Жапырақтың құпиясы

Жапырақ – табиғаттағы ең ғажайып жаратылыс. Ол өсімдікке сән беріп қана қоймай, өмір сүруіне қажет оттегін бөледі. Біз күн сайын тыныс алып жүрген ауамыздың таза болуы – өсімдіктер мен олардың жапырақтарының арқасы.

Мен өз зерттеу жұмысымда жапырақтың не үшін керек екенін және оның қандай қызмет атқаратынын білгім келді. Ол үшін бірнеше тәжірибе жасадым. Бір тәжірибемде жапырақта крахмал бар екенін анықтадым, екіншісінде жапырақтың тыныс алатынын байқадым, ал үшіншісінде жапырақ суды буландыратынын дәлелдедім.

Бұл тәжірибелер арқылы мен жапырақтың өсімдікке өте маңызды екенін түсіндім. Әрбір жапырақ табиғатқа және адам өміріне пайда әкеледі. Сондықтан мен табиғатты және өсімдіктерді қорғау керек екенін ұғындым.

Жапырақ – кішкентай болса да, үлкен өмірдің тірегі.

3-сынып оқушысы

Тулеухан Аяулым Алмасқызы