“Жаратылыс сыры – ғылымда”: жаратылыстану пәндері бойынша онкүндік жас өнертапқыштарды шабыттандырды

Тастекова Айгерим Калдарбековна

Түркістан облысы, Жетісай ауданы

С.Сейфуллин атындағы №52 ЖББМ КММ

Физика пәні мұғалімі, aigerim.tastekova@mail.ru

С.Сейфуллин атындағы №52 жалпы білім беретін мектебімізде 2025 жылдың 07 сәуірі мен 18 сәуірі аралығында жаратылыстану пәндері бойынша өткен “Жаратылыс сыры – ғылымда” атты онкүндік аясында физика пәні ерекше орын алды. Бұл апта жас ғалымдар мен өнертапқыштар үшін шығармашылық алаңына айналып, ғылымға деген қызығушылықтарын арттырып, жаңа идеяларға шабыт берді.

Онкүндік барысында физика пәнінен оқушылар арасында түрлі жарыстар ұйымдастырылды. “Ең үздік физик” сайысы оқушылардың теориялық білімдерін тексерсе, “Физикалық эстафета” олардың жылдамдық пен тапқырлық қабілеттерін шыңдады. Ал “Қызықты тәжірибелер” байқауында оқушылар өздері жасаған тәжірибелерін көрсетіп, физикалық құбылыстардың мәнін ашып түсіндірді.

Онкүндіктің ең қызықты сәті, әрине, жас өнертапқыштардың өз жұмыстарымен таныстыруы болды. Оқушылар өздері ойлап тапқан құрылғылар мен модельдерді көрсетіп, олардың жұмыс істеу принциптерін түсіндірді. Бұл жас өнертапқыштардың жобалары күнделікті өмірде кездесетін мәселелерді шешуге бағытталғандығымен ерекшеленді.

Мысалы, 7-сынып оқушысы Сарвар гидравликалық экскаватор жасап ұсынды.. Ал 8-сынып оқушысы Бахриддин, қолда бар материалдардан жасалған, арзан әрі тиімді қайықтың моделін көрсетті. 9-сынып оқушысы Фарух тұрмыста қолданыстағы заттардың макетін жасау бойынша желдеткіш жасады. 8-сынып оқушысы Ахлиддин дәнекерлеуіш жасап, бұзылған сымдарды жаслғап көрсетті.

Жас өнертапқыштардың жұмыстары физика пәнінің теориялық білімдерін практикада қолданудың керемет үлгісі болды. Олардың идеялары мен жобалары басқа оқушыларды да өнертапқыштыққа шабыттандырды. “Жаратылыс сыры – ғылымда” онкүндігі жас ғалымдар мен өнертапқыштар үшін ғылым әлеміне жол ашты. Мектебіміздің жас өнертапқыштары алдағы уақытта да ғылым жолында жаңа жетістіктерге жетеді деген сенімдеміз.

Сонымен қатар, онкүндігімізде 12 сәуір - Ғарышкерлер күні қарсаңында мектебіміздегі 8-сынып оқушылары арасында “Ғарыштағы батырлар” атты сайыс өтті. Бұл шара жас ұрпақты ғарыш әлеміне қызықтыру, ғарышкерлердің ерлігін дәріптеу және оқушылардың шығармашылық қабілеттерін дамыту мақсатында ұйымдастырылды.

Сайыс барысында оқушылар бірнеше кезеңнен өтті. Бірінші кезеңде командалар ғарыш тарихына қатысты сұрақтарға жауап беріп, өздерінің білімдерін көрсетті. Сұрақтар Гагариннің ұшуынан бастап қазіргі ғарыш зерттеулеріне дейінгі кең ауқымды тақырыптарды қамтыды. Оқушылардың ғарыш туралы көп білетіндігі көрініп, сайыс қызықты әрі тартысты өтті.

Екінші кезең “Ғарыштық конструктор” деп аталды. Бұл кезеңде командалар берілген материалдардан ғарыш кемесінің немесе станциясының моделін құрастырулары керек болды. Оқушылар өздерінің инженерлік ойлау қабілеттерін, шығармашылықтарын және командада жұмыс істеу дағдыларын көрсетті. Құрастырылған модельдердің әрқайсысы ерекше болып, оқушылардың қиялының шексіздігін дәлелдеді.

Үшінші кезеңде “Ғарыш туралы эссе” жазу тапсырылды. Оқушылар ғарышқа саяхат, ғарышкер болудың арманы және ғарыштың болашағы туралы өз ойларын жазды. Эсселерде оқушылардың ғарышқа деген сүйіспеншілігі, адамзаттың болашағына деген үміті және ғылымға деген қызығушылығы көрініс тапты.

Сайыстың соңғы кезеңі “Ғарыш әндері” деп аталды. Әр команда ғарыш тақырыбына арналған ән айтып, өз өнерлерін көрсетті. Оқушылардың орындауындағы әндер патриоттық сезімдерді оятып, көрермендерді ғарыш әлеміне саяхаттатты.

“Ғарыштағы батырлар” сайысы 8-сынып оқушылары үшін ұмытылмас оқиға болды. Олар ғарыш туралы көптеген жаңа мәліметтер біліп, өздерінің шығармашылық қабілеттерін дамытты. Бұл шара оқушылардың ғылымға деген қызығушылығын арттырып, оларды болашақта үлкен жетістіктерге жетуге шабыттандырды.

Сайыс қорытындысы бойынша барлық қатысушылар мақтау қағаздарымен марапатталып, жеңімпаз командалар бағалы сыйлықтарға ие болды. “Ғарыштағы батырлар” сайысы мектебімізде жыл сайын дәстүрлі түрде өткізілетін болады.