Жердің Күн жүйесіндегі орны

Жаратылыстану пәні бойынша 6 - сынып оқушысының өзіндік жұмысының жоспары

IV тоқсан

Сабақтың нөмірі: 3

Сабақтың тақырыбы: Экожүйелер

Мақсаты: Бұл сабақта оқушы экологиялық пирамидада энергия мен заттардың ауысуын түсінеді

Қысқаша конспект

«Энергия қоректік тізбек арқылы қалай өтеді?»

Күн – барлық қоректік тізбектердің негізгі энергия көзі, сондықтан экожүйелердің де негізгі энергия көзі болып табылады. Өсімдіктер күн энергиясын қолданып, фотосинтез процесі арқылы қорек жасап шығаруға бейімделген. Кейін бұл қоректі басқа ағзалар қолданады, сондықтан энергия қоректік тізбек арқылы бір трофикалық деңгейден келесі деңгейге өтеді. Қоректік тізбекте қанша трофикалық деңгей бар? Әдеттегі қоректік тізбектерде үштен беске дейін трофикалық деңгей болады. Бестен көп трофикалық деңгейі болатын қоректік тізбектер сирек кездеседі, себебі қосымша трофикалық деңгейде ағзалар популяциясын сақтау үшін қолжетімді энергия өте аз болады.

Оқулық беттеріне, Интернет-ресурстарға сілтеме: bilimland.kz, «Алматыкітап» баспасы, 181-183 беттер

Оқушыларға арналған тапсырмалар:

1. Тапсырма Ой шақыру. Оқушылар қоректік тізбек құрастырады. Қоректік тізбектегі продуцент, консумент, редуценттерді анықтайды. Осы термин сөздерге анықтама береді.

2. Тапсырма. «Қоректік тізбек» ойыны.Оқушылар бидай тұқымы, тышқан, түлкі пайдаланып, әр топ өз жұмыстарымен бөліседі, кері байланыс беріп, қоректік тізбекте энергияның бір деңгейден келесі деңгейге өтетіндігін, энергияның берілу заңдылықтары немесе «10% ереже», бір трофикалық деңгейден келесі деңгейге 10% артық энергия өтпейді, 90% энергия ағзаның өз қажеттігіне жұмсалатындығын талдайды. Нәтижесінде қолдарындағы қалған «қорек» мөлшерлерін санау арқылы экологиялық пирамида құрастырады.

Кері байланыс: орындалған тапсырманы оқушы электронды пошта немесе WhatsApp» мобильді қосымшасы арқылы жібереді.