Жас экологтар зерттеуі.

Тақырыбы: Бөлме гүлдерін күтіп-баптау

Мақсаты:Балалардың көркемдік талғамын дамыту, іскерлік дағдыларын қалыптастыру, қабілеттерін арттыру.Балаларды әсемдік әлемін танып-білуге үйрету, гүлдер туралы толық түсінік беру.Табиғатқа қамқор көрсету, балалардың аяушылық сезімдерін, бір-біріне деген достық қарым-қатынастарын ояту.

Тәрбиеші:

-Салеметсіңдер ме балалар!Менімен бірге шаттық шеңберін қайталаңдар. Шаттық шеңбері:

Қуанамын мен де

Қуанасың сенде

Қуанайық достар

Арайлап атқан күнге.

-Балалар, қазір жылдың қай мезгілі?

Балалар:Қыс мезгілі.

Тәрбиеші:

-Дұрыс қыс мезгілі. Қараңдаршы, далада гүлдер, ағаштарда жапырақтар бар ма?

Балалар:Жоқ.

Тәрбиеші:

-Жарайсыңдар. Ал енді мен сендерге жұмбақ жасырайын.

Сән береді бөлмеге,

Қысы, жазы көгере.

Балалар:Бөлме гүлі

Тәрбиеші:

— Дұрыс айтасыңдар, бөлме гүлі ( балалардың назарын гүлдердің суретіне аудару). Балалар, мына гүлдердің суретіне қараңдаршы, біреуі — әдемі, жапырағы жайқалып өсіп тұр, ал екінші гүл – бүгіліп, гүлі мен жапырағы төмен салбырап, күтусіз қалған. Сендер де осы бірінші гүл сияқты түзу, әдемі болып өсу үшін денелерің шыныққан, тәртіпті, ақылды болуларың керек. Сендер де осы гүл сияқты өсесіңдер, жалқау болмай, тәртіпті болсаңдар, әдемі де ақылды боласыңдар.

Біз бәріміз бірдей гүлді қалай күтіп-баптау керектігін біле бермейміз. Бүгінгі сабағымызда қалай күтіп-баптауды, құтыға гүлді қалай отырғызуды үйренеміз.

— Балалар, гүлді қалай күтіп-баптауды көрсетіп жіберейін.

Түбін қопсытамыз.

Жапырағын сулы шүберекпен сүртеміз.

Су құямыз.

— Міне, гүлдің қалай күтіліп-бапталатынын үйрендік. Ал, балалар, гүлдер бөлмеге не үшін қажет?

Балалар:Әдемі болып тұру үшін, ауаны тазарту үшін.

Тәрбиеші:

— Дұрыс, жарайсыңдар! Қане, енді гүл туралы қандай мақал-мәтел білеміз.

Ислам:Ер – елінде,

Гүл – жерінде.

Али: Ел ұлсыз болмас,

Жер гүлсіз болмас.

Кәусар:Гүлсіз болса – жер мұңды,

Күлкісіз болса – ел мұңды.

Жанерке:Күнсіз гүл өспес,

Күтусіз ұл өспес.

Тәрбиеші:

-Қане балалар,сергіп алайық.Сергіту сәті:

Айгүл көлден су алды,

Гүлдерді келіп суарды.

Қызыл, жасыл, ақ гүлдер,

Самал желмен ырғалады.

— Сендер гүлді жақсы көресіңдер ме?

Балалар:Иә.

Тәрбиеші:

— Жақсы. Енді мен сендерге гүлді қалай отырғызу керектігін үйретемін. Барлығымыз мұқият қараймыз. Бүгін біз бөлме гүлін отырғызамыз.

Құнарлы қара топырақ толтырылған гүлдің құтысын алып, ортасын кішкене тереңірек етіп қазып, гүліlің көшетін тамырын үзіп алмай кішкене шұңқырға саламыз.

Түбіне су құямыз.

Түбін жақсылап топырақпен нығыздап басамыз, үстіне тағы су құямыз.

— Міне, гүлімізді отырғыздық, енді осы гүліміз әдемі болып өсу үшін су құйып баптаймыз. Балалар, гүл туралы қандай тыйым сөздер білесіңдер?

Балалар:Гүлді аяқпен басуға болмайды.Гүлді жұлуға болмайды.

Тәрбиеші:

— Балалар, біз бүгінгі сабағымызда гүлді күтіп-баптауды, гүл отырғызуды және гүл туралы мақал-мәтел, тыйым сөздерді үйрендік. Осы үйренгендерімізді жадымыздан шығармай әрдайым гүлге қамқор болуымыз керек. Сендер де осы гүлдер сияқты жайқалып өсе беріңдер.

Қорытынды: Міне балалар, осы отырғызған гүлімізді жақсылып күтіп-баптауымыз керек. Сонда еккен гүліміз үлкен де әдемі болып өседі.

Бекітемін

«Балбөбек 1» бөбекжай балабақшасының

меңгерушісі Боранбаева Н

Тақырыбы :»Жас экологтар зерттеуі»

«Болашақ» тобы

Тәрбиеші:Коджаева Қ.Ж

Әдіскер:Алдишева М .Ә

«Жас экологтар зерттеуі» оқу іс-әрекетіне

Анықтама

«Болашақ»тобында 2025 жылдың ақпан айының 3-ші жұлдызында «Жас экологтар зерттеуі» атты оқу іс-әрекеті өтті.
Мақсаты: Балалардың көркемдік талғамын дамыту, іскерлік дағдыларын қалыптастыру, қабілеттерін арттыру.Балаларды әсемдік әлемін танып-білуге үйрету, гүлдер туралы толық түсінік беру.Табиғатқа қамқор көрсету, балалардың аяушылық сезімдерін, бір-біріне деген достық қарым-қатынастарын ояту.

Балалармен амандасып.шаттық шеңберімен оқу іс-әрекетін бастадық.Балаларға сұрақтар қойылып,жұмбақ жасырылды.Оқу іс-әрекетінің тақырыбы ашылып,түсіндірілді.Балалар гүл туралы білетін мақал-мәтелдерін айтты.Содан кейін тәрбиеші балалармен гүл күтімі туралы әңгімелесіп,гүлді отырғызуды үйретті.Фото,видео жасалынып,ата-аналарға жіберілді.