Жас полиглот 3 сынып

Тақырыбы: «Жас полиглот»

Мақсаты: Оқушылардың тілдік білімдерін тексеру, алған білімдерін тиянақтау, берілген тапсырмаларды орындап, нәтижесін алу. Логикалық ойлау қабілеттерін дамыту.Танымдық қызығушылығын, белсенділігін арттыру.

Көрнекілігі: интерактивті тақта, слайд

Барысы:

Саламатсыздар ма, құрметті ұстаздар, әділ - қазылар, оқушылар! Сіздермен бірлесе отырып «Жас полиглот» атты сайысымызды бастауға рұқсат етіңіздер. Сайысымыздың әділ - қазылар алқасымен таныстырып өтейін. Әр жауапқа 5 ұпай беріледі. Ойынға 3-сыныптардан 1 оқушыдан қатысады. Бүгінгі сайысымыз 4 бөлімнен тұрады.

1- ші бөлім– «Таныстыру»

2- ші бөлім – «Сөйлем құрау»

3 -ші бөлім – «Жұмбақ шешу»

4 -ші бөлім – «Мағынасы қарама-қарсы сөздерді табу»

Сайысымызды бастамас бұрын экранға назар аударсақ.

Алдағы біз баратын бағыт анық,

Озат жан екеніңді тағы таныт,

Тіл әлеміне аяқ басып,

Үш тілде біз жарысалық.

Қатысушылар өздерін таныстырсын.

2-бөлім «Сөйлем құрау» экранда көрсетілген сурет бойынша сөйлем құрап айту керек.

3- бөлімде жұмбақтың шешуін 3 тілде айту керек.

4- бөлімде әр қатысушы алдындағы сөздер арасынан мағынасы қарама-қарсы сөздерді тауып ретпен қою керек.

Қорытындылау.

Осымен сайысымыз аяқталды. Сөз кезегін әділ - қазылар алқасына береміз.

Бүгінгі сайысымыз өз мәресіне жетті. Көріп тамашалағандарыңызға көп рақмет!