Сабақ мақсаты:
Оқушыларға жақсылық жасауға, жаман істерден аулақ болуға үйрету

Міндеттері:

Білімділік: Қайырымдылық, қамқорлық ұғымдарымен таныстыру

Дамытушылық: оқушыларға жақсылық жасау жайлы түсініктері мен өмірде кездесетін жағдаяттар мен байланыстыра отырып, түсініктерін дамыту

Тәрбиелік:Сыйластыққа, үлкенді құрметтеуге, көмек көрсетуге,жанашырлық танытуға тәрбиелеу.

Ресурстар:

Көрнекілігі:Дәйексөз, таратпа материалдар

Жабдықталуы: Үлестірме қағаздар, түрлі – түсті қарындаштар,музыкалық сүйемелдеу

Сабақ барысы:

1.Ұйымдастыру кезеңі. Сәлемдесу.Түгендеу.Тыныштық сәті

Сәлеметсіңдер ме оқушылар? Көңіл- күйіміз қалай? Сабаққа дайынбыз ба? Олай болса бүгінгі сабағымыздың тақырыбы: "Жақсылық жолымен жүреміз" деп аталады.Сабағымызды бастамас бұрын ойша саяхатқа шығып көрейік.

Ыңғайланып отырамыз, көзімізді жұмамыз. Қане, киімімізді жөндейміз, түрімізді әдемілеп, шашымызды тарап, ұқыпты бала боламыз. Бүгін балалар, барлығымыз "Өзін- өзі тану қаласына" саяхатқа шығамыз. Өзін - өзі тану қаласының бүгін "Жақсылық" деп аталатын ауданына баратын боламыз. Барлығымыз сыныптан шығып, мектеп алдында тұрған сиқырлы кілемге отырайық. Көзімізді қатты жұмамыз. Қазір сиқырлы кілем әп- сәтте бізді керек жерімізге апарып тастайды. Енді кілемнен түсеміз. Бұл қаланың осы ауданында ешкім бір- бірімен ұрсыспайды. Үлкендерді сыйлайды. Тәртіпті. Қаланың тазалығы мұнтаздай. Көшелерде әдемі жайқалып гүлдер өсіп тұр. Мөлдіреп аққан тау суы, өте тамаша. Ешкім көшеге қоқыс тастамайды. Балалар, енді осы жақсылық ауданынан өзімізге достар іздеп көрейікші. Ол достарымыз бізге не үйретеді екен? Не үшін олар бізді өздерінің аудандарына барғанымызда құшақтарын жая қарсы алды?

Балалар, бізідің сиқырлы кілеміміз келіп тұр ғой, достарымызбен қоштасамыз, сиқырлы кілем бізді өзіміздің мектебімізге, өзін -өзі тану сабағына қайта апарады.

Қане, көзімізді ашамыз.

Сабақ барысын талдау:

Ұйымдастыру кезеңі арқылы балалардың сабаққа деген қызығушылығын ояту. Балаларға жақсы көңіл-күй сыйлау.

2.Үй тапсырмасы:

82 бет.«Қамқорлық» мәтінін оқу

3.Дәйексөз. Мағынаны тану.Жақсылық-жан азығы.

Оқушылар 2 рет қайталап айтады.

4.Әңгімелесу.Миға шабуыл.

- Баланың жасаған іс- әрекетін қалай сипаттар едіңдер?

- Жасаған жақсылықты не үшін міндет етпеу керек?

- Жақсылық жасау парыз ба?

- Жақсылыққа жаны құмар адамның бойында қандай құндылықтар болады?

Оқушылар өз ойларын ашық білдіре алады.

Дәптермен жұмыс

Жұмыс дәптеріндегі берілген 2- тапсырманы өз бетінше орындау

Балалардың ойлау қабілетін дамыту

5.Шығармашылық жұмыс.

Жақсылықты оймен,іспен,сөзбен жасауға болатынын сахналап көрсету.

1 топ: Мен анама туған күніне не сыйлаймын.Оймен жақсылық жасау.

2 топ: Арман мен Ақниет есік алдына ағаш отырғызады.Іспен көмектесу.

3 топ: Барлық балалар «Үлкенге құрмет.кішіге ізет көрсетуді ұмытпау керек. Сөзбен жақсылық жасау.

Мұғалім мен оқушыларды сахналау.

СЕРГІТУ СӘТІ: Жұмыр қылыш. Бейнетаспадан қоямын.

Тақырыпқа сай берілген тапсырма арқылы оқушылардың шығармашылығын дамыту, оқушылардың меңгерген білімін көрсетуге мүмкіндік беру, оқушылардың ой ұшқырлығы мен қиялын шыңдау.

Оқушылар бір сәт сергіп алады.

6.Топпен ән айту. Айтбаевтың «Балдырған» әнін орындайды.

7.Үй тапсырмасы.

87 бет «Мейірімнің күші» мәтінін оқып келу.

Сабақта меңгерген білімдерін көрсеру және дамыту мақсатында берілетін, оқушылардың өздігінен орындауға арналған үй тапсырмасы.

8.Бағалау.Оқушыларға сабақ барысында жарайсың,жақсы,керемет сөздері жазылған жұлдызшалар таратамын.Ынталандыру мақсатында тамаша,керемет,өте жақсы сөздерін пайдаланып отырамын.

9.Қорытынды.

Жақсылық жасау дегеніміз-адамдарға,айнала қоршаған ортаға,табиғатқа деген қайырымдылық пен қамқорлық.

Кері байланыс арқылы оқушылардан сабақ туралы пікірлерін сұраймын.Оқушылар гүл шоғы арқылы өз ойларын білдіреді.