынды: Сайысқа қатысушылардың ұпай сандары саналып, марапатталады. Сайыста оқушылардың жаңа жыл мерекесі туралы түсінігі кеңейеді. Пазл құрастыру, шырша безендіру жұмыстары көңіл-күйлерін көтереді әрі топқа қосылмайтын оқушыны ортаға тартуға пайдалы болады. Үлкен жаңа жылдық суретті бірге бояп аяқтау жұмысы оқушылар арасында достық қарым-қатынас қалыптастырады.