ЖАСӨСПІРІМ ЖӘНЕ ЗАҢ: ЖАУАПКЕРШІЛІККЕ ЖОЛ
(Құқық қорғау қызметкерімен кездесу)

Кіріспе бөлімі

Жүргізуші:
– Құрметті ұстаздар, құрметті қонақтар және оқушылар! Бүгін біз «Жасөспірім және заң: жауапкершілікке жол» тақырыбындағы танымдық кеште бас қосып отырмыз. Бұл кездесу оқушыларымыздың құқықтық сауаттылығын арттырып, өз іс-әрекетімізге жауапкершілікпен қарауға көмектеседі деп ойлаймын.
Бүгінгі кешке арнайы келіп отырған қадірлі қонағымызды таныстырып өтейін, құқық қорғау саласының қызметкері __________________________________________________.Қош келдіңіз!

«Заңды білу – өзіңді қорғаудың ең дұрыс жолы»деп айтып жатады,жалпы бүгінгі тақырыпқа байланысты жасөспірімдердің құқықтары мен міндеттері, құқық бұзушылықтың алдын алу мәселелері туралы айтып өтсеңіз.

Танымдық бейнеролик

«Жасөспірімдер арасындағы құқық бұзушылық» тақырыбында қысқа бейне көрсетіледі.

Сұрақ-жауап «Құқықтық шағын викторина»

Жүргізуші оқушыларға сұрақтар қояды.

Сұрақтар үлгісі:

1. Жасөспірім қай жастан бастап қылмыстық жауапкершілікке тартылады?

2. Әкімшілік жауапкершілік деген не?

3. Сабақтан себепсіз қалу құқық бұзушылыққа жата ма?

4. Интернеттегі қорлау, кемсіту жазалары бар ма?

Оқушылар жауап береді.
Құқық қорғау қызметкері жауаптарды толықтырады.

«Менің құқығым – менің міндетім» интерактиві

Тақтада бір бағанда құқық, бір бағанда міндет деп жазылған. Әр оқушы мысал келтіреді.

Мысалы:

• Білім алу құқығы → Сабаққа жауапкершілікпен қатысу міндеті

• Демалыс құқығы → Басқаның тыныштығын бұзбау міндеті

• Еркін пікір айту құқығы → Басқаны сыйлау міндеті

Құқық қорғау қызметкері жауаптарды толықтырады.

7. Қонақпен ашық сұхбат

Жүргізуші:
– Енді кезекті оқушыларға береміз. Құқық қорғау қызметкеріне сұрақтарыңыз болса, қоя аласыздар.

Оқушылар сұрақ қояды:
«Егер оқушы интернетте бейтаныс адамнан қорқыту хабарламасын алса не істеу керек?»
«Түнде көшеде жүруге рұқсат етілетін уақыт қандай?»
«Жасөспірімнің ата-анасының жауапкершілігі қандай?» және т.б.

Қызметкер сұрақтарға жауап береді.

Қорытынды бөлім

Жүргізуші:
– Бүгінгі кездесу бізге заңды білудің, тәртіп сақтаудың, өз әрекетімізге жауапкершілікпен қараудың қаншалықты маңызды екенін көрсетті.
– Құрметті қонағымызға алғыс айтамыз!

Құқық қорғау қызметкері:
– Заңды білу – өз болашағыңды қорғау. Ешқашан асығыс шешім қабылдап, өз өміріңе зиян келтіретін әрекет жасамаңыздар.

Рефлексия

Жүргізуші:
– «Бүгін мен білдім…» немесе «Бүгін мен түсіндім…» деген сөйлемді толықтырып, айтып өтсеңіздер.

Қорытынды сөз

Жүргізуші:
– Осымен біздің танымдық кешіміз аяқталды. Барлығыңызға белсенді қатысқандарыңыз үшін рақмет! Заңды білу – қауіпсіз өмірдің кепілі екенін есте сақтайық.