Кіші топта ұйымдастырылған іс-әрекет.

Тақырыбы: «Жеке қауіпсіздік».

Өтілетін күні: 21.11.2024

Түрі: Қоршаған ортамен таныстыру.

Мақсаты: балаларға үйдегі қауіпсіздік шаралары туралы түсіндіру, қауіпті заттармен, қауіпсіздік жағдайлармен таныстыру және олардан саұтана білуге үйрету, қауіпсіздік шаралары туралы білімдерін кеңейту, өз жеке басының қауіпсіздігін дұрыс ұстап жүруге тәрбиелеу.

Көрнекіліктер: көшедегі қауіпсіздік, өрт қауіпсіздік, үй жағдайындағы қауіпсіздік және от суреттері.

Әдіс-тәсілдері: түсіндіру. Тапсырма орындау, мақтау, мадақтау.

Балалар шаттық шеңберін жасау:

Керегені жазайық,

Шаңырақты құрайық,

Уық болып иіліп,

«Достық үйін» құрайық.

Тәрбиеші: жарайсыңдар балалар! Балалар, сендер итті жақсы көресіңдер ме? Иттердің бәрі жақсы емес, көшеден бөтен итті көрсеңдер оны еркелетпеңдер. Өйткені, тістеп алуы мүмкін. Сонымен қатар үйде киім үтіктейтін үтікпен ойнауға болмайды. Ол өте қауіпті, ол жанып, үй өртеніп кетуі мүмкін. Тамақ істейтін газбен немесе үстінде тұрған ыстық суға күйіп қалуларың мүмкін. Сонымен қатар пышақ, қайшы, ине шеге деген сияқтыүшкір, өткір заттармен ойнауқа болмайды. Жәнеде терезенің алдына шығуға болмайды, терезе ашылып құлап кетулерің мүмкін. Балалар үйде сіріңкені ұстауға болмайды.

Одан өрт пайда болуы мүмкін.

Осы жерде өрт сигнализация қосылады.

Балалар, ненің дауысы тыңдайықшы. Балалар, қараңдаршы мына жақта өрт болып жатқан сияқты. Мына өрттен аман қалу үшін орамалмен мұрнымызды жауып қашып шығуымыз керек.

Барлық балалар мұрындарын жауып, тәрбиешінің артынан оттардың астымен еңкейіп шығу. Содан кейін өрт сөндірушілер келіп, өртті сөндіреді.

Жарайсыңдар балалар. Біз өрттен аман-есен құтылдық, сендерге көп рақмет.

Балаларды мақтау, мадақтау.

«Семей қаласындағы технология колледжі» мекемесі қарамағындағы «Немере» балабақшасы

Ашық ұйымдастырылған оқу қызметі

«Құлыншақ» кіші тобы

Тақырыбы: «Жеке қауіпсіздік»

Өткізген педагог: Нұрланбекова Г.С.

Семей-2024