«Жемқорлықсыз бақытты балалық шақ»

9 – сынып білім алушысы

Шахарбек Аяла

Ақтөбе қаласы

Әл-Фараби атындағы №21 мамандандырылған гимназия

Камбарова Салтанат аманжоловна

Балалық шақ – әр адамның өміріндегі ең қымбат әрі ұмытылмас кезең. Бұл уақытта әр бала өзін қауіпсіз сезініп, еркін білім алып, болашаққа сеніммен қарауы керек. Осы орайда біз қатысушыларға азаматтың өз құқықтары мен міндеттері туралы ойлануды ұсынамыз, өйткені өз құқығын білетін және міндетін орындайтын азамат қана әділ қоғамның қалыптасуына үлес қоса алады. Қоғамда жемқорлықтың орын алуы ең алдымен балалардың санасына кері әсер етеді. Өмірде кейбір мәселелер таныстық немесе пара арқылы шешілетінін көрген бала әділдікке деген сенімін жоғалтады. Мысалы, оқуда өз еңбегімен емес, басқа жолмен жоғары баға алған оқушыларды көргенде, адал еңбек еткен баланың көңілі түседі. Бұл — азаматтық сана мен жауапкершіліктің әлсіреуінің бір көрінісі.

Ал әрбір азамат өз құқықтары мен міндеттерін жақсы білсе, мұндай келеңсіз жағдайлардың алдын алуға болады. Өз құқығын қорғай алатын, ал міндетін адал орындайтын адам жемқорлыққа жол бермейді. Мектепте бұл мұғалімнің әділ бағалауынан, оқушының білімді адал жолмен алуынан көрінеді. Осындай ортада бала адалдықты өмірлік ұстаным ретінде қалыптастырады.

Өмірмен байланыстырсақ, күнделікті тұрмыста да азаматтық жауапкершілік маңызды. Заңды сақтау, әділетсіздікке бейжай қарамау, өз ісіне жауап беру – әр азаматтың міндеті. Мұны ерте жастан түсінген бала ертең саналы, адал азамат болып қалыптасады.

Мен жемқорлықсыз қоғамды — шынайы бақыттың бастауы деп санаймын. Себебі ондай ортада бала өз еңбегімен жетістікке жетіп, өзгеге де сеніммен қарайды. Ұстаздар тек білім берумен айналысады, ата-аналар баласының болашағына алаңдамайды.

«Жемқорлықсыз бақытты балалық шақ» — бұл жай сөз емес, бұл әр баланың үміті, болашаққа сенімі. Біз — осы сенімді сөндірмей, жарқын болашақ үшін күресуіміз керек. Адалдықпен өмір сүрейік!

Қорытындылай келе, жемқорлықсыз қоғам – бақытты балалық шақтың негізі. Ал мұндай қоғам азаматтардың өз құқықтары мен міндеттерін терең түсінуінен басталады. Сондықтан әрқайсымыз адал болуды, заңды сыйлауды өзімізден бастап, жарқын болашаққа қадам жасауымыз қажет.