Түсінік хат Қазіргі таңда адамзат алдында тұрған ең өзекті мəселелердің бірі – жер мен су ресурстарының азаюы, ластануы жəне олардың ұтымсыз пайдаланылуы. Табиғаттағы тепе-теңдіктің бұзылуы, экологиялық дағдарыстар мен климаттың өзгеруі ғаламдық сипат алып отыр. Бұл өз кезегінде адамзаттың өмір сүру сапасына, денсаулығына, болашағына əсер етуде. Сондықтан да оқушыларды ерте жастан табиғатты қорғауға, ресурстарды үнемді пайдалануға, экологиялық мəдениетті қалыптастыруға баулу – қазіргі білім беру жүйесінің маңызды міндеттерінің бірі болып табылады. «Жер жəне су ресурстары: ғаламдық мəселелер жəне шешу жолдары» атты бұл бағдарлама 8-сынып оқушыларына арналған. Бағдарламаның мақсаты – оқушылардың табиғи ресурстар туралы білімін тереңдетіп, оларды ұтымды пайдалану мен қорғаудың жолдарын үйрету, сонымен қатар экологиялық ойлау мəдениетін дамыту. Бағдарлама жалпы білім беру стандартына сəйкес жасалып, қазіргі заманғы білім беру философиясына сай тұлғалық-бағдарлы, құзыреттілік жəне іс-əрекет