Жақсылықпен жаным дос

Сабақтың тақырыбы: «Жақсылықпен жаным дос»

Сабақтың мақсаты:

1. Жақсылық жасаудың маңыздылығы жөніндегі түсініктерін кеңейту.

2. Жақсылық жасау іскерліктеріне баулу Ойлау,есте сақтау қабілеттерін дамыту.

3. Мейірімді, қайырымды болуға баулу.

Сабақтың әдісі: әңгімелеу, сұрақ – жауап.

Сабақтың көрнекілгі: Тақырыпқа сай суреттер

Сабақтың барысы:

І. Ұйымдастыру кезеңі

а) Сәлемдесіп, назарларын сабаққа аудару

ә) Гимн орындату.

б) Психологиялық жаттығу:

Таң атты: - Қайырлы таң! – деп

Күн шықты: - Қайырлы таң! – деп

Жел есті: - Қайырлы таң! – деп

Қайырлы күн !

Жақсылық баршаңызға!

Бүгінгі біздің тақырыбымыз «Жақсылықпен жаным дос» деп аталады.

1. Кіріспе.

• Балалар, жақсылық деген сөздің мағынасын қалай түсінесіңдер?

• Жақсылық жасау дегеніміз не?

• Адамның бойындағы қандай қасиеттер жақсылыққа жетелейді?

Жақсылық жасау әр адамның қолынан келеді. Жылы жүрек, ақ ниет, нәзік сезім адамды жақсылыққа бастайды. Жақсылықтан жақсылыққа жету, ұмтылу адамды бақытқа, игілікке жетелейді.

2. Көрнекілікпен жұмыс.

Суреттерге әңгіме жүргізу.

3. Мәтінмен жұмыс.

«Дүние неліктен жақсы ?» әңгімесін оқып беріп, талдау жасау.

4. Ойын «Біз де»

Тәрбиеші: Мен әрқашан жақсылық жасауға дайынмын.

Балалар: Біз де.

Тәрбиеші: Мен көмектескен адамға рахмет айтамын.

Балалар: Біз де.

Тәрбиеші: Мен көмек беруге асықпаймын.

Балалар: . . .

Тәрбиеші: Жылап отырған баланы жұбатпадым.

5. Дәйексөз. Дәптермен жұмыс.

Жақсы сөз – жарым ырыс.

6. Шығармашылық тапсырма.

Тақтаға «Қазақстан» картасы ілінеді.

- Балалар, елімізде, жерімізде тыныштық, бейбітшілік болсын десек, мына суреттерге ең жақсы сөздерді жазып, картаға ілейік (көгершін, жалауша, көбелек т.б. суреттер). Міне, балалар, жеріміз бақытқа бөленді. Әрқашан солай болсын деп тілейік.

7. Суретпен жұмыс.

Суреттерге қарап, қандай қамқорлық жасау керектігін айтыңдар.

Қорытынды:

Қамқорлық

Мейірімділік

Ж ақсылық Қайырымдылық

Көмек

Адалдық