Түсінік хат 

Экологиялық тәрбие –қазіргі таңдағы білім саласындағы ең бір басты бағыттардың бірі. Тіршілік үшін жауапкершілік тек адамдарға жүктелетінін жас кезінен ұғындыру қажет. Экологиялық білім алған балалар келешекте табиғаттың қадірін түсініп, оны аялап сақтау керектігін біледі. Табиғатқа қамқорлық етіп, оны сақтайды.. Бастауыш сатыда бір заттар мен табиғат құбылыстарды жүйелі түрде бақылау, зерттеу, эксперимент жүргізу негізінде жүзеге асады. Бұл бағдарлама табиғатты жаңа танып келе жатқан 1-сынып оқушыларына арналған. Ол жаратылыстану сабағына қосымша ретінде аптасына 1 сағаттан 35 сабаққа арналып жасалған. 

         Ұсынылып отырған бағдарлама оқушыларға тірі және өлі табиғат, адам және табиғат арасындағы қарым-қатынас туралы білімді игеруге көмектеседі.

Ол оқушыларға экологиялық тәрбиемен қатар қоршаған ортаға, табиғатқа  мейірімділікпен қарауға тәрбиелейді. 

Мақсаттары: 

• Қоршап тұрған табиғат пен адам арасындағы қарым-қатынас туралы білімдерін кеңейту; 

• Экологиялық білім негізін қалыптастыру; 

• Баланың эмоционалды сезімін байыту; 

• Табиғат қамқоршысын тәрбиелеу. 

Міндеттері: 
1. Табиғатты қорғау саласында оқушылардың білімдерін жүйелеу, нақты мысалдар келтіре отырып, суреттермен көрсете отырып нақтылау;  

2. Жас ерекшеліктеріне сай табиғаттану түсініктерін кеңейту, білімдерін тереңдету; 

3. Табиғаттың сенімді досы болуына көмектесу және қызығушылықтарын нығайту;. 

4. Қазақстанда және облысымызда қорғауға алынған аймақтар туралы түсініктер қалыптастыру;

Күтілетін нәтиже:

Экологиялық мәдениет негіздерін меңгереді;

Туған жердің табиғат ерекшеліктерін біліп түсінеді;

Туған жердің өсімдіктері мен жануарлар әлемін таниды;

Жыл мезгілдерінің негізгі қасиеттерін анық ажыратады;

Зертханалық жұмыстарды орындау мен табиғатқа саяхат кезінде қауіпсіздік ережелерді сақтауды үйренеді;

Әр оқушының өз мүмкіндігі негізінде танымдық қызығушылығы артады;

Қазіргі заманның экологиялық мәселелерін түсінеді;

туған өлкені, оның байлықтарын қорғай білуге тәрбиеленеді. 

Тақырыптық жоспар 35-сағат

Пайдаланылған әдебиеттер:

1. Қазақстан  2009ж

2. Жануарлар әлемі, Алматы, 2010ж.

3. Өсімдіктер әлемі, Алматы, 2010ж.