«Жас Ұлан», «Жас Қыран» қатарына қабылдау салтанатты жиынының сценарийі

«Ә.Махутов атындағы мектеп-балабақша кешені» КММ

16 желтоқсан Тәуелсіздік күні мерекесіне орай «Тәуелсіздік ұландары» атты мектеп оқушыларын «Жас Ұлан», «Жас Қыран» қатарына қабылдау салтанатты жиынының сценарийі

Желтоқсан, 2017 ж

16 желтоқсан Тәуелсіздік күні мерекесіне орай «Тәуелсіздік ұландары» атты мектеп оқушыларын «Жас Ұлан», «Жас Қыран» қатарына қабылдау салтанатты жиынының сценарийі

Өтетін уақыты: 15 – желтоқсан 2017 ж. Сағат 16 : 00

Өтетін орны: «Ә.Махутов атындағы мектеп-балабақша кешені» КММ

Шақырылатын қонақтар: Ұстаздар және мектеп оқушылары

І жүргізуші:

Қайырлы кун ұстаздар мен оқушылар! Республикалық біріңғай «Жас Ұлан» балалар мен жасөспірімдер ұйымы қатарына ұлдар мен қыздарды қабылдау салтанатты жиынына қош келдіңіздер!

ІІ жүргізуші:

Бүгінде Қазақстан Тәуелсіздігіне 26 жыл толса, Біріңғай «Жас Ұлан, «Жас Қыран» балалар мен жасөспірімдер ұйымына 6 жыл толып отыр.

І жүргізуші:

Жас азаматтарды еліміздің нағаз патриоттары, өзгерістерден қаймықпайтын, еңбекқұмар, білімге құштар, өзін-өзі жетілдіруге үнемі ұмтылатын, өршіл, қайсар етіп тәрбиелеуді, дәстүрімізді,ұлттық және жалпы адамзаттық құндылықтарымызды қастерлейтін рухани дүниесі кең тұлғаны қалыптастыруды көздейтін Біріңғай « Жас Ұлан, «Жас Қыран» балалар мен жасөспірімдер ұйымы Республикалық Қоғамдық бірлестігінің қатарына мектеп оқушыларын қабылдау рәсіміне арналған салтанатты жиынымызды жалғастырамыз.

ІІ жүргізуші:

Мен қазақпын, ұланымын елімнің,

Мен қазақпын,тірегімнің жерімнің

Ұланымның туын көкке көтерген,

Ертеңімін Егеменді елімнің

І жүргізуші:

Түсініп терең, өмірдің мәнін,

Жалынды жастар,сендерсің сәнім

Беретін бойға күш-қуат, жігер

Шырқалсын шаттық әнұран әнім!

Ұланбасы:

• Жас Ұлан! Түзел! Тік тұр! Қазақстан Республикасының мемлекеттік Әнұраны астында «Жас Ұлан» ұйымының туы кіргізілсін!

• «Жас Ұлан» балалар мен жасөспірімдер ұйымы 16 желтоқсан Тәуелсіздік күні мерекесіне орай «Тәуелсіздік ұландары» атты мектеп оқушыларын «Жас Ұлан», «Жас Қыран» қатарына қабылдау салтанатты жиынын ашық деп жариялайды.

Ұланбасы: «Жас Ұлан» ұйымының мүшелері қатар түзеп тік тұрыңдар!

Ұланбасы /тәлімгерге келіп/:

• Жолдас, аға тәлімгер, «Жас ұлан» балалар мен жасөспірімдер ұйымы 16 желтоқсан Тәуелсіздік күні мерекесіне арналған «Тәуелсіздік ұландары» атты салтанатты жиынға дайын.

Тәлімгер:

• Рапорт қабылданды!

Ұланбасы:

• Бірлестік, еркін тұрыңдар!

ІІ жүргізуші:Алғашқы құттықтау сөз мектеп директорының міндетін атқарушы Жұмағазина Маржан Бектұрғанқызына беріледі.

Хор: «Желтоқсан тағылымы»

Орындайтын: 6-сынып

І жүргізуші:Ендеше, тәуелсіздік күніне арнайы орайластырылған оқушыларды «Жас Ұлан» ұйымының қатарына қабылдау рәсіміне көше отыра, алдымен ұйымның мақсат, міндет, ережелерімен таныстыруға рұқсат етіңіздер.

ІІ жүргізуші:

Жасұлан –жігерлі де жайдарлы ұйым

Төл мерекең жыл сайын тойланды ұйым!

Жаңғырып, жанданатын жылдан-жылға

Жасұлан –жалынды ұйым, айбарлы ұйым.

І жүргізуші:

Сонымен, «Жас Ұлан» ұйымы оқушыларының әр бір мүшесі қандай болуы керек екендігін айта кетейік.

11-сынып оқушысы Батырхан Гүлдана: Қоғамдық өмірде, тұрмыста, қазақ ұлттық болмыста, халықтық келбетпен қалыпты сақтай отырып, ата-анасын шынайы сыйлап, олардың өнегелі қасиеттерін бойға сіңіріп, өсиеттерін орындауды перзенттік парыз деп түсінеді. Туған елін шексіз сүйеді.

9-сынып оқушысы Әділбекқызы Шаттық:  Қазақстан Республикасының туының түсіндей галстук тағу керек және Республикамыздың мемлекеттік нышандарын құрметтеп, мемлекеттік әнұранды жатқа айту қажет.

9-сынып оқушысы Маратқызы Еменай: Шет елдердің мемлекеттік нышандары, адамдардың немесе басқа да суреттер салынған, атаулар жазылған, киімдерді киюмен, заттарды пайдаланумен әуестенбейді.

