Сабақтың тақырыбы: Жемістер мен көкөністер (суреттермен жұмыс)

Сабақтың мақсаты: Жемістер мен көкөністерге туралы мәлімет беру.

Сабақтың міндеттері:

Білімділік: Балалардың белсенділігін, тілін дамыту, ауызша сөйлеу дағдыларын қалыптастыру, қарым – қатынас жасай білуге үйрету.

Түзете-дамытушылық: Балалардың ойлау әрекетінің әртүрлі біліктілігін дамыту, есте сақтау қабілетін дамыту.

Тәрбиелілік: Балалардың тілге деген сүйіспеншілігін дамыту, ұқыптылық, тазалық дағдыларын қалыптастыру, еңбексүйгіштікке тәрбиелеу.

Сабақтың түрі: аралас сабақ.

Әдіс-тәсілдері: түсіндіру, жаздыру, сұрақ-жауап,сергіту сәті, ойын.

Көрнекі-құралдар: суреттер,ойыншықтар, муляждар, үлестірмелі материалдар, тақта, бор.

I апта

Сабақтың барысы: I. Ұйымдастыру кезеңі: Балалардың зейінін сабаққа аудару. Қызығушылықты ояту: 1, 2, 3
Сынып іші тып-тыныш
Жалқаулықты тастаймыз
Сабақты біз бастаймыз!

III. Жаңа сабақ.  Балалар қазір жылдың қай мезгілі? - Күз мезгілінде неше ай бар? - Күз Күз мезгілінде ауа – рай қандай болады?- Күз мезгілі туралы қандай тақпақ болады? Бүгін аптаның қай күні?

Өткен оқу іс -әрекетін еске түсіру.- Балалар қане кім маған төрт түлікті атап береді?- Төрт түліктің қандай пайдасы бар?

- Төрт түліктің төлдерін атайықшы?- Өте жақсы, балалар. Өрік, шие, бәрі бар, Қауын, қарбыз көбейді.Жегің келсе бәрін ал, Неге аласың демейді. Жемісі мол теретін,Күз дос екен бізбенен. Бәрін тауып беретін, Жомарт екен күз деген.- Балалар бұл өлеңде қай мезгіл туралы айтылған?

IY.Сергіту сәті: Қорбаңдаған аюдың,
Құлпынайы көп екен.
Теріп,теріп алайық
Себеттерге салайық.

II апта

Сабақтың барысы:I. Ұйымдастыру кезеңі: Балалардың зейінін сабаққа аудару.«Жемістер мен көкөністерді ажырату» дидактикалық ойыны.

Шарты: жемістер мен көкөністерді ажыратып, түсін, пішінің айту.

Құралған суреттерінің атауын сұраймын. Топта балалар қандай жемістің суреті екенін анықтайды және сол жеміс туралы білетін мәліметтерін айтады. Балалардың алдына суреттер беріледі. Бір-бірінің қолындағы жемістің суретіне байланысты топтың ішінде сұрақ қойып, жауап беруді үйренеді.

Мысалы: -Алма қышқыл ма?Жоқ, алма қышқыл емес. Алма тәтті. -Сен не жегің келеді? Мен алма жегім келеді.

Пікірлер сызығы. «Иә» «Жоқ»

Мынау қияр ма?           Иә, бұл – қияр.

Мынау пияз ба?          Жоқ, бұл – алма.

Мынау картоп па?    Иә, бұл – картоп.

Мынау сәбіз бе?                  

Жоқ, бұл – қызылша. Фонетикалық жаттығулар: - кө, - кө, -кө көкөніс

- қи, - қи, - қи қияр     - сә, -сә, - сә сәбіз

Дәптермен жұмыс. «Жемістерді сана және боя»

IY.Сергіту сәті: Қарбыздай дөңгелек боламыз,

(Екі қолын біріктіріп, дөңгелек шар жасайды)

Қиярдай сопақ боламыз,(Екі қолын алдына қарай біріктіріп созады)

Өріктей кішкентай боламыз, (Саусақтармымен кішкентайды көрсетеді)

Жүзімдей көп боламыз.

III апта

Сабақтың барысы:I. Ұйымдастыру кезеңі: Балалардың зейінін сабаққа аудару. Жұптық жұмыс: Берілген сөздерді дұрыс сәйкестендіріп жаз.

бауырсақ                                қызыл                   

мәнті                                      ішемін                  

асхана                                   көкөністер

тамақ                                      үлкен

бақ                                         дәмді

бақша                                    жемістер

алма                                      жеймін

Ойын: «Не қайда өседі»? Шарты: Тақтадағы бақ пен бақшаның суретіне қарай балалар көкөністің суретін бақшаға, ал жемістің суретін баққа апарып жапсырулары қажет. Бағбан:Өнім биыл тамаша! Көз тоймайды қараса:

Сәбіз, картоп, қызанақ асқабақта бар арасында. Қырыққабатқа қарашы! Көкөністер: Жиналып қаппыз бәріміз, Қайсымыз ең дәмдіміз?

Ішімізден адамға тиеді көп пайдамыз?

Қызылша: Мен де бір сөз айтайын, Мақтанайын сіздерге.

Менсіз борщ болмайды Винегрет те үстелде.

IY апта

Сабақтың барысы: I. Ұйымдастыру кезеңі: Балалардың зейінін сабаққа аудару. Психологиялық  дайындық. «Күлімде  ,күн, күлімде!

Күлсін барлық бала шат! Берекелі  бүгіндей

Бейбіт  болсын  болашақ!»

Ойын: «Дәмін тап» Шарты: Жемістер мен көкөністерді акеліп көзін байлап , бір жемісті немесе көкөністі алып дәмін , пішінін, көкөніспен жеміспен екенін ажыратып айту.

Тапсырма: Көкөністер мен жемістерді дене мүшелерімен толықтырып мультфильм кейіпкелеріне айналдыр. Мұғалімнің нұсқауымен балалар көкөністер мен жемістерге көз, ауыз, қол, аяқ дене мүшелерін салып мультфильм кейіпкеріне айналдырады.

IY.Сергіту сәті:

VI. Қорытынды. Сұрақ-жауап арқылы тақырыпты қорытындылау.

VII. Бағалау. Балаларды жеке-жеке мадақтау.

Күтілетін нәтиже: Жемістер мен көкөністерді ажырата білуі ;

Жемістер мен көкөністер туралы түсініктерін қалыптастыру.