жатыс септік алматыкітап

Оқу ісінің меңгерушісі: Мерғалиева Н.Х

Мұғалім: Сағындықова А.Ж Күні: 16.01.2019ж

Қазақ тілі 4 «Б»

Тақырыбы:  Жатыс септік

 Мақсаты:

•         Білімділік:  жатыс септігі жайлы мағлұмат бере отырып, жатыс септігінің жалғаулары дыбыс үндестігі, буын үндестігіне  қарай әркелкі жалғанатынын түсіндіру.

•         Дамытушылық : сөйлем ішінен ілік, барыс, табыс, жатыс септіктегі сөздерді сөз құрамына талдатып, оларды өздері байланысатын сөздерімен теріп жазу арқылы олардың  жалғауларын ажырата білу дағдыларын қалыптастыру.

•         Тәрбиелік :сабақ барысында мейірімділік, инабаттылық  туралы түсінік бере отырып, адамгершілікке тәрбиелеу

Сабақтың барысы:

Ұйымдастыру кезеңі

Психологиялық дайындық

Қазақ тілі – өз тілім, ана тілім.

Абай, Мұхтар сөйлеген дана тілім.

Қастерлейді ұл-қызың мәңгі сені,

Болашағым, бақытым, дара тілім.

II. Үй тапсырмасын тексеру

 III. Қызығушылықты ояту

                     Айгүлге             Айгүл               Айгүлде

                     Айгүлдің                                    Айгүлді  

   IV.Жаңа сабақ

 Жатыс  септіктің  сұрақтары:

    кімде? неде? кімдерде? нелерде?

Жатыс  септіктің  жалғаулары: 

             -да, -де, -та, -те.

                    Дәптермен жұмыс.

        1-жаттығу. Сөйлемдерді көшіріп жаз. Қарамен жазылған сөздердің түбірі мен қосымшасын тап. Ол сөздерге сұрақ қой.

      Естігенді ойда сақтай білу – жақсы қасиет.Әли мен Гүлнұр бір мектепте оқиды.Назымның әкесізауытта жұмыс істейді.Қайраттың ағасы күресте жеңіске жетті. Әрбір оқушы ережеде көрсетілген талаптарды орындауға міндетті.  

                   Оқулықпен жұмыс

            2-жаттығу. Мәтінді оқы. Жатыс септіктің сұрақтарына жауап беретін сөздерді тап.

Құсбегі – ең бірінші қыран құсты танып, таңдай білетін адам.  Сайын далада саят құрған құсбегініңбойында сергектік пен серілік, ептілік пен ерлік астасып жатады.

Аппақ қар жамылған далада қызыл түлкі зытып барады.  Құсбегі томағасын сыпырған қыран қайқаң қағып биікке шығып алды. Содан кейін қар бетіндегі қызыл түлкіге қарай құйғыта жөнелді.

Міне, бұл – құсбегінің қыранын қансонарда  алып шығып, алғашқы аң аулауы, яғни құс салуы.

                               Сергіту сәті

                             Тербеледі ағаштар,

                            Алдымнан жел еседі.

                            Кіп-кішкентай ағаштар,

                           Үп-үлкен болып өседі.

                      Тақтамен жұмыс.

3-жаттығу. Жатыс септігіндегі сөз тіркестерін тауып, сөйлем құрастырып жаз.

  4-жаттығу. Өлеңді мәнерлеп оқы. Барыс, табыс, жатыс септіктеріндегі сөздерді теріп жаз.

                             Бірде қырға шабады,                                            

                             Бірде тауға барады.

                             Ағам дамыл таппайды,

                             Қашан демін алады.

                             Түн демейді түнді де,

                            Күн демейді күнді де.

                            Шаршадым деп айтпайды

                           Шопыр ағам білдің бе?

 V .Қорытынды

5-жаттығу. Көп нүктенің орнына тиісті септік жалғауларын қойып, әр сөзбен байланыстырып жаз.

                       көшесі                                                   жүзді

                       барды                                                     ішті

  Астана...      көрді                                         Су...      түсті

                       болды                                                      беті

  VI. Үйге тапсырма. 6-жаттығу. 12-бет

Сурет бойынша сөйлемдер құрастыр. Жатыс септігінің

        жалғауы жалғанған сөздерді тап.

  VII. Бағалау. 

        Оқушыларға баға қою.