Жаңа жылдық кеш

«Қош келдің жаңа жыл»

Тәрбиеші:

Жаңа жылдың таңы неткен арайлы,

Ақ мамыққа бөлеп алды маңайды.

«Жаңа жылмен құттықтаймыз!»деген үн

Әр қанаттан кең алқапқа тарайды.

Балалар хормен: Жаңа жыл құтты болсын!

Тәрбиеші:-Құрметті ата-аналар,сіздерді келе жатқан Жаңа жыл мерекесімен шын жүректен құттықтаймын!

(Осы кезде шыршаның артынан аю шығады.)

Аю: -Кім мені қысқы ұйқымнан оятты?Кім менің тыныштығымды бұзды?Мұнда не жиын?Қандай мереке?

Тәрбиеші: -Аюжан,біз балалармен сиқырлы орманға Жаңа жыл мерекесіне келдік.Бізді кешірші,ренжіме!

Аю:-Ооо!Жаңа жыл мерекесіме?Алақай,қандай тамаша!Қайта сендерге рахмет айтамын,әйтпесе жаңа жыл мерекесін ұйықтап қалып өткізіп алатын едім.

Тәрбиеші:-Аю жаңа жылға шырша алып дайындалдың ба?

Аю:-Жоқ,жоқ.Былтыр жаңа жылдық шыршаны безендіріп отырғанда Маша бәрін бүлдірді.Маша үйде салют атып шыршамды өртеп жіберді.Шырша іздеп жолға шыққанда Аяз Ата мен Ақшақардың жолын кесіп,құлатты.Биыл Маша қайда жүр екен?

Тәрбиеші: Олай болса,аюжан бізбен бірге Жаңа жыл мерекесін тойла.Балалар сенің көңіл-күйіңді көтеру үшін ән шырқап береді.

Ән: «Жасыл шырша жанында»

Аю:-Әндерің өте тамаша!Бірақ та,жаңа жылда Аяз ата мен Ақшақар келу керек емес пе?Мен де сыйлық алғым келеді АязАтадан.

Тәрбиеші:-Әрине, Аяз ата мен Ақшақар міндетті түрде келеді.Ол үшін бәріміз бірге дауыстап Аяз ата мен Ақшақарды шақырайық!

Бәрі бірге: -Аяз ата!Ақшақар!

Музыка әуенімен Маша кіреді.

Маша:-Бұл қандай жиын?Менсіз бәрі өтіп жатыр ма?Ооо,менің аюым да осында жүр ғой.Аю,аю (секіріп,аюдың қолынан қағып )мұнда шырша бар екен,қарашы әдемі.Жүр осыны алайық.(шыршаны тартады )

Тәрбиеші:-Маша,шыршаға тиме,балалар Жаңа жылды сондай дайындалып күтті.Шыршасыз қалай қарсы аламыз?Маша одан да сен бізбен жаңа жылды бірге қарсы ал!

Маша:(Маша қуанып секіреді)-Алақай,алақай!Мен осында қаламын!

Тәрбиеші:-Маша сен келе жатқанда жолда Аяз атамен Ақшақарды көрген жоқсың ба?

Маша:-Түлкіні көрдім,қасырды көрдім,бірақ Аяз ата мен Ақшақарды көрген жоқпын.

Тәрбиеші:-Қайда жүр екен олар?Мүмкін,жаңа жыл туралы тақпақтар айтып,ән шырқасақ даусымызды есітіп келіп қалар.

Айжан: Тамаша,тамаша!

Шыршамыз тұр жараса.

Басында әсем жұлдызы

Көз тоймайды қараса.

Алинур: Жаңа жыл,жаңа жыл!

Жаңа жылда жаңа жыр

Жасыл шырша жанында

Билеп барлық бала жүр.

Насрулла Бағдаулет:

Көңілсіз бір бала жоқ,

Ойын-күлкі таралсын.

Құтты болсын,құтты болсын,

Құтты болсын жаңа жыл!

Ботакөз: Той,мереке ,салтанат

Думандатты шартарап

Келді міне, Аяз ата,

Сыйлықтарын арқалап

Аяулым: Ортамызда шыршамыз,

Би билейміз баршамыз.

Сондай әсем,сондай бай

Ағаш бар ма шыршадай?!

Аю: Қандай ақылды балалар!Бірақ,Аяз ата мен Ақшақар әлі келмеді.

Маша: Мишка,Мишка ал мынау кімнің ізі?Мүмкін Аяз атанің ізі шығар!

Аю: Бұл Аяз атаның ізі емес,қасқырдың ізі.

Маша: Жоқ,жоқ.Бұл қасқырдың емес қоянның ізі.

Аю:Маша, бұл қасқырдың ізі,қоянның ізі емес.

Музыка ойнап ортаға қасқыр келеді.

Аю: Мінекей,қасқыр деп айтпадым ба!

Қасқыр: Сәлеметсіздер ме! Мен қоянды іздеп жүр едім,барлықтарың осында екенсіңдер ғой!

Тәрбиеші:-Сәлеметсің бе қасқыр!Біз жаңа жыл мерекесін тойлап жатырмыз.Қасқыр,жолда Аяз ата мен Ақшақарды көрген жоқсың ба?

Қасқыр:(басын қасып )Аяз ата,Ақшақарды?Жоқ,көрген жоқпын.

Әуен ойналып Түлкі келеді.

Түлкі: Мен түлкімін,түлкімін

Тұнып тұрған күлкімін

Бұлғаң,бұлғаң құйрығым

Текке өтпейді бір күнім

Аяз ата мұнда келмейді,

Сендерге сыйлық бермейді!

