«Жақсы мінез жанға қуат» атты дөңгелек үстел

Қостанай облысы Аманкелді ауданы

Ә.Боранбаев атындағы жалпы білім бертеін орта мектебінің

педагог-психолог:Магзумова Шамшия Файзуллиновна

«Жақсы мінез жанға қуат» атты дөңгелек үстел

Ә.Боранбаев атындағы жалпы білім беретін орта мектебінде: оқушылардың мінез-құлық туралы түсініктерін кеңейтіп, көркем сөз бен көркем мінездің жанындағы адамдарға қалай әсер ететіндігін ұғындыру, оқушыларды жақсылыққа, адамгершілікке тәрбиелеу мақсатында

Амангелді ауданындағы орталық «Сатыбалды ишан» мешітінінің Бас имамы Жандарбек қажы Мұбаракұлы мен 10 - сынып оқушыларының қатысуымен «Жақсы мінез жанға қуат» тақырыбында дөңгелек үстел өткізілді.

Дөңгелек үстел барысында Жандарбек қажы: - Адам баласының ажарын ашатын асыл қасиеттер – сыпайылық, көркем мінез, адамгершілік әрі кішіпейілдік екендігін айтып өтті. Имам кездесуде сабырдың пайдасы жөнінде көптеген деректі әңгімелер өрбітті. Біреуге жазықсыз зәбір берудің ақыры жақсылыққа апармайтынын нақты деректермен көрсетті. Ол бұл ретте адамзаттың ұлы тұлғасы саналатын Мұхаммед пайғамбарымыздың өмірінен әр алуан әңгімелер айтты. Бас имамның сөзін қатысқан оқушылар зейін қоя тыңдады. Оқушылар бас имамға өздерін толғандырып жүрген сауалдарын қойды. Оқушылардың берілген сұрақтарына Жандарбек қажы мінездің жақсы-жаман түрлерін, жаман мінездің адамның іс-әрекетіне кедергі келтіретінін, жақсы мінездің әрдайым жақсылыққа апаратынын айтып өтті.

Болашақта ұлы істерді меңгеретін жақсы азамат боламын десеңіздер,бойларыңыздағы жақсы қасиеттерді жетілдіріп,халқымыз айтқандай «мінезге бай»болыңыздар. Жақсы мінез – бүкіл өмірдің сарқылмас байлығы екенін ұмытпайық, - деген қорытынды жасалынды.