9-сынып оқушысы Алиева Мадина: Өзін тұрмыста, қоғамдық өмірде сыпайы, қарапайым мінезде ұстайды.

8-сынып оқушысы Алиева Аружан: Қазақ тілін еркін меңгеріп елдің тарихын, мәдениетін, әдебиетін, өнерін, салт-дәстүрін жақсы білу, дамыта түсу сақтау үшін ынталы еңбектенетін болады.

11-сынып оқушысы Жақан Сырқан: Жасұлан ұйымының мүшесі - Отанына адал. Жасұлан ұйымының мүшесі - Отанының адал азаматтары.

8-сынып оқушысы Аралбаева Регина: Жасұлан ұйымының мүшесі - Отанының тәуелсіздігі мен бостандығы үшін күресуші.

8-сынып оқушысы Тұрарбек Назерке: Жасұлан ұйымының мүшесі - батырларымыздың атын құрметтеп, оның мәңгі қорғаушысы болуға дайындалады.

9-сынып оқушысы Жұбанғалиев Дәулет: Жасұлан ұйымының мүшесі - оқуда, еңбекте және спортта өжет те қайсар.

8-сынып оқушысы Сәдірқызы Феруза: Жасұлан ұйымының мүшесі - шыншыл, адал жолдас, әрқашан да шыншылдық үшін күресуге дайын болуы керек (оқушылар кол шапалақтап, қошемет көрсетеді).

І жүргізуші:

 ӘН: «Жаса Қазақстан»

Орындайтын: 11-сынып оқушысы Дөңес Нұрдәулет

ІI жүргізуші:

Білімді –көкіректе нұр деп түсін

Жігерлі, жалынды отты жыр деп түсін.

Аталған мақсат, талап, ережені,

Орындауға бәріңде міндеттісің!

І жүргізуші:

 Жас Ұлан» ұйымының негізгі мақсаты – оқушылардың қоғамдық, әлеуметтік, танымдық және шығармашылық қабілеттерін дамыту. Ал міндеттері - әлеуметтік тәжірибені байыту және дамыту, мектептегі тәрбиелік әлеуетін жүзеге асыру болып табылады.

ІІ жүргізуші: Бүгінгі жиынның ең жауапты сәті, ант тапсыру рәсімін «Жас Ұлан», «Жас Қыран» ұйымы қатарына қабылданушы оқушыларға береміз.

Ұланбасы: 2^а-сыныбының топбасшысы мәлімдемеге!

(2^а-сыныбының топбасшысы мәлімдеме тапсырады)

2^ә-сыныбының топбасшысы мәлімдемеге!

(2^ә-сыныбының топбасшысы мәлімдеме тапсырады)

5-сынып топбасшысы мәлімдемеге!

(5-сыныптың топбасшысы мәлімдеме тапсырады)

Анттың мәтіні:

Мен, ____________________,  Республикалық бірыңғай «Жас Ұлан» балалар мен жасөспірімдер ұйымының қатарына кіре отырып:

Өз Отаным – Қазақстан Республикасының патриоты болуға;

Мемлекеттік рәміздерді құрметтеуге, дәріптеуге;

Туған елім, жерім, Отанымды мақтаныш етуге;

Ата-анамды қадірлеуге;

Үлкенге құрмет, кішіге ізет көрсетуге;

Білімге табандылықпен ұмтылуға;

Салауатты өмір салтын ұстануға;

Табиғатты аялауға;

«Жас Ұлан» Ережесін бұлжытпай сақтауға және оны өз достарымнан талап етуге ант етемін. АНТ ЕТЕМІН, АНТ ЕТЕМІН, АНТ ЕТЕМІН!

І жүргізуші:

Құттықтау сөз Абдуллаев Нұрсұлтан ағай, Туралиева Ардақ апай, Кадырова Нұрсұлу апайларымызға беріледі.

І жүргізуші: Құрметті  мектеп әкімшілігі және ұстаздар! Сіздерді «Жас Ұлан», «Жас Қыран» ұйымына қабылданған оқушыларға туымыз түстес көгілдір галстук тағу рәсіміне шақырамыз.

Көркемсөз

Оқитын 11-сынып оқушысы Жақан Сырқан

ІІ жүргізуші: Құрметті, оқушылар «Жас Ұлан» ұйымына қабылдануларыңызбен құттықтаймыз! Егеменді еліміздің еңселі азаматтары болуларыңызға тілектеспіз.

(ҚР әнұраны орындалады)

Мектеп! Тік тұр! «Жас Ұлан» ұйымының туы шығарылуға дайын.

І жүргізуші:

Ризамын деп осындай жастық шаққа,

Не жетер «Жас Ұлан» деген лайық атқа.

Келеміз егеменді ел төріне өрлеп,

Ашылып алдымыздан алтын қақпа.

 ІІ жүргізуші:

 “Жас Ұлан” – Қазақстанды сүйеді

 “Жас Ұлан” – мектепте үздік оқиды

 “Жас Ұлан ” – үлкендерді құрметтейді

 “Жас Ұлан ” – тек шындықты айтады

 “Жас Ұлан ” – спортпен еңбекті ұнатады

 “Жас Ұлан ” – болашақ “Жас Отан”

 І жүргізуші: Республикалық бірыңғай «Жас Ұлан» балалар мен жасөспірімдер ұйымы қатарына салтанатты қабылдау рәсімі өз мәресіне жетті, салтанатты жиынымызды жабық деп жариялаймыз.