Жігіт сұлтаны сайысы сценарийі

ЖББ Шахта мектебі

ТӘРБИЕ САҒАТЫ

Тақырыбы: «Жігітке жеті өнерде аз»

Сынып жетекшісі: Бибиткали З

Мақсаты: Болашаққа сеніммен қадам басқан  халқымыздың салт-дәстүрі, әдет-ғұрпы, жөн-жоралғыларын оқушылардың бойына сіңіру, батыл, намысты ұлдарды тәрбиелеу. Жігіттерімізді батырлыққа, шешендікке, тапқырлыққа, имандылыққа тәрбиелеу.

Көрнекілігі: Суреттер, шар, гүл, мультимедия, қанатты сөздер

(Музыка ойнап тұрады, қонақтар жайғасады, екі жүргізуші ортаға шығады)

1 – жүргізуші: Қайырлы күн, құрметті ұстаздар, оқушылар және «Жігіт сұлтанына» келген барша көрермендер!
Асыл тастан, өнер жастан шығады деп дарынды,
Халық айтса, халық сөзі, әрқашанда нанымды!
Сол өнердің жолын қуған «Жігіт сұлтаны» сайысына қатысатын жігіттердің
жолы ақ болсын, жүлделі орынға ие болсын деп сайысымызды ашық деп
жариялаймыз.

Сайыстың барысымен таныстырып өтсек:

1. Таныстырсам тегімді» (міндетті түрде өзін-өзі таныстыру презентациясы)

2. «Жігітке жеті өнер де аз, жетпіс өнер көп емес» (өз өнерін көрсету)

3. «Білімді жүзден озар» (салт дәстүрге байланысты сұрақтарға жауап беру)

4. «Күш атасын танымас» (спорттық сайыс)

2 – жүргізуші: Бүгінгі сайысымызда жігіттер өз өнерлерін көрсетіп қана қоймай, салт - дәстүрімізді, сонымен бірге өз білімдерін, шеберліктерін көрсетеді.

1 – жүргізуші: Ата жолын жалғамақ,
Ел дәстүрін қолдамақ
Ел намысын қорғамақ.
Ұлдар шықсын ортаға,
«Жігіт сұлтаны» атанбақ.
Құрметті көрермен қауым қол соғып, қошеметтеп жігіттерді ортаға шақырайық.

2 – жүргізуші:

Кімдер жүйрік, өнерпаз білейікші,
Сұлтаны деп колледжің жүрейікші.
Қазыларға тек қана әділдікті,
Жігіттерге сәттілік тілейікші.

1– жүргізуші:

Жігіттер келіп жетті танысуға,
Бойындағы бар дарынды дамытуға
Қорықпастан сахнаға келіп жетті
Әдеппен сіздерменен танысуға

2 – жүргізуші:
Жігіттер, ойын арзан, күлкі қымбат,
Екі түрлі нәрсе ғой сыр мен сымбат.
Арзан, жалған күлмейтін, шын күлерлік,
Ер табылса, жарайды қылса сұхбат, - дей отырып сайыскерлерімізге сәттілік тілейміз. Жігіттеріміз өздерін таныстырып өтсін.

(Жігіттер таныстыруға реті бойынша шығады)

1-жүргізуші:

Таныс болдық жігіттер тегіменен
Туып өскен мекені, еліменен.
Бәрі де ақын көрінеді,
Таныстырып кетті ғой төгіп өлең.

2-жүргізуші:

Асқақтаған ән дайын,

Күмбірлеген күй дайын.

Ал, кәнеки қырандар
Босқа қарап тұрмаңдар.
Бастап жігіт өнерін
Алыстарға самғаңдар!

1 жүргізуші: Қыран-бүркіт көтерер ердің нарқын,

Қыран жігіт асырар елдің даңқын!-

демекші, енді жігіттерміздің өнерін тамашалайық.

(Әрқайсысы өз өнерін көрсетеді. )

1 - жүргізуші

Ей жігіттер!

Сендерге артар міндет көп.

Көтер биік ата салтын құрметтеп

Ақтай білсең ата-баба үмітін

Әрбір сөзі – тәлімі мол бір мектеп!

Сайысымыздың келесі түрі «Білімді жүзден озар» Ол үшін сөзді тыңдай біліп, сөздерді ойға тоқу керек. Салт – дәстүрге байланысты сұрақтарды әділқазылардың алдындағы кағаздан алып, бірден жауап бересіздер.

