«Жаз жайлауда» ойын іс-әрекеті

Мақсаты: Балалардың жас ерекшеліктерін ескере отырып, ұлттық құндылықтарды балалардың бойына сіңіре отырып логикалық тапсырмалар беру арқылы, балалардың логикалық ойлау қабілеттерін дамыту, шығармашылық және танымдық қабілеттерін арттыру, Логикалық ойындарды үйрету. Ұжымдық жұмыс жасауға баулу, достық қарым –қатынас орнату.

Негізгі бөлім:

Балалар қазір бізде қай мезгіл? (Қыс мезгілі)

Қыс мезгілінен кейін қандай мезгілдер болады? (Көктем ,Жаз)

Балалалар ал сенедер жаз мезгілін жақсы көресіңдерме? (Жақсы көреміз)

Жазда не істейміз? ( Далада ойнаймыз, суға шомыламыз, күн ыстық болады)

Жарайсыңдар сендер жазды сағынған екенсіңдер, олай болса көзді жұмып жазда не болатынынын еске түсірейік (музыка арқылы бұлақтың, құстардың дыбысы шығады)Балалар қараңдаршы қандай керемет жайлау. Балалар жайлауда не болатынын білесіңдерме? (Қой, ешкі, жылқы, сиыр жайылып жүреді және киіз үй болады.)

Дұрыс айтасыңдар әрине киіз үй болады айналасында төрт түлік мал жайылады. Балалар мұнда киіз үйдің бөліктері тұр екен қане олай болса жайлауға киіз үй тігейік.

Балалар киіз үй қандай бөліктерден тұрады?( Кереге, уық, шаңырақ, сықырлауық (есік))

1. Ойын: « Киіз үйді құрастыр» ойыны

Балалар сендер білесіңдерме киіз үйдің ішінде қандай заттар болады? (Сандық, алаша, домбыра, көрпеше т.б)

2. Ойын: «Балалар мұнда киіз үйдің керегелері тұр екен, олай болса кереге ойынын ойнайық»

Балалар жарайсыңдар сендер жайлаудағы киіз үйдің бөлігі кереге ойынын ойнадыңдар ал осы киіз үйге жерге не төселеді? Алаша

Балалар мұнда қараңдаршы алашаның бөліктері тұр ары қарай осы алашаның бөліктерін біріктірейік қандай алаша шығады екен.

3. Ойын: «Алашаны құрастыр»

Балалар пазл бөліктерін оюларды бір –бірімен үйлестіре отырып алаша құрастырады.

Жарайсыңдар алашамызда керемет шықты.

4.Ойын: «Киіз үйдің орнын тап»

Балалар мұнда кішкентай киіз үйлер тұр, олай болса, киіз үлердің орнын тауып орналастыр ойынын ойнайық. Бәріміз мына карточкаларға қарап киіз үйді орналастырамыз

Балалар кім қайда орналастырды киіз үйлерді? (Жоғарыда төменде ортада оң жақта, сол жақта)

5. Ойын: «Танграм»

Балалар жазда далада қандай жәндіктер жүреді жерде не өседі? (Көбелек инелік, гүлдер) біздерге әр түрлі пішіндермен берілген «Танграм» ойынын ойнайық. Мұндағы пішіндерден алдарыңдағы карточкаларға қарап гүлдер көбелектер құрастырыңдар.

Қортынды:

Балалар сендерге жайлау ұнады ма?

Жайлаудағы ойындар барысында қандай қиындықтар болды?

Қандай ойын қатты ұнады?

Қыс мезгілінен жаз мезгіліне саяхат жасаған ұнады ма?

Жарайсыңдар осымен біздің жаздағы жайлауға саяхатымыз аяқталды. Енді өзіміздің бақшамызға оралайық.