Жас маманмен жылдық жұмыс есебі./1-4сынып/

Тәлімгер Кошакаева Айгуль Альмишовнаның әдістемелік көмек көрсету мақсатында атқарған жұмыстары туралы, жас маманға есебі

Жас маман: Нұрмұхан Мөлдір

Тәлімгер: Кошакаева Айгуль Альмишовнаның

  Қазіргі заманғы реформалау жағдайында ұлттық білім беру жүйесі ерекше мәнге ие болады, бұл жас педагогқа барынша қысқа мерзімде бейімделіп, жаңартылған білім мазмұнына сәйкес білім алушыларға қызмет жасау.

Жас маман Нұрмұхан Мөлдірге тәлімгері бола отырып, негізгі  мақсаттар мен міндеттерді анықтадым.

Мақсаты:

Жас мамандарды жаңартылған білім беру мазмұнында жаңа әдіс-тәсілдерді үйрену арқылы ізденімпаздыққа тәрбиелеу және өзінің тәжірибесінде оқушылардың білім сапасын арттыру, жан- жақты дамыту

Міндеттері:

* Нормативтік құжаттармен жұмыс істеуді меңгерту;

* Өз пәні бойынша жаңа технологияларды игеру;

* Алдыңғы қатарлы жаңашыл педагогикалық тәжірибелерді енгізу, қолдану, іздену арқылы оқушылардың білім сапасын арттыру;

* Озық тәжірибелі ұстаздардың сабақтарына қатысу;

* Өз білімін көтеріп, толықтырып отыру;

* Шығармашылық жұмысты дамыту, әр жас маман өзінің лабораториясын жинақтау, озат педагогикалық тәжірибені анықтау, оқып үйрену, тарату және ұйым арасында тәжірибе алмасуды қалыптастыру;

* Курстар, семинарлар, тренингтер, дөңгелек үстел арқылы жас мамандардың кәсіби білімін, шеберлігін жетілдіру;

* Оқу- тәрбие жүйесінде шығармашылық ізденістер мен зерттеу жұмыстарына жағдай жасау.

Жұмыс формалары:

-жеке, ұжымдық, кеңес беру;

- сабақтарға қатысу;

- мастер-кластар, семинарлар, ашық

сабақтар;

- теориялық баяндамалар, жоба қорғау;

- тәлімгерлік;

- сауалнама;

Біздің жұмысымызды  үш кезеңнен құрдық:

1ші кезең – бейімделу.

Тәлімгер өз мақсат,міндеттерін айқындайды ;

2-ші кезең – негізгі.

Тәлімгер жас маманға арналған жоспарын әзірлейді және оны іске асыруға, өзін-өзі жетілдіруге көмектеседі.

3-кезең – бақылау-бағалау.

Тәлімгер оның дайындығын тексереді және жас педагогтың дәрежесін анықтайды, өзінің функционалдық міндеттерін орындайды.

Жас маманмен бастаған жұмыс түрі әңгімелесу, педагог көрсеткен қиындықтар, проблемаларды бірлесіп шешу.

Тәлімгерлік – бұл тұрақты диалог, тұлғааралық қарым-қатынас, демек, ұстаз, ең алдымен шыдамды  және мақсатқа ұмтылған болуға тиіс. Өз жұмысында жас педагог қолдануға тиіс неғұрлым тиімді өзара іс-қимыл түрлері: іскерлік және рөлдік ойындар, "шағын топтармен жұмыс", жағдайларды талдау, тілді дамытатын, жеке көшбасшылық қабілетін, шешім қабылдай білу, дәлелді тұжырымдау білу.

Жүргізілген кеңестер мен әңгімелер перспективалық, күнтізбелік-тақырыптық жоспарлау. Сабақ өткізуге көмек көрсетілді, күнтізбелік – тақырыптық және сабақ жоспарлары, әзірлеу және қолдану, дидактикалық материалдарды сабақта қолдану үшін екені анықталды.

 Оқу процесінің ішінде Мөлдір сондай-ақ кез келген басқа оқытушының сабағына кіріп,тәжірибе алмасып, үйрену үшін сабаққа қатысып отырды.

- оқу – танымдық атмосфера жасау;

- пайдаланылатын оқыту әдістері;

- оқушылардың сабақта жұмыс істеуі;

- сабақтың тәрбиелік жағы;

- мұғалім мен оқушылардың қарым -қатынасын жетілдірді;

Мөлдір сыныппен тығыз байланыста болып , ата-аналармен ынтымақтаса біледі,сыныппен тәрбие сағаттарын және ашық сабақтар жүргізеді.

Жыл бойынша жас маманмен жүргізілген жұмыстан қорытынды жасауға болады: мұғалім қазірдің өзінде жаңаша әдіс-тәсілдерді,АКТ-ы жақсы меңгерген,сабақ жоспары мен күнтізбелікті жасауды біледі.

2016-2017, 2017-2018 оқу жылында Нұрмұхан Мөлдір аудандық "Жас мамандар" сайысына қатысып, өзінің қабілетін шыңдай жүріп, аудандық мақтау қағазымен марапатталды. Биыл ЖОО тәмамдайды.

Бейімделу кезеңінде жас маманның жұмысы сәтті өтті. Жас маманға мектеп әкімшілігі мен педагог-тәлімгердің теориялық білімді жүзеге асыру сұрақтарында, кәсіби шеберлігін арттыруда көмек көрсетілді.

Келесі оқу жылына қойылатын міндеттер:

• Жаңартылған білім мазмұны бойынша курстан өту;

.Тәжірибелі ұстаздардың сабағына қатысу;