«Жасыл әлемге қадам»

Қазіргі таңда адамзат алдында тұрған маңызды мәселелердің бірі – қоршаған ортаны қорғау және табиғи ресурстарды тиімді пайдалану. Ғылыми-техникалық прогрестің қарқынды дамуы, өндіріс орындарының көбеюі, табиғи ресурстардың шамадан тыс пайдаланылуы қоршаған ортаға кері әсерін тигізуде. Осындай жағдайда табиғатты қорғау, экологиялық мәдениетті қалыптастыру және жас ұрпаққа экологиялық тәрбие беру мәселелері ерекше маңызға ие болып отыр. Экологиялық тәрбие – тұлғаның табиғатқа деген дұрыс көзқарасын қалыптастыруға бағытталған үздіксіз үдеріс. Бұл үдеріс баланың туған жерге, қоршаған ортаға, өсімдіктер мен жануарлар әлеміне деген сүйіспеншілігін арттырып, табиғат байлықтарын қадірлеуге тәрбиелейді. Сондықтан экологиялық білім мен тәрбие беру жұмыстары мектепке дейінгі кезеңнен басталуы қажет. Мектепке дейінгі жас – баланың қоршаған ортаны танып-білуге деген қызығушылығы ерекше дамитын кезең. Осы уақытта бала табиғаттағы өзгерістерді бақылап, айналасындағы құбылыстар туралы алғашқы түсінікт