Жазғытұрым

Пәні: әдебиеттік оқу.

Сабақтың тақырыбы: Жазғытұрым.

Мақсаты:

1. «Жазғытұрым» өлеңінің мазмұнын аша отырып, көктем мезгіліндегі өзгерістерді сипаттау.

2. Өлеңді мәнерлеп оқыта отырып, ой өрістерін дамытуға, білімдерін кеңейтуге жағдай жасау.

3. Табиғатты қорғауға, сүюге, адамгершілікке тәрбиелеу.

Сабақтың түрі: Дәстүрлі.

Сабақтың типі: жаңа сабақты меңгерту.

Сабақтың көрнекілігі: көктем көрінісі бейнеленген суреттер, I.Жансүгіров портреті, сөзжұмбақ.

Сабақтың барысы:

Ұйымдастыру. Оқушылардың назарын сабаққа аудару.

Үй тапсырмасын сұрау. Мұстафа Шоқай кім еді? Мазмұнын сұрау.

Жаңа сабақ.

1. Қызығушылықты ояту.

Оқушыларды 4 топқа бөлу.

1-топ - қыс, 2-топ — көктем, 3-топ - жаз, 4-топ - күз. Әр топ өз аты бойынша тақпақ, өлеңдер айтады, әр мезгілдегі өзгерістерге тоқталады.

Сұрақтар мен тапсырма:

1. Қазір жылдың қай мезгілі?

2. Көктем айларын ата.

3. Көктемде табиғатта қандай өзгерістер болады?

Көктем

Жер қараяды.

Құстар келеді.

Қар ериді.

Күн жылынады.

Жылғалардан су ағады.

Көктемнен кейін қай мезгіл?

• Жаз.

• Жазғытұры - көктем кезі, жазғасалым, сондықтан да көктемді жазғытұры деп атайды. Бүгін I. Жансүгіровтың «Жазғытұрым» өлеңін оқимыз.

Мағынаны ашу.

• Ілияс Жансүгіров кім?

• Ақын.

• Жансүгіров (1894-1938) Талдықорған облысы Ақсу ауданында дүниеге келген. Қазақ әдебиетінің негізін қалаушылардың бірі. Шығармалары: «Құлагер», «Күй», «Күйші», «Дала» поэмалары, балаларға арналған өлеңдер, т.б.

«Жазғытұрым» өлеңін мәнерлеп оқып беру.

Жазғытұрым

Ой, балалар, балалар!

Жылы – жылы жел соқты,

Жылғалардан су ақты.

Қаңқыл – қаңқыл қаз кепті,

Жер қарайды – жаз кепті.

Желкілдейді көк майса.

Желіндейді мал жайса.

Ауыл көшті қыстаудан,

Әне, апамдар қой сауған.

І. Жансүгіров

Өлеңді оқушыларға мәнерлеп оқыту.

Сұрақтар мен тапсырма:

Өлеңде жылдың қай мезгілі суреттелген?

Мәтінде көктемгі өзгерістер қалай суреттелген?

Жазғытұры, яғни жазғасалым табиғаттың жаңарып, өзгеруі жайында әңгімелету.

I. Ой толғаныс.

1-топ көктем көрінісін суреттеп жазады.

2-топ жазды бейнелейді.

3-топ өлеңді мәнерлеп оқып, мазмұнын айтады.

4-топжұмбақ шешеді.

Қар кетіп,

Қыр көгерді.

Құс қиқуы көбейді.

Жерге диқан дән сеуіп,

Қорадан жас төл өрді. (Көктем)

4. Үйге тапсырма беру. «Жазғытұрым» өлеңін жаттап келу.

Бағалау: