"Жаныңда жүр жақсы адам" 6-сынып

Сабақтың тақырыбы

Жаныңда жүр жақсы адам

Сыныбы

6 «Ә» сынып

Сілтеме

Мұғалімге арналған Нұсқаулық

Мұғалімге арналған әдістемелік

Құндылық

Сүйіспеншілік                    

Қасиеттері

Кешіре білу, адалдық, риясыз қызмет ету, жанашырлық

Жалпы мақсаттары

Оқушыларды ата-ананы құрметтеп, сыйлауға үйрету;

Жақсылықты түсіне білу дағдыларын дамыту;

Кешірімділікке, адалдыққа, жақсыны сезіне білуге тәрбиелеу;

Негізгі мақсат

• Оқушылардың ұйымшылдық, береке-бірлік, татулық туралы түсініктерін кеңейту;

• Өз ойын дұрыс жеткізе білу, оның мән-мағынасын түсіну, жүйелі сөйлей білуге үйрету;

Нәтиже

Отбасының мүшелерін бағалай алуға үйренеді.

Қолдынылатын әдістер

Диалогтік оқыту, АКТ пайдалану, сыни тұрғыдан ойлау, ынтымақтастық және топтағы бірлескен жұмыс;

Мұғалімнің іс-әрекеті Топқа бөліп, ой қозғау.
Тақырыпқа қызықтырып бағыттау. Оқиғадағы өзекті мәселелерге оқушы көзқарасын анықтау.
Шынайы өмірмен байланыстыру арқылы баға беруге бағыттау. Оқушының іс-әрекеті Топтарда жұмыс жасау.
Мәтінмен өздері танысу.
Әр түрлі әдістер арқылы шығарманы саралау. 
Жеке кейіпкерлерді талдап, олардың іс-әрекетін зерттеу.
Ой қорытып, оны дәптерге жазу.

Ұйымдастыру кезеңі:

Сәлемдесу. Назарларын сабаққа аудару.

Маған қымбат жандар туралы оқушылар өз ойларын айтады.

Бейнеролик көреді. «Жақсы мен жаман», «Өзіңнен баста»

Әңгімелесу сәті.

• Айналадағы адамдардың жақсылығын қалай сезінесіңдер?

• Жақсы іс адамның қандай әрекеттерінде көрініс табады?

• “Әрбір жақсы істің жарасымдылығы жүрекке нұр шашады” дегенді қалай түсінуге болады?

Жағымды ой-пікір (дәйексөз)

Жақсы деген кісінің

Алды-арты бірдей жарық болар,

Жақсы деген ісіңнің

Бас-аяғы бірдей анық болар...                             Бөлтірік би

«Аялы алақан» өсиет әңгіме                                                                                                         Жағдайлы бір отбасы баласын ешкімнен кем өсіргісі келмей барлық жағдайын жасайды. Қазіргі заманның озық технологиясымен жасалынған ойыншықтар, компьютер, тіптен қымбат телефонды да алып береді. Бірақ баласы осының бәріне қанағаттанбай, күнде ата-анасының жұмысқа кетпеуін өтінеді. Ата-анасы жұмысқа бармаса болмайтынын, ақша табатынын баласына түсіндіреді. Ал, баласы осы сәтте ата-анасының күніне қанша ақша табатынын сұрап біледі.Бала сол күннен бастап ата-анасының өзіне тастап кетіп жүрген ақшасын жұмсамай жинай бастайды. Жинаған ақшасы ата-анасының бір күндік табысына жеткен күні бала ата-анасына өтініш жасайды. — Әке, ана! Бүгін жұмысқа бармай бір күндеріңізді маған қиыңыздаршы. Бір күнгі табыстарыңызды мен төлейін депті. (қалай ойлайсыздар бала неге өтінді?) Міне, ата-ананың аялы алақанының әсері балаға күн сәулесімен бірдей, мұны басқа ешбір нәрсе ауыстыруы мүмкін емес.

Шығармашылық жұмыс

1. ”Маған қымбат жандар” тақырыбында эссе жазу .

