Жасөспірімдер орталығында қолөнер үйірмесінің тұлғалық даму мен әлеуметтік бейімделуге ықпалы»

Қазіргі таңда жасөспірімдердің тұлғалық дамуы мен әлеуметтік бейімделуі білім беру мен тәрбиенің маңызды бағыттарының бірі болып табылады. Жасөспірімдік кезең – жеке тұлғаның қалыптасуындағы күрделі әрі жауапты кезең. Бұл уақытта баланың мінез-құлқы, өзін-өзі бағалауы, қоғаммен қарым-қатынасы, қызығушылықтары мен құндылықтары қалыптасады. Осы кезеңде жасөспірімдерге қолайлы, қауіпсіз әрі дамытушы орта ұсыну – педагогтердің негізгі міндеттерінің бірі. Жасөспірімдер орталықтарында ұйымдастырылатын қолөнер үйірмелері балалардың бос уақытын тиімді ұйымдастырумен қатар, олардың шығармашылық қабілеттерін дамытуға, еңбекке баулуға және әлеуметтік ортаға бейімделуіне мүмкіндік береді. Қолөнер – тек белгілі бір бұйым жасаумен шектелмейтін, баланың ішкі жан дүниесін ашуға, эмоциялық күйін тұрақтандыруға, өз мүмкіндіктерін сезінуге көмектесетін маңызды құрал. Қолмен жасалатын шығармашылық жұмыс барысында жасөспірімдер шыдамдылыққа, ұқыптылыққа, жауапкершілікке және бастаған ісін аяқтауға үйренеді