Жақсылық – жан жадыратады» тренингі

Аудандық «Қыз баланың рухани адамгершілік және әдептілік қасиеттерін қалыптастыру» тақырыбындағы семинарда өткізілетін «Жақсылық – жан жадыратады» тренинг жоспары

Тақырыбы: «Жақсылық – жан жадыратады» тренингі

Мақсаты: Жақсылықтың адам өміріндегі маңыздылығын ұғындыру. Жақсы сөз арқылы жылылық сыйлау. Мұғалімдердің көңіл - күйлерін көтеру. Жылылық, сенімділік деңгейін, еркіндікті дамыту.

Тренинг ережесі: 
1. Белсенділікті арттыру 
2. Бірігіп жұмыс істеу 
3. Бір-біріне кедергі келтірмеу 
4. Өз ойымды ашық айта білу
5. Өзіме пайдалы нәрсені алу 
6. Әріптестермен жақсы қарым-қатынаста болу 
7. Өзімді еркін ұстауға үйрену 

Жүрісі:

1. Шаттық шеңбері: «Танысу» тренингі

«Жан жылуы» жаттығуы.

Мен сенен жылу аламын
Жүрегіме саламын
Досыма сыйлаймын
Сәттілік тілеймін

2. Сергіту сәті: «Таңды қалай қарсы аламын» тренингі

3. Жарасымды қарым-қатынас: «Қаражорға» биі

4. «Нұрлы жүрек» тренингі

«Жүректен шыққан сөз жүрекке жол табады»

Адам өмірде екі нәрсемен қартаймайды, біріншісі-қайырымды ісі, екіншісі- жүректен шыққан жылы сөзі. Әрқашанда бір-бірімізге жылы сөздер айтып, бір-бірімізге қайырымды болайық. Мейірімді болса жүрек – орындалар тілек.

5. Рефлексия:«Комплимент» тренингі»

Тыныштық сәті:

– Көз алдыңызға жаңа көрген табиғат көріністерін елестетіңіз.

–Терең дем алып, әуеннің ырғағына зейін аударып, менің сөздеріме құлақ салыңыз.

- Ал, бастаймыз. (музыка қосылады)

– Соқпақ жолмен жүріп келесіз …

– Жол ұзақ, шаршадыңыз, шөлдедіңіз …

– Кенет алдыңыздан ғажайып бақ көрінді …

– Алма бағы …

- Қып – қызыл алмалар қол созым жерде …

– Сіз үзіп алып жей бастадыңыз …

– Дәмі керемет …

– Жеген сайын жегіңіз келеді …

– Қалтаңыздан дорба алып алмаларды жинай бастадыңыз …

– Күн кешкірді … Қайту керек … Бақтан шығып жолға түстіңіз … Иығыңызда дорба.

– Жүгіңіз ауыр. Жол бітер емес. «Тастап кетсем бе екен?» деген ой келді …

– Сіз дорбаны емес, жалқау ойыңызды тастап кетіңіз …

- Міне, қалашыққа да жеттіңіз … Алдыңыздан қуана секіріп балалар шықты …

– Оларға өзіңіз терген алмалардан үлестіре бастадыңыз …

– Алма тергеніңіз мұншама абырой боларма?

Сізге балалар да, олардың ата – аналары да дән риза …

– Балалардың бақытты күлкісі сіздің де көңіліңізді көкке көтерді! Музыка тоқтатылып, мұғалімдер көзін ашады. Өз әсерлерін бөліседі.