Жас тілшілер форумы

Бала шақтан-болашаққа

Иә, мен 10-шы сынып оқушысы, әрі қара шаңырақ ҚазҰУ-ға түскісі келетін жас талапкермін. Мақсатыма жетуге сәл ғана мотивация жетпей жүргенде, “Жас тілшілер форумын” байқадым. Иә,мүмкін бұл маған берілген мүмкіндік шығар деп, бел буып конкурс аяқталуға 1-ақ күн қалғанда, 40 минутта дайындалып, “Кино мен музыканың жастар өміріндегі рөлі”деген тақырыпта 3 минуттық аудио подкаст жасадым. 

Шыны керек, аяқ асты дайындалған дүнием әлі шикі,дұрыс өңделмеген өнім деп ойлап, орын алмаймын-ау деген сенімсіздіктер пайда болды. Дегенмен, менің ең басты мақсатым, қара шаңырақ ҚазҰУ ды, өзіммен қатарлас талапкерлерді көру болды. Дәл солай 27.03.2025 жылы ҚазҰу өткен жас тілшілер форумына келдім. Форум бастан аяқ жоғарғы деңгейде өтті. Көптеген журналистика факультетінің студенттерін көріп,өзіме үлкен мотивация,әртүрлі әсерлер алдым. Студенттердің менен 3-4 жасқа ғана үлкен болса да, өте тәжірибелі әрі өздеріне сенімді, нық сөйлей алатынын байқадым. Сонымен қатар,олар әр қонақ болып келген талапкерге жылы лебіздерін білдіріп, болашақта ҚазҰУ университетіне түсуге өз кеңестерімен бөлісті.

Сын сағат туып, “үздік аудио подкаст”номинациясына кезек беріліп, 2-ші орын иеленген кезде, өз-өзіме сенбедім. Себебі, қаншама талапкердің ішінен суырылып,осындай нәтежиеге жету мен үшін үлкеееен жетістік болды. Сонымен қатар, тек 2-ші орын ғана емес, “Space english” білім беру орталығының 1 жылдық VIP сертификатын қанжығаладым. Бұның бәрі мен үшін , менің мақсаттарыма жету жолымдағы баспалдақтар болып қаланды.

Осы 1 ғана форум менің бойымда өзіме деген сенімімді арттырып, ары қарай қадам басуға ынталандырды. Сол себептен алдағы 2026 жылы тағы да өзімнің бағымды сынап , 1-ші орын иегері атануға еңбектенетін боламын.