Жаңартылған білім мазмұнында қолданылатын интербелсенді әдістердің маңыздылығы

Төлахметова Айнаш Үстемірқызы

«Ш.Тоқжігітов атындағы орта мектебі» кмм

Информатика пән мұғалімі

Жаңартылған білім мазмұнында қолданылатын

интербелсенді әдістердің маңыздылығы

Білім беру мазмұнын жаңарту білім берудің қазіргі заманғы үрдістерін және Қазақстандық білім берудің үздіксіз тактикасын кіріктіруге бағытталған. Белсенді әдіс – тәсілдер пән бойынша оқу бағдарламаларының құрылымы мен мазмұнын құрудағы негізгі бағдарлар болып табылады.

Оқушылар барлық пәндерді оқу кезінде АКТ қолдану дағдыларын дамытады. Ақпаратты іздеу және өңдеу барысында ұтымды иедеялармен алмасады. Өз жұмыстарын бағалайды және жетілдіреді, түрлі көрнекті жабдықтарды кең көлемде пайдаланады. АКТ-да оқушы білімінің, оларды оқу мақсаттарының жүйесі түрінде берілген және күтілетін нәтижелер тұжырымдалған.

Белсенді әдіс үйретуші мен үйренушілердің өзара әрекеттесуін оқытудың негізі деп танитын және қандай жағдайда қатынас жасайтын әдістер.

Біз оқытуды және білім беруді, егер сабақ барысында мұғалім мен оқушы арасындағы өзара әрекеттестіктің жоғары деңгейіне қол жеткізсе интерактивті деп айтамыз. Ең бастысы, мұндай мәселені шешу процесі өте маңызды екенін түсіну қажет. Бұл белсенді әдістің мақсаты тек ақпаратты беру ғана емес оқушыларға жауаптарды өз бетінше табу дағдысын меңгерту екендігімен байланысты.

Интерактивті негізде оқу мақсаты білу емес, үйрене білу. Өзіне деген сенімге тәрбиелейді, шешендік өнерін жетілдіреді, сыни ойлау өз ойы мен дағдыларын дамытады. Өз пікіріне деген құқығын түйсінуі.

Белсенді оқыту – әрекет пен әрекет арқылы оқыту, бұл ұстаным үлкен нәтижелерге жеткізетін тиімді жүйе, себебі адам санасында бірінші кезекте өзінің әрекеттері мен өз қолымен жасалған істер қалады. Кезінде қытай ғұламасы Конфуций: «Маған айтып берсең – ұмытып қаламын, көрсетсең – есте сақтаймын, ал өзіме жасатсаң – үйренемін» деген пікірі дәлел бола алады. Сондықтан интербелсенді оқыту ощқушылардың оқу үдерісіндегі белсенді әрекеттерін үйренудің негізгі құралдары тиімді тәсілдері ретінде танылады.

Белсенді әдісте оқушылар төмендегідей білім, білік дағды машықтарға үйренеді:

- терең ойлану, жеке рефлексиялық қабілеттерді дамыту;

- өз идеялары мен әрекеттерін талдау және оларға баға беру;

- ақпаратты өздігімен түсініп, жан – жақты талдап, таңдай алу;

- өздігімен жаңа түсінік пен білім құрастыру;

- пікірталастарға қатысып, өз ойымен тікелей дәлелдеу;

- шешім қабылдау және қиын мәселелерді шешу.