"Жаңартылған білім – заман талабы" эссе

Ишимбаева Күләш

Ә.Молдағұлова атындағы

№173 мектебінің мұғалімі

Жаңартылған білім – заман талабы

Ғылым мен техниканың күн санап өсуіне байланысты педагогика ғылымының теориясы мен оқыту үрдісі де түбегейлі өзгерістерге ұшырауда.. Білім берудің мазмұны жаңарып, жаңаша көзқарас пайда болды. Осыған байланысты ұстаздар алдында оқытудың әдіс-тәсілдерін үнемі жаңартып отыру және технологияларды меңгеру, оны тиімді қолдана білу міндеті тұр. Оқытудың әдіс-тәсілдері мен әртүрлі құралдарын қолданудың тиімділігін арттыру, әлемдік білім кеңістігіне ену, түлектеріміз әлемнің қалаған оқу орнына түсіп, өмірлік білімін жалғастыру – білім беру процесінің негізі. Оқушы өзінің мектеп қабырғасында алған білімін өмірінде қажетке асыра білуі керек. Сол үшін де бұл бағдарламаның негізі «Өмірмен байланыс» ұғымына құрылған. Ұстаздарға үлкен жауапкершілік міндеттелді. Оқушылардың бойына ХХІ ғасырда өмірдің барлық салаларында табысты болу үшін, қажетті дағдыларды дарыту үшін, мұғалімдер тынымсыз еңбектенуі керек.

Қалалық білім бөлімінің ұйымдастыруымен «Білім беру мазмұнын жаңарту жағдайында» атты апталық курсқа қатысып, шеберлігімізді шыңдадық. Жаңашылдықты меңгеруге ұстаздар өңіріміздің түкпір-түкпірінен ниет білдіріп келді. Дәріс барысында біз қысқа мерзімді жоспар құруды, жаңаша бағалауды, сабақ мақсатын анық тұжырымдауды, оқушының сын тұрғысынан ойлау қабілетін арттыруды, сондай-ақ топпен жұмыс жасауды қалыптастыру және оқу барысында дамыған ақпараттық технологияларды қолдану сияқты озық әдістерді үйрендік. Әсіресе, бізге – көркем еңбек пәнінің мұғалімдеріне, шығармашылық және сын тұрғысынан ойлау, бейнелердің көмегімен білім алу, яғни спральді оқу бағдарламасының тұжырымдамасын меңгеру маңызды болды. Аталған тәсілдерді тиімді меңгеру үшін біз оқу барысында осы жаңашылдықты практика жүзінде топқа бөлініп қолдандық. Түрлі тапсырмаларды орындадық. Ең бастысы, ұстаздар бір-бірімен тәжірибе алмасып, жылы қарым-қатынас орнатты.