Жетістікке толы 8 «А»: Шыңдарды бағындырған шымыр сынып

Заманауи білім беру кеңістігінде тек оқу озаты болу жеткіліксіз, бүгінгі күн талабы — жан-жақты, бәсекеге қабілетті тұлға қалыптастыру. Міне, осы үдеден шығып, білім мен ғылымда, спорт пен өнерде, тіпті жоғары технологиялар әлемінде ерекше қолтаңбасымен танылған бірегей ұжым — мектебіміздің 8 «А» сыныбы.

Бұл ұйымшыл сыныпта бүгінде 32 оқушы (14 ұл және 18 қыз) тәрбиеленіп жатыр. Көздерінде оты, бойларында жігері бар сегізінші сынып оқушылары биылғы оқу жылын айтулы табыстармен, толайым табыстармен қорытындылады.

Білім мен ғылым додасының тарландары Сыныптың интеллектуалдық әлеуеті өте жоғары. Мұның айқын дәлелі ретінде білім бәйгесінде дараланған оқушыларды айтуға болады. Биылғы оқу жылында сынып мақтанышы Байұзақ Арайлым республикалық пәндік олимпиадада бақ сынап, жоғары деңгейде білім көрсетіп, арнайы Грамотамен марапатталды. Сонымен қатар, сыныптың 5 бірдей оқушысы облыстық олимпиада кезеңіне жолдама алып, мектеп абыройын асқақтатты.

Болашақ технология және инновация көшбасшылары Қазіргі цифрлық заманның басты тренді — робототехника саласында да 8 «А» ұлдары қалыс қалған жоқ. Рай Бекнұр мен Самбай Арман техникалық шығармашылық пен жаңашыл идеялар сайысында озып шығып, робототехникадан өткен республикалық турнирлерге қатысып, мектептің инновациялық әлеуетін дәлелдеді.

Спорт айдынындағы шымырлар «Тәні саудың — жаны сау» демекші, спорттық жарыстарда да сыныптың намысын жыртқан спортшылардың шоғыры қалың. Аудандық, қалалық және облыстық деңгейдегі спорттық сайыстарда Қапаров Ерасыл, Нурбаев Дамир, Махатжанова Азиза және Шабахова Акмарал сынды оқушылар жүлделі орындардан көрініп, сыныптың спорттық қоржынын бос қалдырмады.

Сахна сәні — өнерлі өрендер Сегізінші сыныптың қыздары тек сабақта ғана емес, өнер әлемінде де алдарына жан салмайды. Мектепішілік және аймақтық ән-би байқауларында Байұзақ Арайлым, Ермағамбетова Жанеркем және Хасенова Томирис өздерінің ерекше дарындылықтарымен, мың бұралған биімен және әсем дауыстарымен көрермен көзайымына айналып, ерекше көзге түсті.

Әл-Фараби атындағы №21 мамандандырылған гимназияның 8 «А» сынып жетекшісі М.С.Тасбулатова