Жаратылыстану "Дыбыстар қандай болады?"

Сабақтың тақырыбы:

Дыбыстар қандай болады?

Мұғалімнің аты-жөні:Куатбекова Ш.Т.

Күні: 18.04.2018

СЫНЫП: 2

Қатысқан оқушылар саны:

Қатыспаған оқушылар саны: 0

Сабақ негізделген оқу мақсаттары

1. дыбыс қаттылығы бойынша дыбыс көздерін жіктеу

2.қоршаған әлем құбылыстары, үрдістері мен нысандарын зерделеуге қажетті жағдайларды және зерттеушінің тұлғалық қасиеттерін анықтау;

Сабақ нәтижесі:

Оқушылардың барлығы мынаны орындай алады: Оқулықта берілген және қосымша тапсырмаларды орындайды. Жазба жұмыс жасайды. Сұраққа жауап береді.

Оқушылардың көбісі мынаны орындай алады: Топтық жұмысты брлесе орындайды.Өз бетінше жұмыс жасайды. Сұраққа жауап береді. Қосымша үлестірме ресурстармен жұмыс жасайды.

Оқушылардың кейбіреуі мынаны орындай алады:

Оқулықтан тыс берілген қосымша тапсырмалады орындайды, тақырып бойынша қосымша мәліметтер мен дәлелдер келтіре алады.

Бағалау критерийі

Жеке, жұптық, топтық тапсырмаларды орындай алады. Сабақ барысында тыңдаушының назарын өзіне аудара алады.

Ресурстар

Оқулық, суреттер, топқа бөлуге арналған кеспе қағаздар  және  әртүрлі  заттар, топтық тапсырмалар, стикер.

Әдіс-тәсілдер

Сұрақ-жауап, әңгімелеу, түсіндіру, ойын, көрнекілік. Рефлексия.

Пәнаралық байланыс

Музыка, қазақ тілі.

Сабақтың жоспары

Жоспарланғануақыт

Сабақ барысы :

Басталуы

Оқушылардың назарын сабаққа аудару

Жұмбақ жасыру

Естиміз көре алмаймыз

Айтамыз жаза алмаймыз

Дыбыс

Ендеше балалар бүгін біз не туралы айтамыз ? Дұрыс дыбыс туралы.

Өмір қандай көңілсіз

Дауыстарсыз ,дыбыссыз!

Әнсіз,күйсіз,шуылсыз

Айналамыз сұрақсыз.

Әр дыбыстың мәні бар

Мәнін тауып ұғып ал!

Ал енді біз 1 –сыныпта өткенді қайталаймыз.

Қандай дыбыс көздері бар?

Табиғи дыбыстар ол жапырақ сыбдыры,Бұлақтың сылдыры ,адамның сөзі, түшкіруі,жылағаны т.б

Жасанды дыбыстар Музыкалық аспаптар үні, машинаның гүрілі, ысқырық(адам ойлап тапқан)

Ал енді естеріңе түсіріңдерші дыбыс қалай таралушы еді?

Естерімізге түсірейік

Суға лақтырылған немесе түскен заттан толқындар шеңбер жасап тарайды

Сол сияқты дыбыс барлық бағыттарға дыбыс толқындары арқылы тарайдыДыбыс толқындары барлық бағыттарға бірдей тарайды

Жаңа білім

Білу және түсіну

Ал енді осы Дыбыс тақырыбын жалғастырамыз.

Бүгінгі тақырып Дыбыс қандай болады

Көзімізді жумамыз.

(табиғаттағы орман,найзағай дыбыстары)

Не естідіңдер? Неге солай ойлайсың?

Дыбыс дегеніміз-заттың немесе бұйымның қозғалысы түріндегі энергия. Дыбыстар туралы ғылымды акустика деп атайды

Оқушылар оқулықтағы негізгі тақырыппен танысады.

1.Сурет бойынша жұмыс

2.Сұрақтарға жауап бер

-Кім футбол матчында болды?

-Онда қандай дыбыс шығады?

-Ол жерде қатты айқайлауға бола ма ?

-Неге айқайлауға болады?

-Суреттегі көріністі дыбыстап айтып беріңдер

- Оларды өте қатты және онша қатты емес дуге бола ма?

Ендеше дыбыстардың қатты және бәсең түрлері бар

« Қатты-бәсең »ойыны

Ойын ережесін түсіндіру

Қатты дыбыстарда құлақ жабамыз

Бәсең дыбыста сұқ саусақты ернімізге қоямыз

Кітап беттері парақтау, сағат тықылы, қоңырау үні, балғаның даусы, өтіп бара жатқан машина даусы , ұшақтың гүрілің жанкүйелердің шуы, бұлақтың сылдыры, әтештің айқайы, сылдырмақтың дыбысы, тұяқтың дыбысы, үстелдің қаламмен тықылдатуы, нәрестенің жылауы, ананың әлдиі,

Табиғат аясындағы дыбыстар

Қалада және орманда болғанда нені сезінесіңдер?

Оқулықтағы суреттпен жұмыс

Адам денсаулығына тым қатты дыбыстар зиян. Бәсең және қатты айқайлауға болатын орындар бар.(Балалар бәсең және қатты айқайлауға болатын жерлерді атайды)

Оқулық,

мәтіндер.

Ортасы

Қолдану

Зерттеу

Топтарға А-3 парақшасын екі бағанға бөліп қатты және бәсең деп жазып әр топ қандай жерде қатты ,қандай жерде бәсең сөйлеуге болатынын жазады

Алынған нәтижені талқылайды

Мектеп туралы айту

Сергіту сәті

Сергіту сәті.

Аяқталуы

Сабақты бекіту

Сен білесің бе?

Алматы облысында Алтынемел ұлттық табиғи саябағында Әнші құм бар.Құм самал желдің әсерінен сырғып,қозғалған кезде сырнайдың үніне ұқсас әуен шығарады Ал қатты жел соқса,ұшақтың дыбысына ұқсас гүріл естіледі.Сондықтан оны Әнші құм деп атайды

Қосымша тапсырмалар

Дыбыстарды тыңдатып ажыратқызу

Жағдаят ойнап көру:

1.Ағаң ұйықтап жатыр.Сен ағаңмен бір жағдай туралы ақылдасу керек.

2.Сен ауырып қалған досыңның көңілін сұрапбардың

3.Анаң үйде жұмыс істеп жатыр,ал сен досыңмен телефон арқылы сөйлесеуің керек

4. Сен досыңмен кітапханаға келдің

Тақырып бойынша түйген білімдерін айтады

Бағалау

Кері байланыс

«Білім ағашы» кері байланыс

Сабақтан алған әсерлерін стикерге жазып, ағашқа жабыстырады.

Үйге тапсырма: мазмұндау.

Қорытынды бағамдау