Жақсылық жауапсыз қалмайды

Жақсылық жасау үшін сіз міндетті түрде бай, ақшасы көп адам болуыңыз қажет емес. Бастысы, сіздің тілек- ниетіңізде деп ойлаймын. Қазіргі уақытта қамқорлық пен қолдауға мұқтаж болған, көңілдерін шер, қабақтарын мұң басқан, қайырымды адамдардан мейірімділік, алақандарынан жылулық сезімін күтетін жандарды күнделікті өмірде жиі кездестіреміз. Елімізде жыл сайын «Мектепке жол » акциясы ұйымдастырылып, көмек қажет балаларға қолдау көрсетіліп отырады. 2019 жылдан бастап «Мектепке жол» акциясы жыл бойғы нысанға ауыстырылған. Соған байланысты көмек қажет отбасылары арнайы atamekenim.kz порталына тіркеліп, көмек ала алады. Жыл сайын мектебімізде «Мектепке жол» акциясы аясында жеке кәсіпкерлер қолдарынан келгенше көмек қолын ұсынып келеді. Осы тұста әр жыл сайын қолдау көрсетіп, көмек беріп келе жатқан жеке кәсіпкер Каржауова Баянды атап айтқым келеді.