Тәрбиеші:Қалай келмейді?Не себепті келмейді?

Түлкі:Ал,мені неге мерекеге шақырмайсыңдар?Мен Аяз аталарыңды Ақшақар мен бірге алдап арбап үйшікке қамап қойдым.Сондықтан олар келе алмайды.-ха,ха,ха(түлкі секіреді)

Тәрбиеші: Аяз атасыз біз жаңа жылды қалай қарсы аламыз?Түлкі,түлкі оларды босатшы,өтінеміз.

Түлкі:Мына балалар жұмбақ жасырсам жауабын таба алама?Егер дәл тапса Аяз атаны босатамын.

Тәрбиеші:Әрине,біздің балалар өте ақылды.Балалар,мұқият жұмбақты тыңдап,жауабын тауып Аяз ата мен Ақшақарды құтқарайық,жарайма!

Балалар:-Ия

Түлкі жұмбақ жасырады.

1.Қыста ғана болады,

Ұстасаң қолың тоңады. (қар)

2.Бір ақсақал жылына

Бір-ақ рет келеді.

Көп қызы мен ұлына

Сыйлық әкеп береді.

3.

Тәрбиеші:Көрдің бе түлкі біздің балалар жауабын тапты,енді тез барып Аяз ата мен Ақшақарды босат.

Түлкі: Жоқ,босатпаймын!Барлық сыйлық тек менікі болады.

Тәрбиеші:Түлкі өзің айттың емес пе,босатамын деп.Уәде бергесін орындау керек.Балалар, алдауға болады ма?

Балалар: Жоқ!

Түлкі: Жарайды,мен кетейін.Ал,сендер болса жаңа жылды Аяз атасыз қарсы алыңдар.Сау болыңдар!

Түлкі кетеді

Тәрбиеші: Енді не істесек болады?Балалар сыйлықсыз қалатын болды ма?

Аю: Маша,сен дереу түлкінің ізіне түс.Аяз ата мен Ақшақарды құтқар!

Маша: Жақсы,мен сендерге уәде беремін,Аяз ата мен Ақшақарды қу түлкіден құтқарып мерекеге алып келемін!

Маша түлкінің соңынан кетеді.

Тәрбиеші:Балалар Маша келгенше аю мен қасқырға би билеп берейік.

Би: «Көңілді би»

Осы кезде алыстан Аяз атаның дауысы естіледі.

Әуен ойналып ортаға Аяз ата мен Ақшақар,Маша және Жаңа жыл келеді.

Аяз Ата:

Амансың ба,ұлдарым,

Амансың ба қыздарым

Қандай жарқын жүздерің

Қандай әсем жырларың

Асулармен алысқан

Асау желмен жарысқан

Аталарың сендерге

Шаршап келді алыстан.

Ақшақар: Сәлеметсізде ме,балалар.Жаңа жылдарың құтты болсын!

Ақшақармын арайлы,

Сүйсіндірер маңайды.

Жалт-жұлт еткен жүзімнен

Күміс сәуле тарайды.

Ақшақармын аппақпын

Қалай тыныш жатпақпын

Менсіз қыстың сәні жоқ

Әнмін, жырмын,тақпақпын,

Жаңа жыл:

Сәлеметсіздер ме,қонақтар

Сәлеметсіздер ме балалар!

Мен тұрмын қуанып,

Шаттыққа бөленіп.

Бір жыл бойы сіздермен

Дос болайық шаттанып.

Тәрбиеші: Сәлеметсіздер ме,қош келдіңіздер!Төрге шығып мерекені

тамашалаңыздар!

Аяз ата: Балалар,мына шыршаның шамын жағайық.Кәне ,сиқырлы сөздерді бірге айтамыз.

Қуант,бізді таңырқат

Шамдарыңды жарқырат!

Тәрбиеші: Балалар,шырша шамдары жанбай жатыр.Тағы бір рет айтамыз.

Қуант, бізді таңырқат,

Шамдарыңды жарқырат!

Шырша шамы жанады.

Маша: Алақай,алақай!Шырша шамдары жанды!Алақай!

Аяз ата:Бәрекелді,Маша жарайсың!Маша болмағанда біз мерекеге келе алмайтын едік.Маша саған көп рахмет!Саған сыйлық берейін келе гой.(Маша сыйлық алады)

Тәрбиеші: Балалар,Аяз атаға ән айтып берейік.

Ән: «Тамаша,тамаша»

Ернар:

Жаңа жылым мол болсын!

Басқан қадам оң болсын!

Төрле,төрле жаңа жыл,

Бізге құтты жыл болсын!

Айтбек Бағдаулет :

Аппақ тонға оранып

Базарлықты мол алып.

Келді алыс сапардан

Аяз ата оралып.

Мейіржан:

Безендіріп шыршаны

Жыл қуантты баршаны.

Той маскарад басталды

Аяз оны басқарды.

Арнат: Ал,балалар тұрмайық

Би билейік ойнайық

Аяз ата қуансын

Дөңгелене зырлайық.

Би: «Ұлпақарлар»

Аяз ата:-Балалар,жаңа жылдарың тағы да құтты болсын!Жаңа жыл шаттық,бақыт алып келсін!Мені тағы басқа балабақшалар күтіп отыр.Сау болыңыздар!(Сыйлықтарын таратып Аяз ата мен Ақшақар шығып ктеді.)

Тәрбиеші:-Жаңа жылдық құттықтау сөзді «Күншуақ»шағын орталығының

Әдіскері Турбекова Анар Бақытқызына береміз.

Тәрбиеші: Осымен ертеңгілігіміз аяқталды.Жаңа жыл жаңа табыс,жаңа бақыт әкелсін!