Жанұядағы тәрбие

«Жанұядағы тәрбие» баяндама М.Әуезов атындағы жалпы орта мектебі ЖШС педагог психологі Ш.Хайруллаева Халқымыздың сан ғасырдан бергі даналығына құлақ ассақ, «Адамның бақыты — балада» деген екен. Кез келген адам өзі өмір бойы қуып жете алмайтын бақыт деген құдыретті сөздің өлшемі өмірінің жалғасы ұрпағымен келетініне мән бермеуі де мүмкін. Біреу бақытын байлықтан тапқысы келсе, екінші біреуі даңқ пен атақтан, мансап пен қызметтен іздестіреді. Мұның бәрі түсінген адамға қолдың кірі сияқты нәрсе. Адамға нағыз бақытты — тәрбиелі ұрпағы ғана сыйлай алады. «Адам ұрпағымен мың жасайды» деген сөз тегін айтылмаса керек. Олай болса адам өмірінің мәні — өз ұрпағы. Ерте заманнан ұлт-болашағы-ұрпақ тәрбиесі әр елді алаңдатса керек. Өйткені ойламаған елдің қашанда орны толмайтын өкініштерге душар болып отырғаны мәлім.Мұндай кезде бабаларымыз «Ел боламын десең бесігің