Жапсырмалау

Жапсырмалау

Пәні: Бейнелеу өнері

Сабақтың мақсаттары:
Білімділігі: Оқушыларға жапсырмалау туралы түсінік беру және жапсырмалар жасап үйрету;
Тәрбиелігі: Оқушыларды зерделікке, ынтымақтастыққа, ұқыптылыққа, ізденімпаздыққа тәрбиелеу.
Дамытушылығы: Оқушылардың дүниетанымын кеңейту, шығармашылық ойлауын дамыту.
• Сабақтың түрі: Жаңа сабақ.
Сабақтың әдісі: топтық жұмыс, көрнекілік, баяндау.
• Пәнаралық байланыс:
еңбекке баулу
Көрнекілігі: слайд, шаблондар
Құрал – жабдықтар:
• Қайшы, желім, қыл қалам, желім қоюға арналған ыдыс, қара қарындаш, қағаз қалдықтарын салатын қорап, таза шүберек, баспа қағаздары, қайшылар (түзу ұшты немесе үлкен) болуы керек.
Жапсырмалауды қолданылатын материалына қарай үшке бөліп қарастыруға болады:
• Түрлі қағаздармен орындалатын жапсырма;
• Әр түрлі киіз, мата, тері, шүберек және т. б. қолданылуымен орындалатын жапсырма;
• Табиғи материал, сабан, ши, қамыс т. б. қолдану арқылы орындалатын жапсырма.
Жапсырмалау - латынның жабыстыру, қиыстыру деген сөзінен шыққан
Жапсырмалар жасаудың негізгі шикізаты қағаз болып саналады.
• Ең алғаш біздің заманымызға дейінгі ертетекте Греция өнерінде пайда болған. Ал түрлі материалдардан жасалынатын жапсырма түрі 16 ғ. Италия пен Испанияда, 17. ғ. Германия мен Францияда дамыған. Кейін, яғни 18 - 19 ғ. Ресей өңірінде дами түскен.
Практикалық жұмыс
І кезең: Бүктеу кезеңі.
• Түрлі түсті А4 қағазды 3 - ке тең етіп бүктеу. Артық 1 жолағын қиып алып тастау.
ІІ кезең: Қию кезеңі.
• Бүктелген қағазды ұсақ шашақ етіп қию
ІІІ кезең: Домалата бүктеу
• Дайын болған қиынды қағазды домалата бүктеу
ІV кезең: Жапырақ жасау.
• Жасыл түсті қағаздан 3 көлемде жапырақ жасау.
V кезең: Ұзынша сабақ жасау
• Жасыл қағазды ұзын етіп қиып алып, ирек тәріздес сабақтар жасау.
VІ кезең: Жапсыру кезеңі.
• А4 қағазға жасалып қойған гүлдерді қағаздың бір бұрышынан екіншісіне қарай көлемі бойынша жапсыру.
VІІ кезең: Жапырақ жапсыру.
• Гүлдердің айналасына көлемдері бойынша жапырақтарды жапсыру.
VІІІ кезең: Сабақ жапсыру.
• Дайындалған ұзын сабақтарды гүлдердің айналасына жапсыру.
Сабақтың соңы