Жасөспірімдер мінезінің өзгеруі: жаңа дәуір балалары қандай?

Қазіргі жасөспірімдер бұрынғы буын өкілдерінен едәуір ерекшеленеді. Олар – цифрлық технологияның ортасында дүниеге келген, ақпаратты тез қабылдап, өз ойын ашық жеткізетін, жаңа көзқараспен қалыптасып келе жатқан ұрпақ. Қоғамдағы, отбасындағы және мектептегі өзгерістер олардың мінез-құлқына тікелей әсер етіп отыр. Ендеше, жаңа дәуір балалары қандай және олардың мінезіндегі өзгерістер нені білдіреді?

Қазіргі жасөспірімдер жүзбе-жүз сөйлесуден гөрі, мессенджерлер мен әлеуметтік желілер арқылы байланыс орнатуды қалайды. Бұл – оларға ыңғайлы, тез әрі қауіпсіз. Алайда мұның салдарынан кейбір жастар шынайы өмірде қарым-қатынас жасауда қиналады, эмоциясын білдіруде әлсіздік байқатады. Бүгінгі жасөспірімдер өз ой-пікірін ашық білдіреді. Олар үлкендерге сұрақ қоюдан қорықпайды, өз көзқарасын қорғауға тырысады. Бұл – демократиялық қоғамдағы тәрбиенің жемісі. Дегенмен кейде бұл әрекеттер ересектерге «тәртіпсіздік» сияқты көрінуі мүмкін. Ақпараттың көптігі, әлеуметтік қысым, өз-өзін өзгелермен салыстыру – жасөспірімдердің психологиялық күйіне әсер етеді. Әлеуметтік желілерде “идеалды өмір” бейнесін көру оларды өзін төмен бағалауға, күйзеліске түсуге итермелеуі мүмкін. Көптеген жасөспірімдер дәстүрлі оқудан гөрі, онлайн платформа мен қысқа видеолар арқылы білім алуды құп көреді. Олар стандартты жүйеге бағынудан гөрі, шығармашылық пен практикалық жолдарды қалайды.Жаңа буын – белсенді. Экология, құқық, теңдік, әділеттілік сияқты тақырыптарға бей-жай қарамайды. Олар петиция ұйымдастырып, пікір білдіріп, кейде өз қоғамдастығында өзгеріс жасауға ұмтылады.

Жасөспірімдердің мінез-құлқындағы өзгерістер – қоғам мен уақыт талабына сай қалыптасқан заңды құбылыс. Бұл өзгерістерден қорықпай, керісінше оларды түсініп, дұрыс бағытқа бағыттау – ата-ана мен мұғалімнің, жалпы қоғамның басты міндеті. Себебі жаңа дәуір балалары – болашақтың негізін қалайтын тұлғалар.