Жақсылық жасау-жүректен Ей, перзентім, қай кезде болмасын, жақсылық істеуді жадыңнан шығарма. Жақсылықты жалпы халыққа жаса , жамандықтан аулақ бол, керісінше сөйлеме, теріс оймен ойлама. Бидайды көрсетіп, арпа сатпа. Әр істе әділетті бол. Әділ жанға бидің де, қазының да қажеті жоқ

Кабуснамадан

Мен өзін-өзі тану пәнінен алғаш осы пән енгізілгеннен сабақ беріп келемен. Бұл пән балалардың жүрегіне жақсылық ұялатып, өзіне сенімділігі артып, бір-біріне деген қарым-қатынасы жақсарып, жан-жағына жақсылық жасауға ұмтылып, ата-аналарына, бауырларына құрметі арта түседі. Адам баласы үнемі игілікке, жақсылыққа ұмтылумен өмір сүреді. Ізгілікке құштар бол. Ізгілікке, жақсылыққа ұмтылған сайын жан дүниең де ашыла береді. Өзіңе бақылауды , жауапкершілікті күшейте біл. Әрдайым ойыңның, сөзіңнің , ісіңнің бірлікте болуын қадағала. Өзіңді өзің тану ізгілікке , жақсылыққа талпынуды білдіреді. Адам бұл өмірге жақсылық жасау үшін келеді. Өз бойындағы адамгершілік қасиеттерін ашуға ұмтылыс адамды жақсарта түседі. Өзін -өзі таныған адамның ниеті түзу, сөзіне берік болады.

Жақсылық жасау дегеніміз-адамдарға, айналаға, табиғатқа қайырымдылық пен қамқорлық жасау оларды жақындастырады достастырады. Олардың бір -біріне деген сыйластығы артады. Өйткені қиналған сәтте алынған көмек ешқашан ұмытылмайды.