"Желбіре,Жеңіс жалауы"

Залдың іші мереке өтетін бөлме тағзым алаңы секілді безендіріледі. Балалар қолдарында гүл ұстап, жұппен кіреді де, екі қатар болып тұрады.

Музыка әуенімен балалар саппен орындарына барады.

Жүргізуші:Бүгін - Жеңіс күні. Бүгін тағзым алаңына жиналған баршаңызды, бүкіл Қазақстандықтарды Ұлы Жеңіс күнімен құттықтаймыз! Дәл осынау жадыраңқы, жай күні,-дей келе «Әдемі

»ортаңғы тобының «Желбіре,Жеңіс жалауы!атты ертеңгілігімзге қош келдіңіздер!

Болса - дағы қай ғасырдың қай жылы

Ұлы Отаным басын иіп бір минут

Есіне алмақ сол бір апат қайғыны!

Ұлы Отан соғысында шейіт болған майдангерлерімізді 1 минут үнсіздікпен еске алайық..... (1 минут үнсіздік)

Жургізуші:Төрде майдангерлер құрметіне ескерткіш қойылған, мәңгілік от жанып тұр. Ортаға қартаң әже немересін жетектеп келеді де, мәңгілік отқа гүл шоқтарын қояды.

Немересі: Әже, біз қайда келдік?

Әже: Құлыным, бұл біздің бүгінгі бейіт өміріміз үшін Ұлы Отан соғысында ерлікпен қаза болған майдангерлерге тағзым алаңы.

Немересі: Мына отты кім жаққан? Ол қалай өшпейді?

Әже: Бұл отты Жеңістің арқасында жетілген жас ұрпақ жаққан. Елі үшін мерт болған ерлер ұрпағының есінде тұрғанда бұл от өшпек емес,бұл - мәңгілік алау. Батыр ата - әжелеріңнің есімдерін сендер де естеріңде сақтаңдар, ерліктерін үлгі тұтыңдар. Сендер есте сақтасаңдар,батырлар мәңгі жасайды, мәңгі жас қалыптарында саналарыңда өмір сүреді. Иә... дүние - ай, соғыс жанға салған жара әлі күнге дейін

күні кешегідей сыздайды, бірақ Жеңіске де 74 жыл толыпты - ау....

(Әңгімесінің аяғын өз - өзіне айтқандай болған әже біртіндеп шеттей немересін жетектей жылжиды)

Жүргізуші: Қош келдіңіз Әже!Төрлетіңіз,балаларымыздың сіздерге арналған ән мен билерін тамшалаңыз.

Бақытқа байтақ елді бөлегендер

Бауыржан, Әлия, Мәншүк, Төлегендер

Солардың қасиетті ерлігімен

Құлпырып, шешек атып көгерген жер

Ән: «Солдат болам мен ертең!»

Жүргізуші: Қарлығаш тобының балаларының тақпағына кезек берейік

Әкежан:Жамылды жер тұманды

Өрт ішінде қалды бақ.

Жиырма сегіз қыранды

Жеңе алмадау жау бірақ

Рамазан:Оқ астында зулаған

Туған жермен бір болып

Жау алдында тұрды олар

Жирма сегіз мың болып

Санжар:Тастар көкке атылды

Орман шулап тау құлап

Жиырма сегіз батырды

Жеңе алмады жау бірақ

Аяла:Жау жеңілді ақыры,

Атты бейбіт таң күліп

Жиырма сегіз батырды

Ұмытпайды ел мәіңгілік.

Кәусар:Барлық елдің бөбегі

Бір-біріне туысқан

Бәрімізге төгеді

Өз шуағын күміс таң.

Амина:Достық бізге тым ыстық

Бірлік-байлық ырыс құт.

Алихан:Жарқырасын күніміз

Жаса-жаса тыныштық.

Жүргізуші:Жарайсыңдар балалар! Аталар сапқа шықпасын

Аналар қабақ шытпасын

Бақытқа жетіп бар адам

Сәбилер тыныш ұйқтасын!

(келесі кезекте би ұлдардың орындауында)

Би: «На полубе»

Жүргізуші: Сене бер енді ардагер

Көр - дағы ұрпақ туғанын

Келешек елдің жеңісін

Кімдердің қорғап тұрғанын!

Көрніс:Жеңіс күні(Музыкалық сүйемелдеумен)

Жүргізуші: Қарлығаш тобының балаларының тақпағына кезек берейік.

Айдария:Анамыздай тілеуі ақ

Отан бізде біреу-ақ

Ол біздің Қазақстан!

С.Айша:Ойлап-ойлап тұрдым көп,

Сауал бердім білгім кеп

Қуанышты мереке

Жеңіс күні Қай күн?- деп.

Айбибі:Атамнан да сұрадым,

Апамнанда сұрадым.

Ағамнанда сұрадым.

Тосты бәрі құлағын:

-Дұрыс,-деді сұрағың!

Бейбіт күні бәрі де-

Жеңіс күні шырағым!

Жүргізуші:Жарайсыңдар балалар!Мың бұралған қыздардың орындауында би.

Би:Катюша

Жүргізуші: Енді ешқашан соғыс болмасын. Бөбектеріміз жыламасын. Көк туымыз көгімізде желбірей берсін!

Ән «Ел қорғауға әзірміз!»

Жүргізуші: Әркез болсын тыныштық

Тыныштық бізге тым ыстық

Көркейе берсін еліміз

Көбейе берсін ырыс - құт!

Бүгінгі «Желбіре,Жеңіс жалауы» атты ертеңгілігіміз аяқталды. Келесі ертеңгілікте кездескенше қош сау болыңыздар. Тәуелсіз елімізде тек тыныштық болсын.Баршаңызға ризашылығымды білдіргім келеді. Жеңісті күндеріміз көп болсын!