Сұрақтар:

1. Жеті қазынаға нелер жатады? (жүйрік ат, қыран бүркіт, құмай тазы, берен мылтық, сұлу әйел, ер жігіт, ілім-білім)

2. Үш дауасызға не жатады? (міңез, кәрілік және ажал)

3. Үш тәттіге не жатады? (ананың сүті, баланың тілі, туған жер)

4. Төрт түлік мал пірінің  аталуы қалай? (Түйе – Ойсылқара,   жылқы – Қамбар ата, қой – Шопан ата, ешкі – Шек-Шек ата, сиыр – Зеңгі баба)

5. 5 дұшпанды айтыңыз (өсек, өтірік, мақтаншақ, еріншек, бекер мал шашпақ)

6. Аттың ер-тұмандарына нелер жатады? (Жүген, ішкілік, тоқым, ер, үзеңгі, аткөрпе, тартпа, қамшы)

7. Жеті атаны атаңыз (бала, әке, ата, арғы ата, баба, түп ата, тек ата)

8. Қазақтың қандай ұлттық ойындарын білесіз? (көкпар, аударыспақ, қыз қуу, күрес, теңге ілу, алтын қабақ, ақсүйек)

9. Ер қаруы бес қаруды атаңыз? (садақ, найза, қылыш, шоқпар, айбалта)

10. Қонақтың түрлерін атаңыз. (арнайы, құдайы, қыдырма, қылғыма)

11. Қандай ырым-тыйым білесін?

12. Мұсылманның бес парызын атаңыз. (5 уақыт намаз оқу, ораза ұстау, зекет, садақа беру, қажылыққа бару)

13. Мал жіліктерінің атауын айт. ( І. Қол жіліктері:  6, 1.    Кәрі жілік – 2, Күң жілік – 2, Жауырын – 2. Сан жіліктері: 6: Асықты жілік – 2, Тоқпан жілік – 2, Жамбас – 2)

14. Қазақ халқының салт-дәстүр,  той-томалақтарын  атап шық, біреуін түсіндір.

(Бесікке салу, қырқынан шығару, тұсау кесер, сүндетке отырғызу, беташар, көкпар, той бастар)

15. Киіз үйдің сүйегі (шаңырақ, уық, кереге, сықырлауық)

16. Үш байлық (денсаулық, ақ жаулық, он саулық)

17. Жеті жұтты атаңыз (құрғақшылық, жұт, өрт, оба, соғыс, топан су, зілзала)

18. Әлемнің жеті кереметі: (Египет пирамидасы, Вавилонның аспалы бағы, ертедегі Артемида храмы, Олимпиядағы Зевстің мүсіні, Галикарнастағы Мавсол патшаның табытханасы, Жерорта теңізі аралығындағы Гелиостың қолдан жасалған мүсіні, Александрия маягі)

1-жүргізуші:   Ат өнері білінбес,

              Бәйгеге түсіп жарыспай.

              Ер өнері білінбес,

Қоян қолтық алыспай, -  демекші, енді жігіттеріміздің спорттық жарыстағы өнерлерін көрейік. Білек күшін сынап көрсек.

2-жүргізуші:

Құрметті көрермен қауым! Енді сайысып жатқан жігіттерді қол  шапалақтап, қошаметтеп ортаға шақырайық. Келесі сайысымыз «Күш атасын танымас»

Бағалау әділқазы

2-жүргізуші Жігіттер, жаман істі кәсіп етпе,

Досыңды бірге жүрген басып өтпе,

Басыңа әлдеқандай іс түскенде.

Келесі кезекті тағы да әнге берейік.

 1-жүргізуші Жылдар-жылдар тарихтың мол беттері,

Сен әкелген жақсылықтар көп тегі.

Көңіліңді шат сезімге баурайды,

Халқымыздың бүгіні мен өткені.

Армысыздар ағайын, құрбы-құрдас!

Бармысыздар, жан күйер әз-қауымдас!

Бүгінгі кеш сайысты біз бастайық

Сайыста көңілменен қол соғалық.

Біздерде ойын-сауық басталады,

Тамаша күй тартылып ән салады.

Қошеметтеп қол соғып отыралық,

Ұмытарсыз күні бойғы шаршағанды.

Бағына бақытты елдің туған ұлан,

Бойына бар асылды жиған ұлан.

Қазақтың қасиетті Жігіттері,

Жанына нұр дарыған, жыр дарыған.

Дария ой, даналардан бата алғандар,

Айнымас алмас қылыш атанғандар.

Қазақтың қасиетті Жігіттері,

Халқына қалқан болған қаһармандар

2 – жүргізуші:

1 – жүргізуші:

Өздеріңізбен бірге қызықтап, өнерлерін тамашалаған сұлтандар сайысы да аяқталды. Тоқсан ауыз сөздің тобықтай түйініне келер болсақ «Жүйріктен жүйрік озар жарысқанда» демекші, бүгінгі сайысымыздың жеңімпазын анықтау үшін сарапшылар алқасына сөз береміз.

2 – жүргізуші 450 ₸ - Сатып алу

Материал ұнаса әріптестеріңізбен бөлісіңіз

Ватсапта бөлісу Телеграммда бөлісу Фейсбукта бөлісу Сілтемені көшіру

Ашық сабақ, ҚМЖ, көрнекілік, презентация жариялап табыс табыңыз!

Материалдарыңызды сатып, ақша табыңыз. (kaspi Gold, Halyk bank)

Соңғы бір жылда:

45 000 000 ₸

Авторлар тапқан ақша

Толығырақ

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!

Тізімді көру