Жас маман есебі немесе "Ұстаздық -ұлы қызмет"

Мұғалім болу- ұлағатты іс

Мен бүгінгі таңда жас маманмын, мұғаліммін. Мен бұл мамандықты не үшін таңдадым?Таңдау себебім біріншіден бастауыш сынып оқушыларын оқытуға, әріп танытуға деген қызығушылық, екіншіден бала күнімнен өзіме тәлім мен тәрбие берген ұстаздарыма деген құрметтен басталады. Сол ұстаздарыма қарап, өзімнің кішкентай ғана шәкірттеріме әрқашан қамқор болып, білім шыңына жетелеп, оларды мектепте күтіп, күліп қарсы алатын ұстаздардың бірі болғым келді. Үшіншіден, балаларды жақсы көретінім, оларға деген сүйіспеншілігім деп айтуға болады. Сухомлинский: «Баланың рухани өміріне тереңдей қарай алмаған адам нағыз тәрбиелеуші бола алмайды» деген қанатты сөзі көкейімде жатталып қалғандай. Сондықтан да әр баланың жанын түсінуге тырысамын.

Алғашқы білім жолын бастаған Алматы қаласы Түрксіб ауданы №211 мектеп гимназиясының , маған үлкен сенім артып сыныпты тапсырған мектеп басшысы Қасымова Айжан Тойбекқызына алғысымды білдіремін. Бұл жыл-мұғалімдік жолымның бастамасы. Мектеп директоры жас мамандарға қолдау көрсетіп, бағыт-бағдар беру мақсатында әрқайсысымызға жол көрсетіп отыратын тәлімгер бекіткен болатын. Менің тәлімгерім ретінде білікті ұстаз, еңбек өтілі жоғары, үлкен еңбек жолымда көп көмегін тигізіп жүрген -Нурбекова Айжан Айдарханқызы. Тәлімгерім алдымен оқу-тәрбие үрдісіндегі нормативтік құжаттармен таныстырып және күнтізбелік жоспар мен қысқа мерзімді сабақты жоспарлау бойынша әдістемелік көмегін көрсетті. Жарты жыл көлемінде тәжірибелі мұғалімдердің сабағына қатыса отырып, көп нәрсені меңгердім. Сонымен қатар өзімнің тәлімгерім Айжан Нұрбекова Айдарханқызының өз сабақтарында қолданып жүрген қазіргі заманғы заманауи «LearningApps.org», «Quizzes» сияқты бірнеше бағдарламаларын сабақтарда қолдану жолдарымен бөлісті. EMAZE бағдарламасы өте қызықты ойын түрлерін жасауға өте тиімді. мультимедиялық онлайн презентациялар жасауға, SlidesMania бағдарламасынан ойын шаблондарын жүктеп алдым. Дайын ойындарын білім бөлімінен ойын шаблонынан «Шындық ,жалған» деген шаблонды өңдеп сабақта пайдаландым. Бағдарламаларды әрбір сабақ бойынша викториналық тест сұрақтар, мақал-мәтелдер, жұмбақтарды құрастыруда қалай қолданатынын тәлімгерім туралы көрсетіп берді. Жас мамандар бір бірімізден тәжірибе алмаса отырып, өз сабақтарымды да өткіздім. Әрине басшылықтың ұйымдастырылуымен өткізілген іс –шаралар мен шеберлік сабақтарынан үйренген әдіс тәсілдерді қоса отырып, өз сабағымды жоспарладым. Айта кететін болсам, тәлімгер ұстаз Айжан Нұрбекова Айдарханқызының білмеген жерлерімде бағыт сілтеп, мені қолдап, қанаттандырып отыратынын айтпай кетпей болмас. «Болат қайнауда шынығады» демекші, осы менің сабақтарыма қатысу кезінде біршама шынықтым десем де артық емес. Қысқа мерзімді жоспарды қалай дұрыс құру, жаңа әдіс-тәсілдерді пайдалана отырып сабақты дұрыс ұйымдастыру, оқушыларымның білім сапасын арттыру , күнделікті сыныппен ұйымдастырылатын іс-шараларды өткізу жөнінде де кеңестер алып отырдым. Сөзімді қорыта келе дұрыс жол сілтеп, бағыт-бағдар беріп, мені жетелеп, кемшілігімді түзеп, алғашқы еңбек жолымда үлгі бола білген тәлімгеріме алғысымды білдіремін. Мұғалім болу-үлкен жауапкершілікті талап ететін мамандық екенін ұмытпауымыз керек. Себебі, адамның адамгершілігін қалыптастыратын, нағыз ұлтты қалыптастыратын ол-мұғалім. Мен қызығы мен қиындығы мол мұғалімдік жолды таңдағаныма еш өкінбеймін және болашақ ұрпаққа заман талабына сай сапалы біліп беріп, тәрбиелеуге бар күшімді саламын.