"Жеті лақ"

Тақырыбы : « Жеті лақ » ( Сахналау )

Мақсаты : Балаларды ертегі мазмұнын түсініп , оны әңгімелеуге , диолог құруға, сөздерді мәнерлеп келтіріп айта білуге үйрету. Есте сақтау қабілеттерін қалыптастыру . Балалардың көркем әдебиетке деген қызығушылығын арттыра отырып , сөздік қорын байыту. Тілдерін дамытып байланыстыра сөйлеуге үйрету . Баланың ойлау, қабылдау,танып көру , есту қабілеттерін дамыту. Мейірімділікке , адалдыққа , татулыққа табиғатты қорғауға , аялай білуге тәрбиелеу .

Авторы – Нұрай : Баяғыда бір ешкінің жеті лағы болыпты. Ешкі көк майсада шөп жеп,мұп – мұздай су ішуге орманға кетеді екен . Ол кетісімен лақтары үйшік есігінің күршегін іліп алып , өздері ешқайда шықпайды екен . Ешкі өрістен келген соң , есікті қағып : Лақтарым , шырақтарым !

Аша қойыңдар , аша қойыңдар !

Енелерің келді , сендерге сүт әкелді .

Емшегім иіп тұр .

Аппақ сүтім тамшылап,

Тұяғыма тиіп тұр,деп өлеңдетеді екен .

Жеті лақ есік күршегін ашып енелерін кіргізеді . Ешкі лақтарын сүтке тойғызып , қайтадан орманға кетеді . Ал лақтары есікті мықтап жауып алады . Автор – Нұрай : Ешкінің орманға кеткенін байқап қасқыр : О , мына орманда ешкі де тұрады екен ғой ! Өзінің неше лағы бар , оңай олжаға тап болдым ғой . Қарным бір тоятын болды деп ( қарнын бір сипап қояды )

Ешкінің өлеңін қасқыр тыңдап тұрады . Ешкі орманға кетісімен , қасқыр есікке келіп жұп – жуан дауысымен :

Қасқыр – Нұрислам : О , лақтарым ! ой , шырақтарым !

Аша қойыңдар ,

Аша қойыңдар !

Енелерің келді –

Сендерге сүт әкелді .

Тұяғым шылқыған су.

Автор – Нұрай : дейді өлеңдетіп .

Лақтар – Еркежан , Алихан , Бексұлтан , Інжу , Елназ , Айсұлу , Ақниет .

Сен біздің анамыз емессің , біздің енеміздің дауысы жіңішке сенің дауысың жуан дейді .

Автор – Нұрай : Қасқыр не істесін ұстаға барады да , көмейіне жіңішке тіл салып бер , әйтпесе жеп қоямын , дейді .

Ұста – Досжан : Менің қолымнан келмейді .

Қасқыр – Нұрислам : Жеп қоямын , жіңішкертіп бер .

Автор – Нұрай : Үйшіктің жанына келеді де , бұта арасына жасырынады . Өрістен ешкі келеді , есікті қағып .

Лақтар – Еркежан , Алихан , Бексұлтан , Інжу , Елназ , Айсұлу , Ақниет : Бұл кім ?

Ешкі – Дильназ : Лақтарым , шырақтарым !

Аша қойыңдар !

Енелерің келді –

Сендерге сүт әкелді ,

Емшегім иіп тұр.

Аппақ сүтім тамшылап ,

Тұяғыма тиіп тұр!

Автор – Нұрай : дейді әндетіп .

Лақтар – Еркежан , Алихан , Бексұлтан , Інжу , Елназ , Ақниет . Есік ашып енесін кіргізеді . Бәрі қасқырдың қалай келгенін , өздерін қалай жемек болғанын айтып береді .

Ешкі – Дильназ : Егер біреу келіп мен айтатын өлеңді айтса және дауысы жуан болса есікті ашпаңдар .

Автор – Нұрай : деп қатты тапсырады . Ешкі кетісімен қасқыр есікке келеді . Содан жіп – жіңішке дауысымен .

Қасқыр – Нұрислам : Лақтарым , шырақтарым !

Аша қойыңдар , аша қойыңдар !

Енелерің келді –

Сендерге сүт әкелді,

Емшегім иіп тұр !

Автор – Нұрай : деп әндетеді . Лақтар анасы екен деп есікті ашады .

Қасқыр – Нұрислам : О , шырақтарым менен қорықпаңдар . Мені сендерге аналарың жіберді . Аналарың орманда күтіп отыр .

Автор – Нұрай : дейді , лақтар қасқырдың артынан еріп жүре береді. Ешкі өрістен келеді , өлеңін қанша рет қайталайды . Үн жоқ . Қараса есік ашық, үйге кірсе , бір лақ қалмаған . Пештің ішіне қараса бір лағы қалыпты . Лақтарынан айырылған ешкі есігінің алдына отырып жылай береді.

Лақ – Айсұлу : Апа , сіз жоқта қасқыр сіздің дауысыңызды салып , сіздің өлеңіңізді айтты . Біз есік аштық . Қасқыр бізді алдап бауырларымды орманға алып кетті .

Автор – Нұрай : Ешкі орманда аңшыны көріп жылап көмек сұрайды .

Ешкі – Дильназ : Аңшы маған көмек беріңіз ! Қасқыр менің лақтарымды алдап , әкетті.

Аңшы – Бексұлтан : О , жүр мен оның сазайын тартқызайын .

Автор – Нұрай : Ешкі аңшыны ертіп қасқырдың ұясына келеді .

Қасқыр – Нұрислам : Ой , мынау аңшы ғой , қолындағы мылтығы ма ? Қой атып тастамай тұрғанда қашайын .

Лақтар – Еркежан , Алихан , Бексұлтан , Інжу , Елназ , Айсұлу , Ақниет : О , анамыз келді, апа кешіріңіз енді есікті ешкімге ашпаймыз .

Автор – Нұрай : деп жылайды . Ешкі лақтарымен табысып , орманда бақытты өмір сүреді .

Нәтиже : Балалар сахналаудың не екенін жете меңгереді . Рөлге бөлініп дыбыстауды үйренеді . Осы жеті лақ ертегісін сахналай отырып , бауырмашылдыққа үйренеді .

Тіл байлықтарын кеңейтіп , сөздік қорын байытады . Ертегідегі жеті лақты сомдай отырып балалар шығармашылық қабілеттерін дамытады.