Оңтүстік Қазақстан облысы Бәйдібек ауданы

Майбұлақ жалпы орта мектебі

Калыкулова Акмарал Мусридинкызы

Жаңартылған білім - болашаққа ұмтылыс.

Елімізде орта білім беру мазмұнын жаңарту мақсатында білім беру үдерісінің құрылымы мен

мазмұнынына өзгерістер енгізілуде. Заман ағымына ілесу жолында жас ұрпақтың тек қана білім

алуы жеткіліксіз. Жаңартылған білім беру мазмұны оқушының жаңаша ойлау, зерттеу, дәлелдеу қабілетін, белсенділігін арттыру, сыни, шығармашылық тұрғыда ойлау дәрежесін дамыту, білімге деген құштарлығын ояту, алған білімін күнделікті өмірде тиімді қолдана білу,отаншүйгіштік қасиетін одан әрі дамытуға бағытталған.

Елбасымыз айтқандай «Қазір бой жарыстыратын заман емес, ой жарыстыратын заман» дегендей еліміз болашақта көркейіп өркениетті елдер қатарына қосылуы болашақта бүгінгі ұрпақ бейнесінен көрінеді. Сондықтан оқушылардың сапалы білім алуына, ортада бейімделе отырып, өзіндік көз қарасын қалыптастыруға және өмірде әр қадамын нық басып, алдына мақсат қойып оны шешуге мүмкіндігі бар тұлғаны дамытуға жағдай туғызу әрбір мұғалімнің басты міндеті.

Жаңа білім беру мазмұны мұғалімдерден оқытудың әдіс-тәсілдерін тиімді пайдалана білуді талап етеді. Мұғалімдердің педпгогикалық шеберлігі оқушылардың білім алуына және алға жылжуына айтарлықтай септігін тигізеді деп ойлаймын.

Қазір ХХI ғасырға сай өзгеше қабілет, қасиетке ие ұрпақ қалыптасып келеді.Осыған орай ұстаздықтың мәні жаңа сипаттарға ие болуда. Осындай күрделі де қиын жауапкершілікті арқалаған мұғалім, өз пәніне қатысты үнемі білімін жетілдіріп отыруға міндетті деп ойлаймын.Соның бір дәлелі мен биылғы жылы өз білімімді «Назарбаев Зияткерлік мектептері» ДББҰ Педагогикалық шеберлік орталығының Шымкент қаласы филиалы базасында «Жаңартылған білім мазмұны» бойынша «Биология және Жаратылыстану» пәндерінен біліктілік курсынан өттім. Курс барысында тренеріміз Ерубаева Жансұлу Нұрмаханқызы бізге өз тәжірибесімен бөлісті. Мен Жансұлу Нұрмаханқызына ерекше алғысымды білдіремін. Себебі осы курс барысында ұстаздық тәжірибеміз молайып, жақсы әріптестермен таныс болдық.

Белгілі Қытай пәлсапашысы Конфуцийдің: « Мен саған балық берсем, сен бірақ күн тоқ боласың, ал енді мен саған қармақпен қалай балық аулауды үйретсем, сен өмір бойы тоқ боласың» -деген сөзін өзімнің еңбек жолыма мақсат етіп алып, курстан алған білімім мен өз білімімді ұштастырып еңбек етемін.