Мерекелік салтанатты әуен орындалып, ортаға 2 жүргізуші шығады.

І жүргізуші:

Бүгін Қазақстан Республикасының Тәулсіздік күніне арналған , жас азамматтарды еліміздің нағыз патриоттары, өзгерістерден қаймықпайтын, еңбекқұмар, білімге құштар, өзін-өзі жетілдіруге үнемі ұмтылатын, өршіл, қайсар, етіп тәрбиелеуді, дәстүрімізді, ұлттық және жалпы адамзаттық құндылықтарымызды қастерлейтін рухани дүниесі кең тұлғаны қалыптастыруды көздейтін «Бірыңғай «Жас Ұлан» балалар мен жасөспірімдер ұйымы» Республикалық Қоғамдық Бірлестігінің қатарына мектеп оқушыларын қабылдау рәсімін бастауға рұқсат етініздер !

2-жүргізушісі: Болашаққа жол бастайды Жас Ұлан!

Жарқылдайды жасындайын Ер Ұлан!

Ізгілікті,парасатты ұл елдің

Үміт артқан арда ұрпағы Жас Ұлан!

1-жүргізуші: Парызымыз- Ұлы Отанға адалдық,

Бойымызда ізгі ниет,балалық,

Бар балаға үлгі- өнеге, боламыз,

Біз- Жас Ұлан адалдықтан жаралдық!

2 жүргізуші:

Құрметті Жас Ұландықтар! Бүгінгідей салтанатты ерекше күні сіздер үшін тарихтың ақ парағы ашылмақ! Өздерінің білімімен, өнерімен, қабілетімен көзге түскен бір топ оқушыларымыздың ұландар қатарына қабылдау үшін салтанатты түрде ортаға шақырамыз.

( оқушылармен бірге барабан ұстаушылар шығады).

І жүргізуші:

Құрметті жас ұландықтар! Егеменді еліміздің көк байрағын биікке көтеріп, тәуелсіздік туын әлемге танытатын ұлағатты ұландар болатыңдарына сенім мол!

І жүргізуші:

Жас Ұлан ұйымының мүшесі -шыншыл,адал жолдас, әрқашан да шыңшылдық үшін куресуге дайын болу керек.

ІІ жүргізуші:

Білімді- көкіректе нұр деп түсін

Жігерлі, жалынды отты жыр деп түсін.

Аталған мақсат, талап, ережені,

Орындауға бәрінде міндеттісің!

І жүргізуші:

Топ басшылары бүгінгі Республикалық бірыңғай «Жас Ұлан» балалар мен жасөспірімдер ұйымына қабылдау салтанатты жиынына дайындықтары туралы рапорт тапсыруға дайындал.

Ұланбасы:

-Құрметті Жас Ұландықтар!

Салтанатты қабылдауға дайындықтары туралы рапорт тапсырылсын!

Әділханов Әділжан

-Құрметті   «Жас ұлан» ұйымының ұланбасы Аудан Марат

І.Жансүгіров атындағы орта мектебінің 2 және 5 сынып оқушылары бүгінгі «Жас қыран», «Жас ұлан» балалар мен жасөспірімдер ұйымына қабылдау  жиынына дайын. Рапорт  тапсырушы    Әділханов Әділжан

Ұланбасы:

-Рапорт қабылданды.

Жас Ұлан! Түзеліңдер!Тік тұрыңдар!

ІІ жүргізуші:

Бүгінгі жиынның ең жауапты сәті, ант тапсыру рәсімін «Жас Ұлан» ұйымы қатарына қабылданушы оқушыларға береміз

«мен. Ант .»

І жүргізуші:

Құрметті қонақтар және оқушылар, сіздерді «Жас Ұлан» ұймына қабылданған оқушыларға туымыз түстес көгілдір галстук тағу рәсіміне шақырамыз.

(галстук тағу рәсімі)

ІІ жүргізуші: Жасұлан ұйымының Гимні орындалсын!

І жүргізуші:

Құрметті, оқушылар «Жас Ұлан» ұйымына қабылдануларыңызбен құттықтаймыз! Егеменді еліміздің еңселі азамматтары болуларыңызға тілектеспіз. Жасұлан ұйымының туы шығарылсын!

ІІ жүргізуші:

Ризамын деп осындай жастық шаққа,

Не жетер «Жас Ұлан» деген лайық атқа.

Келеміз егеменді ел төріне өрлеп,

Ашылып алдымыздан алтын қақпа.дей отырып жасұлан ұйымына қабылдау рәсімін жабык деп жариялаймыз.