Жағдаяттар шешу

1.Менің сыныбым 1 сынып. Сыныбымда бір оқушым аптасына 1 рет сабақтан қалмаса болмайды. Сұрасаң ұйықтап қалған, т.б. сылтаулар айтады. Бірде 2 апта сабақтан қалды. Ауырып қалыпты. Содан келген соң өтілген тақырыптарды жетіп алу үшін тапсырмалар бердім.Сабақтан қалма, үлгере алмайсың деп жаймен де қатты да айттым.Өзі де даярлық тобына бармаған екен. Кешке анасы хабарласып тұр:Қызыма ұрсыпсың. Ол енді 1 сыныпқа барды ғой.11 сыныпқа дейін қаншама жылдар бар. Оқып үлгереміз дейді. Содан мен ол қызға ауыз ашпайтын болдым.Анасы солай деп тұрған соң.Сіздер не дейсіздер?

2. Саған  анаң  өзі жұмыстан  келгенше үйді  жинастырып  қоюды  тапсырды.

Сен  достарыңмен  ойнап  жүріп  бұл  істі   ұмытып  кеттің.   

Анаң  жұмыстан  келіп,  өзі  жинап,сыпырып  қойды.  Сен  келгенде  анаң  ренжулі.

Сенің  әрекетің?

3.Бүгін  анаң  жақсы  көретін  тамағыңды  жасап  берді.  Сен отыра  қалып  іні-қарындастарыңмен  қосыла  жедіңде,  даладағы  ойынға  қарай  жүгірдің.         

Сен  нені  ұмыттың?

Мақал-мәтелдер
● «Алты аға бірігіп әке болмас,
Жеті жеңге бірігіп ана болмас».
● «Баланың бас ұстазы ата-анасы».
●«Атасы тұрып ұл сөйлегеннен без,
Анасы тұрып, қызы сөйлегеннен без».
● Баланың жақсысы – қызық, жаманы – күйік.
● Ағайын алтау, ана біреу.
● Атаңа не қылсаң, алдыңа сол келер.
● Ата – анаңның қадірін балалы болғанда білерсің.
Ағайынның қадірін жалалы болғанда білерсің.

Тапқыр достар ойыны
Топпен ән айту
«Жақсы адамдар» Әні мен сөзі: А. Оралов

Тапсырма: Балалар төмендегі сөйлемдерді өз ойларынша әрі қарай жалғастырады.

Өз ойынды жалғастыр:

1. Менің ойымша, жақсы адам болу үшін.......................................................

2. Менің досым....................................................................................................

3. Бәріненде менің жақсы көретінім, адамның бойында..............................

4. Менің сыныптасым.........................................................................................

5. Мен сабақта жақсы нәтиже көрсетер едім, егер.....................................

6. Маған саяхатта жақсы болар еді, егер......................................................

7. Менің ойымша әр адам өзі жақсы болса, онда............................................

Тыныштық сәті: Сыныпта оқушылардың демалуына жағдай жасалады. Үнтаспадағы баяу музыка орындалады. Мұғалімнің сөздері: «Сендер отбасыларыңмен тау бөктеріне демалуға бардыңдар. Бәрің сондай қуаныштысыңдыр, отбасы мүшелерінің барлығы мәз – мейрам. Әдемі түрлі – түсті гүлдер, көбелектер қалықтап жүр.Құстар әсем ән салуда. Сендер өз ата- аналарыңмен қуанып ойнап, шаттанып жүрсіңдер. Қуанышты көңілмен көзімізді ашып, қандай сезімде болғанымызды айталық».

Үй тапсырмасы Әр оқушы өзінің қымбат жандарына тілек жазып келеді.

Сабақтың қорытынды сәті (баяу музыка қойылады)

Оқушылар сабақтан алған әсерлерін айтады.

Бүгінгі сабақта қандай қасиеттерді білдік?

Рефлексия

Оқушылар өз ойларын, сабақтан алған әсерлерін стикерға жазады.

Бағалау

«Екі жұлдыз, бір тілек »