«Жас информатик» интеллектуалдық сайысы

«Жас информатик»

интеллектуалдық сайысы

Мақсаты:

Оқушылардың пән бойынша алған білімдерін тереңдету, қайталау, толықтыру, өмірмен байланыстыру. Оқушыларға XXI-ғасыр жаңа технология мен ақпараттандыру, нақты ғылымдар ғасыры деген ұғымдар туралы түсініктерін қалыптастыру. Информатика пәніне қызығушылығын арттыру. Оқушылардың білімін жетілдіре отырып, өз бетімен жұмыс жасауға дағдыландыру.

Көрнекілігі: Безендірілген тақта, слайдтар, грамоталар.

Түрі: сайыс.

Барысы:

1. Ұйымдастыру кезеңі.
   Қош келіпсіздер, қымбатты ұстаздар мен оқушылар!
   Құрметті қонақтар! Сіздерді информатика пәнінен 8,9 сынып оқушыларының арасында өтетін «Жас информатик»» атты сайыс сағатын көруге шақырамыз.

Әділқазылармен таныс болыңыздар:

___________________________________________________________

___________________________________________________________

___________________________________________________________

Ортаға алдын ала белгіленген нөмір бойынша сыныптарды шақырамыз.

№1 – 9 «А»
№2 – 9 «Ә»
№3 – 8 «А»
№4 – 8 «Ә»

Жүргізуші: Бүгінгі сайыс V кезеңнен тұрады. Кезеңдерімен таныстырып өтейін:

I - кезең. «Таныстыру» (креативті таныстырушы топқа 10 ұпай).

ІІ – кезең. “Құпия алаң” (дұрыс жауап 10,20,30 ұпай).

ІІІ - кезең. «Маржан сөз» пікір сайыс кезеңі (50, 30)

IV-кезең. “Кім жылдам?”(дұрыс жауап 5 ұпай әр сөзге).

Сайыскерлерге сәттілік тілейік!

I - кезең. «Таныстыру».

Алдарынызда А4 парақтары мен түрлі түсті маркеллер жатыр, креативті таныстырушы топқа 10 ұпай беріледі.

II - кезең. «Құпия алаң»

Тақтада көрсетілген ұяшықтардағы сұрақтарға жауап береді сұрақтың күрделілігіне қарай балл 10, 20, 30 ұпай беріледі.

III - кезең.

Бұл кезеңде екі топтан үш-үш оқушыдан 6 оқушы қатысады. Пікір сайыс тақырыбы «Компьютер және интернет пайдалы ма, әлде зиян ба?»

«Компьютердің пайдасы»  және  «Компьютердің зияны» 8 сынып

«Интернеттің пайдасы» және «Интернеттің зияны» 9 сынып

Бүгінгі біздің резолюция: «Компьютер және интернет пайдалы ма, әлде зиян ба?» деген пікірталасты сынып оқушылары талқыламақшы

Ал, ендеше пікірталасқа қатысушы екі фракцияны қарсы алайық. Қошемет!

(Екі фракция шығады.)

Пікірталас ережелері:      

Пікірталас кезінде екі фракция да

-       өз ойларын баяндаған кезде бір - бірімен мәдени сөйлесуге,

-       сұрақтарға нақты жауап қайтаруға,

-       сұрақтарға сыйластықпен жауап беруге,

-       бір-бірін ренжітпеуге,

-       қарсы фракцияның ойын кекетпеуге,

-       берілген уақыттан аспауға міндетті.

IV-кезең. “Кім жылдам?”

Берілген әріптерден информатикаға байланысты терминдер құрастыру керек. Кім қанша сөз құрастырғаны бойынша есептеледі. Әр сөзге 5 ұпай.

Жауабы: Жасырылған сөздер: Микропроцессор, тышқан, мәтін, плоттер, принтер, сөз, байт, пиксель, архив, жад, абонент, модификация, ұя, файл, терезе, монитор, модем, интернет, байт, антивирус.

V - кезең. Қорытындылау. Марапаттау.

Көп ұпай жинаған сыныптар орындармен марапатталады.

Альшеров А.Б. ___________