№230 орта мектеп

Тақырыбы: «Жарқыра, жайна жаңа жыл!»

Сыныбы:5-8

Сынып жетекшілер:Сәтекеева Г

Қарасаев Ж

Калауова Ф

Аманжолова Г

2024-2025 оқу жылы

Тақырыбы: «Жарқыра, жайна жаңа жыл!»

1 Жүргізуші:
Барлық жандар бір білікке қосқан үн,
Бақытты боп бастады жыл дастанын.
Қуанышпен келді той деп жаңа жыл,
Құтты болсын жаңа бақыт достарым.
2 Жүргізуші:
Құрметті оқушылар, ұстаздар, Жаңа жыл мерекесіне арналған «Қош келдің, Жаңа жыл» атты кешімізді бастауға рұқсат етіңіздер!
1 Жүргізуші:
Құрметті жамағат жүрекке жылылық ұялатар алғашқы жаңа жылдық құттықтау сөзді мектебіміздің директоры Қиынбаев Алматбек ағайымызға және мектеп директорының тәрбие ісі жөніндегі орынбасары Нағашыбаева Зейнегүл апайымызға беріледі.
2 Жүргізуші:
Құтты болсын жаңа жыл, барша халық,
Қуанышқа, шаттыққа тамсанайық.
Бірімізге шынайы тілек тілеп,
Бар әлемге бақытпен жар салайық!Ән 7 сынып оқушысы Қадірқызы Айзеренің орындауында.
1 Жүргізуші:
Балалар ортамызға бізбен бір жыл бірге болған ұлу жылын шақырайық. Ескі жыл қайдасың?
- Әне өзі де келе жатыр, бәріміз қосылып Хош келдің делік.
Бәрі: Хош келдің ескі жыл.
Ескі жыл:
Ауылдастарым, достарым,
Алғысым көп айтар менің.
Дәл осындай құрметпенен
Қарсы алыңдар ұлу жылын.
1 Жүргізуші:
- Ескі жыл сен жаңа жылымыз келген ше бізбен бірге бол. Көңіл көтеріп, ән салып, би билейік.
2 Жүргізуші:
Би билейік бұралып,
Қыздар тұр сұранып.
Мен де тұрмын құр қалып,
Шаттанайық қуанып.
- Ескі жылымыздың құрметіне 5 сыныбының орындауында биі. Қарсы алыңыздар.
(Би биленеді)

1 Жүргізуші:
Әнші де құс үні бар,
Кірсең кештің сәні бар.
Салайықшы шарықтап.
Жаңа жылдың әніне
Ал ағайын тұрмайық
Жаңа жылды жырлайық. Ән 6 сынып ұлдар.
2 Жүргізуші:
Қараңыздар мынау шыршаға. Неткен сұлу, неткен көрікті еді. Жаңа жылдық шыршамызға барлығы келіпті. Енді аяз атамыз да келіп қалар. Қане барлығымыз Аяз ата, ақша қар, жаңа жыл кел деп шақырайық. Сонда біздің дауысымызды естіп тез келер.
Барлығы: Аяз ата, ақша қар, жаңа жыл кел, кел!
(Аяз ата, ақша қар, жаңа жыл келеді)
1 Жүргізуші:
Келді жылым бақытым,
Кемелденді уақытым.
Сәлем саған аяз ата, жаңа жыл,
Жаңа бақыт, жаңа думан, жаңа жыр.
Аяз ата: Аяулы ата - аналар, ардақты ұл - қыздар, бүлдіршін балаларыңа бір сәлем!
Қандай жарқын жүздерің,
Қандай әсем жырларың.
Асулармен алысқан,
Аталарың сендерге
Шаршап келді алыстан.
2 Жүргізуші:
Сыңғырлашы сырнайым,
Жаңа жылды жырлайын.
Шашбаулы қыз сырғалы,
Ақша қарды тыңдайық.
Ақша қар:
Амансыздар ма балалар, ұстаздар, ата аналар! Өздеріңді сағынып келдік, Жаңа жылдарыңыз құтты болсын. Өтіп кеткен айдаһар жылына аман есен саулық тілеп, келер жылымыз Жылан жылына табыс жыл, береке, бірлік әкелсін деп деймін.
1 Жүргізуші:
Жаңа жыл жол болсын
Басқан қадам оң болсын
Төрлет, төрлет жаңа жыл
Бізге құтты жыл болсын.Ортада керемет бимен 6 сынып қыздарын қарсы алайық!

2-Жүргізуші:Алдарыңызда 5 сынып оқушыларының тақпақтарын қабыл алыңыздар..
Ұлу жылы: Мен ескі жылмын сіздерге молшылық, бақыт әкелдім. Мына келер жылға тілегім.
Жасампаз заман бұл заман
Бүгіннен ертең ғаламат
Алдыңғы сапта боларсың
Хош сау болыңдар аманат! (Ескі жыл кетеді)
Жылан жылы:
Жаңа жылда өнер сынар қайсың бар
Би билендер, жырдан шұмақ шашыңдар Ал канекей өнер сүйер қайсың бар?
Жаңа жылда сыйлық алып қайтыңдар.

1-Жүргізуші:8 сынып оқушыларының биін қабыл алыңыздар!
2 Жүргізуші:
Дөңгеленіп тұрайық,
Ойын сауық құрайық.
Би шашуы шашылсын,
Жаңа жылға ылайық!
Ортада 7 сынып оқушыларының орындауында би.Флешмоб.
1 Жүргізуші:
Ал құрметті достар! Бәріміз бірге Аяз атаны шығарып салайық.
2 Жүргізуші:Аяз ата, келесі кездескенше аман болыңыз. Біз сіздерді асыға күтеміз.(Аяз ата, ақша қар кетеді. )
1 Жүргізуші:Құрметті достар!
2 Жүргізуші: Қадірлі ұстаздар!
1 Жүргізуші: Жаңа жыл! Осы жыл барлық отбасыларымызға бақыт пен шаттық әкелсін.
2 Жүргізуші: Жаңа жыл құтты болсын! Келесі кездескенше сау – саламатта болыңдар!Кешіміздің соңын 8 сынып оқушысы орындауында әсем әнмен аяқтайық!

Жаңа күнде ән қылып,
Тек жүрмеңіз сән құрып.
Көңілдердей қартаймай,
Шырша тұрар мәңгілік.
Ал енді барлығымыз шыршаны айналып «Шырша» жырын айтайық.